Golf

Sá sem hand­tók Scheffler fylgdi ekki verkreglum en á­kærurnar standa

Ágúst Orri Arnarson skrifar
Scottie Scheffler, efsti kylfingur á heimslista, á yfir höfði sér fjórar ákærur. Hann var handtekinn á leið að Valhalla-vellinum þar sem PGA meistaramótið fór fram um síðustu helgi. 
Scottie Scheffler, efsti kylfingur á heimslista, á yfir höfði sér fjórar ákærur. Hann var handtekinn á leið að Valhalla-vellinum þar sem PGA meistaramótið fór fram um síðustu helgi.  Vísir/Skjáskot

Borgarstjóri Louisville í Kentucky sagði lögregluþjóninn sem handtók kylfinginn Scottie Scheffler ekki hafa fylgt verkreglum í starfi sínu, ákærurnar gegn Scheffler verða þó ekki felldar niður.

„Lögregluþjóninn hefði átt að kveikja á búkmyndavél sinni en gerði það ekki. Hann var ávíttur af yfirmanni sínum. Við gerum okkur fulla grein fyrir alvarleika þess að eiga ekki upptöku af atvikinu og munum grípa til aðgerða svo það komi ekki fyrir aftur,“ sagði borgarstjórinn á blaðamannafundi um málið. 

Þrátt fyrir það verður málinu fylgt eftir og ákærurnar gegn Scheffler standa.

Lögfræðingur Scheffler, Steve Romines, var viðstaddur blaðamannafund borgarstjórans. 

Hann segir skjólstæðing sinn saklausan og er tilbúinn að fara fyrir rétt ef ákæran um líkamsárás á lögregluþjóninn verður ekki felld niður.

ESPN fjallaði um málið og sýndi áður óbirt myndskeið af handtöku Scheffler sem sjá má hér fyrir neðan.

Golf PGA-meistaramótið

Mest lesið


Fleiri fréttir

Sjá meira


×

Mest lesið