Þrenna í uppbótartíma hélt læri­sveinum Freys uppi í úr­vals­deild

Freyr tók við liðinu á miðju tímabili, þeir sátu þá í neðsta sæti deildarinnar og höfðu rekið tvo þjálfara það sem af var tímabili. Freyr vann sannkallað kraftaverk í „kirkjugarði þjálfara“ eins og Kortrijk var kallað af blaðamönnum Belgíu.

Liðið vann sig upp töfluna og endaði í þriðja neðsta sæti, sem tryggði þeim umspilseinvígi um sæti í úrvalsdeildinni við Lommel, sem endaði í 3. sæti B-deildarinnar.

KV Kortrijk vann fyrri leik liðanna 1-0 á útivelli og var því í fínni stöðu fyrir seinni leikinn.

Það breyttist fljótt þegar miðjumaðurinn Diego Rosa kom Lommel yfir strax á 3. mínútu og jafnaði einvígið 1-1 samanlagt.

Þannig hélst staðan allt til enda venjulegs leiktíma. Gestirnir áttu fína kafla en heimamenn Kortrijk voru hættulegri aðili og fóru illa með tvö fín færi.

Rúmlega tíu mínútna hlé var gert vegna úrhellisrigningar í seinni hálfleik og uppbótartíminn fór því rétt fram úr fimmtán mínútum. Þrátt fyrir það tókst hvorugu liði að skora og leikurinn var framlengdur.

Varamaðurinn Thierry Ambrose reyndist hetja Kortrijk í framlengingunni þegar hann skoraði tvö mörk með fimm mínútna millibili.

Henry Oware í liði Lommel fékk sitt annað gula spjald í millitíðinni og var rekinn af velli. Lommel því manni færri og samtals tveimur mörkum undir í einvíginu. 

Vonin þó ekki öll úti, Lucas Schoofs minnkaði muninn af vítapunktinum á 105. mínútu. 

En Henry Oware gerði út um þær vonir þegar hann fullkomnaði þrennu sínu og gulltryggði Kortrijk sigur á 117. mínútu. Lokaniðurstaða 4-2 og 5-2 samtals í einvíginu. 

Ótrúlegur viðsnúningur á enda og KV Kortrijk heldur sæti sínu í úrvalsdeild.