Óreiðulaus eld­hús með þráð­lausu kerfi KitchenAid

Framleiðandinn stækkar markaðshlutdeild sína á smáheimilistækjamarkaði með vörulínunni. Sex þráðlaus lítil heimilistæki bætast nú í þráðlausa vörulínu KitchenAid sem heitir KitchenAid Go. Vörulínan inniheldur þráðlausan handþeytara, töfrasprota, saxara, blandara, kaffikvörn og handryksugu fyrir eldhús.

Kaffikvörnin er því miður ekki í boði á íslenskum markaði eins og er en hinar vörurnar eru komnar í verslanir helstu söluaðila KitchenAid á Íslandi.

Óreiðulaus eldhús

Hvert tæki innan nýju þráðlausu KitchenAid Go vörulínunnar er knúið af einni og sömu hlaðanlegu ferðarafhlöðunni svo hvimleiðar snúruflækjur í eldhúsinu heyra sögunni til. Þannig verður eldamennskan nú þráðlaus og kraftmikil upplifun. KitchenAid Go línan hentar því sérstaklega vel fyrir þá sem vilja hafa möguleikann á því að galdra fram dýrindis rétti hvar og hvenær sem er með tækjum sem gera létt verk úr hvaða uppskrift sem er.

,,Það sem er sérstaklega frábært við KitchenAid Go er að línan hentar fólki með ólíkan lífsstíl og býður upp á ákveðið frelsi til þess að skapa girnilega rétti hvar sem er, hvenær sem er og með hvaða hætti sem er,“ segir Eydís Björnsdóttir, markaðsfulltrúi KitchenAid á Íslandi.

,,Þar sem ein færanleg rafhlaða knýr öll KitchenAid Go smáheimilistæki, gerir það KitchenAid Go að algjöru lykilatriði fyrir einfalda eldamennsku og óreiðulaus eldhús.“

Helstu kostir KitchenAid Go þráðlausu tækjanna eru:

KitchenAid Go þráðlaus handþeytari

• Hannaður til að standa sjálfur og þannig lágmarka óhreinindi eftir vinnslu.
• Hraði eykst smátt og smátt á valda stillingu þannig að hráefnin skvettast síður.
• 7 hraðastig bjóða upp á hægan hraða fyrir þykkar blöndur, meðalhraða til þess að þeyta t.d smjör og sykur og hærri hraða sem hentar vel fyrir t.d eggjahvítur og rjóma.
• Aukahlutir úr ryðfríu stáli sem mega fara í uppþvottavél.

KitchenAid Go þráðlaus töfrasproti

• Pottahlíf sem kemur í veg fyrir að hnífsblaðið skemmi potta og pönnur.
• Tæplega 18 cm blöndunararmur með 4 punkta blaði úr ryðfríu stáli sem er hannaður sérstaklega til þess að virka vel fyrir t.d. mjólkurhristing, ávaxtaþeyting, súpur og margt fleira.
• Breytilegur hraði með einum hnappi, eykur sveigjanleika og stjórn jafnvel með annarri hendi.
• 700 ml BPA-frí blöndunarkanna með loki fylgir fyrir einfaldari notkun og framreiðslu

KitchenAid Go þráðlaus saxari

• Einföld uppsetning með einum smelli og áföstu loki á hjörum.
• Sparar pláss með geymsluvænni hönnun þar sem geyma má hnífsblöð og þeytara í vinnuskálinni.
• 1.18 L skál með fjölhæfum hnífum úr ryðfríu stáli sem blanda, saxa og mauka hráefni á skilvirkan hátt.
• 2-hraða stillingar sem gera þér kleift að blanda á þeim hraða sem hentar hverju sinni.
• Einföld þrif þar sem allir aukahlutir mega fara í uppþvottavél.

KitchenAid Go þráðlaus blandari

• Blandar hráefni í ávaxtaþeytinga og frosið góðgæti á einfaldan máta.
• Ný gerð af hnífsblaði sem blandar hráefnin frá fjórum ólíkum áttum sem toga hráefnin inn að miðju fyrir hámarksblöndun.
• 473 ml kanna sem má fara í uppþvottavél, hönnuð til þess að leggja hráefnin aftur saman ofan í blöðin í kröftugri blöndunarhringiðu.
• Ferðalok fylgir með svo þú getur tekið þeytinginn með þér út í daginn.

KitchenAid Go þráðlaus handryksuga fyrir eldhús

• Tilvalin fyrir mylsnu, kaffimulning og aðrar þurrar matarleifar sem þvælast á staði sem erfitt er að ná til í eldhúsinu, með aðstoð ryksuguframlengingar með mjóum stút.
• Einfalt að geyma á eldhúsbekknum eða í eldhússkúffum, einstaklega smekkleg og smágerð hönnun..