Sjó­menn í haldi og ÁTVR í bobba

Það kemur í ljós í hádeginu hvort farið verði fram á gæsluvarðhald yfir stjórnendum skipsins en þeir eru grunaðir um að hafa yfirgefið mann í sjávarháska.

Við ræðum einnig við aðstoðarforstjóra ÁTVR sem segir koma til greina að skerða opnunartíma vínbúða eða fækka verslunum ef ekki verði brugðist við netsölu áfengis. 

Þá verður rætt við dómsmálaráðherra um mál manns sem svipti sig lífi á Litla-Hrauni á dögunum en móðir hans skrifaði grein á Vísi um mál hans í morgun.

Í íþróttunum verður kastljósinu beint að úrslitaeinvíginu í körfubolta karla sem hefst í kvöld þar sem Valur og Grindavík eigast við.