„Ég fékk alla vega mat í dag“ Sindri Sverrisson skrifar 23. apríl 2024 13:31 Ásdís Karen Halldórsdóttir, fyrir miðju, fagnar marki í LSK-höllinni en hún er að stíga sín fyrstu skref sem atvinnumaður í fótbolta. LSK Kvinner/Björn Marström „Auðvitað er ekkert gaman að þetta sé í fréttunum en þetta hefur alla vega ekki áhrif á okkur leikmenn eins og er.“ Þetta segir fótboltakonan Ásdís Karen Halldórsdóttir, leikmaður Lilleström í Noregi, eftir slæmar fréttir af fjárhagsstöðu félagsins. Félagið sem rekur kvennalið Lilleström, og er aðskilið karlaliðinu, tilkynnti í gær að ráðist hefði verið í aðhaldsaðgerðir vegna slæmrar fjárhagsstöðu. Norskir miðlar sögðu félagið hreinlega ramba á barmi gjaldþrots. „Þetta hljómar kannski verr en þetta er. Þetta hefur alla vega engin raunveruleg áhrif á okkur leikmennina. Það fara aðstoðarþjálfarar í 50% vinnu í einhvern tíma en þeir eru nú alveg sjö talsins held ég. Skrifstofufólkið á svo að vinna heiman frá, en það hefur heldur ekki áhrif á okkur eins og er,“ segir Ásdís. Loforð um að staðan hafi engin áhrif á leikmenn Það sem gæti haft áhrif á hana og liðsfélagana eru færri tímar í LSK-fótboltahöllinni, þar sem liðið spilar sína heimaleiki, auk þess sem til skoðunar er að leikmenn fái ekki lengur fríar máltíðir: „Ég fékk alla vega mat í dag,“ segir Ásdís hlæjandi. „Ég veit ekki hvort það verður hætt með mat fyrir okkur en þeir sögðu okkur að það yrði kannski gert á mánudögum og þriðjudögum. Aðra daga sjá styrktaraðilar um matinn fyrir okkur,“ bætir hún við, tiltölulega áhyggjulaus yfir stöðunni. „Það var bara venjuleg æfing í dag. Auðvitað var svolítið skrýtið að hafa fullt af fréttamönnum og svona, en annars var þessi dagur ekkert öðruvísi en aðrir. Það er búið að fullvissa okkur um að allt sé gert til þess að þessi staða hafi engin áhrif á okkur. Vonandi fá þeir bara styrki eins og verið er að leita eftir.“ Þurfa að borga fyrir tíma í höllinni Fyrir Íslendinga gæti það hljómað einkennilega að kvennalið Lilleström skuli ekki vera hluti af sama félagi og karlaliðið. En þetta þýðir til að mynda að kvennaliðið þarf að borga fyrir tíma í LSK-höllinni og þeim tímum mun nú fækka. „Við þurfum kannski að taka einhverjar æfingar utanhúss, á gervigrasvelli, en ég kvarta ekki yfir því núna þegar það er að koma sumar. Þetta eru tvö alveg aðskilin félög. Kvennaliðið þarf meira að segja að borga fyrir hverja einustu æfingu þannig að þó að þetta sé okkar heimavöllur þá kostar hver tími þar. Þetta er bara eins og ef að kvennalið Vals þyrfti að borga fyrir hverja æfingu á Hlíðarenda,“ segir Ásdís. Best í fyrsta leiknum sem atvinnumaður Lilleström endaði í 3. sæti í fyrra og í vetur fékk félagið meðal annars Ásdísi til sín, en þessi 24 ára landsliðskona kom frá Íslandsmeisturum Vals. Það lítur því ekki út fyrir að félagið hafi verið að draga saman seglin eftir síðustu leiktíð: „Nei, nei. Það komu tvær úr finnska landsliðinu á sama tíma og ég til dæmis. Það var frekar bætt í hérna ef eitthvað er,“ segir Ásdís sem skrifaði undir tveggja ára samning við Lilleström. Lilleström hefur unnið tvo af fyrstu fjórum leikjum sínum í deildinni og var Ásdís valin maður leiksins í fyrsta leiknum: „Það var mjög gaman. Stór leikur, á móti Brann á heimavelli, og við unnum og ég skoraði. En svo höfum við tapað tveimur leikjum á útivelli, þar sem við höfum verið með boltann 80 prósent tímans og verið mikið betri aðilinn. Það er mjög svekkjandi og vonandi einhverjir byrjunarörðugleikar. Við getum alveg unnið Brann og Vålerenga og verðum að passa að tapa ekki stigum svona gegn minni liðunum,“ segir Ásdís sem næst verður á ferðinni gegn Åsane í hádeginu á laugardag. Norski boltinn Mest lesið „Ég var mjög leið og bara ótrúlega vonsvikin“ Sport „Staða mín er svolítið erfið“ Fótbolti Vítið sem dæmt var á Örnu í Meistaradeildinni: „Væri móðguð ef ég væri hún“ Fótbolti Arnari gekk illa að ná í þunna Víkinga Íslenski boltinn Yfir fimm þúsund bannaðar auglýsingar á meðan leikurinn var í loftinu Enski boltinn Sir Jim Ratcliffe: Amorim þarf þrjú ár til að sanna sig Enski boltinn Gæti lamast eftir árekstur við auglýsingaskilti Fótbolti „Getum eyðilagt drauma Úkraínu á morgun“ Fótbolti Svona var blaðamannafundur KSÍ fyrir leikinn gegn Úkraínu Fótbolti Rifust um olnbogaskot Drungilas Körfubolti Fleiri fréttir „Ætti að bera meiri virðingu fyrir peningunum sem hann þénar“ Svakalega slysalegt klobbamark í undankeppni HM „Klúðraði þessum frægu vítum en er ógeðslega sterkur“ Arnari gekk illa að ná í þunna Víkinga „Getum eyðilagt drauma Úkraínu á morgun“ Svona var blaðamannafundur KSÍ fyrir leikinn gegn Úkraínu Gæti lamast eftir árekstur við auglýsingaskilti Dæmdu Valsmann í leikbann en drógu það síðan til baka „Ekki alltaf hægt að tala vel um mann“ Utan vallar: Var Helgi Guðjóns að eiga Steina Gísla sumar? Vítið sem dæmt var á Örnu í Meistaradeildinni: „Væri móðguð ef ég væri hún“ Sir Jim Ratcliffe: Amorim þarf þrjú ár til að sanna sig Yfir fimm þúsund bannaðar auglýsingar á meðan leikurinn var í loftinu „Staða mín er svolítið erfið“ Missa af Messi vegna harðra aðgerða gegn innflytjendum í Chicago Ísak lofar að hlaupa mest: „Mjög gaman að sjá fólkið bakka okkur upp“ Birta Georgs: Skrítinn leikur og veðrið átti stóran þátt í því Óheppin Arna fékk dæmt á sig víti gegn Man. Utd Vonsvikinn Nik: Þriðja og fjórða markið gætu skipt sköpum Amanda fagnaði stigi gegn ensku meisturunum Cecilía og Karólína komnar inn um dyrnar Salah sendi Egypta á HM Uppgjörið: Breiðablik - Spartak Subotica 4-0 | Langt komnar í nýju Evrópukeppnina Björgvin Brimi í Víking Sagði 28 ára skilið við fótboltann og sér ekki eftir neinu Matti Villa efstur í Víkingsdeildinni í Fantasy en þjálfarinn á botninum „Særði fólk mikið með því að fara til Sádi-Arabíu“ Cristiano Ronaldo: Fjölskyldan biður mig um að hætta Gætu spilað á Wembley ef Emirates fær Real Madrid uppfærslu Spilaði nærbuxnalaus og fékk UFC-spólur bak við borðið Sjá meira
Félagið sem rekur kvennalið Lilleström, og er aðskilið karlaliðinu, tilkynnti í gær að ráðist hefði verið í aðhaldsaðgerðir vegna slæmrar fjárhagsstöðu. Norskir miðlar sögðu félagið hreinlega ramba á barmi gjaldþrots. „Þetta hljómar kannski verr en þetta er. Þetta hefur alla vega engin raunveruleg áhrif á okkur leikmennina. Það fara aðstoðarþjálfarar í 50% vinnu í einhvern tíma en þeir eru nú alveg sjö talsins held ég. Skrifstofufólkið á svo að vinna heiman frá, en það hefur heldur ekki áhrif á okkur eins og er,“ segir Ásdís. Loforð um að staðan hafi engin áhrif á leikmenn Það sem gæti haft áhrif á hana og liðsfélagana eru færri tímar í LSK-fótboltahöllinni, þar sem liðið spilar sína heimaleiki, auk þess sem til skoðunar er að leikmenn fái ekki lengur fríar máltíðir: „Ég fékk alla vega mat í dag,“ segir Ásdís hlæjandi. „Ég veit ekki hvort það verður hætt með mat fyrir okkur en þeir sögðu okkur að það yrði kannski gert á mánudögum og þriðjudögum. Aðra daga sjá styrktaraðilar um matinn fyrir okkur,“ bætir hún við, tiltölulega áhyggjulaus yfir stöðunni. „Það var bara venjuleg æfing í dag. Auðvitað var svolítið skrýtið að hafa fullt af fréttamönnum og svona, en annars var þessi dagur ekkert öðruvísi en aðrir. Það er búið að fullvissa okkur um að allt sé gert til þess að þessi staða hafi engin áhrif á okkur. Vonandi fá þeir bara styrki eins og verið er að leita eftir.“ Þurfa að borga fyrir tíma í höllinni Fyrir Íslendinga gæti það hljómað einkennilega að kvennalið Lilleström skuli ekki vera hluti af sama félagi og karlaliðið. En þetta þýðir til að mynda að kvennaliðið þarf að borga fyrir tíma í LSK-höllinni og þeim tímum mun nú fækka. „Við þurfum kannski að taka einhverjar æfingar utanhúss, á gervigrasvelli, en ég kvarta ekki yfir því núna þegar það er að koma sumar. Þetta eru tvö alveg aðskilin félög. Kvennaliðið þarf meira að segja að borga fyrir hverja einustu æfingu þannig að þó að þetta sé okkar heimavöllur þá kostar hver tími þar. Þetta er bara eins og ef að kvennalið Vals þyrfti að borga fyrir hverja æfingu á Hlíðarenda,“ segir Ásdís. Best í fyrsta leiknum sem atvinnumaður Lilleström endaði í 3. sæti í fyrra og í vetur fékk félagið meðal annars Ásdísi til sín, en þessi 24 ára landsliðskona kom frá Íslandsmeisturum Vals. Það lítur því ekki út fyrir að félagið hafi verið að draga saman seglin eftir síðustu leiktíð: „Nei, nei. Það komu tvær úr finnska landsliðinu á sama tíma og ég til dæmis. Það var frekar bætt í hérna ef eitthvað er,“ segir Ásdís sem skrifaði undir tveggja ára samning við Lilleström. Lilleström hefur unnið tvo af fyrstu fjórum leikjum sínum í deildinni og var Ásdís valin maður leiksins í fyrsta leiknum: „Það var mjög gaman. Stór leikur, á móti Brann á heimavelli, og við unnum og ég skoraði. En svo höfum við tapað tveimur leikjum á útivelli, þar sem við höfum verið með boltann 80 prósent tímans og verið mikið betri aðilinn. Það er mjög svekkjandi og vonandi einhverjir byrjunarörðugleikar. Við getum alveg unnið Brann og Vålerenga og verðum að passa að tapa ekki stigum svona gegn minni liðunum,“ segir Ásdís sem næst verður á ferðinni gegn Åsane í hádeginu á laugardag.
Norski boltinn Mest lesið „Ég var mjög leið og bara ótrúlega vonsvikin“ Sport „Staða mín er svolítið erfið“ Fótbolti Vítið sem dæmt var á Örnu í Meistaradeildinni: „Væri móðguð ef ég væri hún“ Fótbolti Arnari gekk illa að ná í þunna Víkinga Íslenski boltinn Yfir fimm þúsund bannaðar auglýsingar á meðan leikurinn var í loftinu Enski boltinn Sir Jim Ratcliffe: Amorim þarf þrjú ár til að sanna sig Enski boltinn Gæti lamast eftir árekstur við auglýsingaskilti Fótbolti „Getum eyðilagt drauma Úkraínu á morgun“ Fótbolti Svona var blaðamannafundur KSÍ fyrir leikinn gegn Úkraínu Fótbolti Rifust um olnbogaskot Drungilas Körfubolti Fleiri fréttir „Ætti að bera meiri virðingu fyrir peningunum sem hann þénar“ Svakalega slysalegt klobbamark í undankeppni HM „Klúðraði þessum frægu vítum en er ógeðslega sterkur“ Arnari gekk illa að ná í þunna Víkinga „Getum eyðilagt drauma Úkraínu á morgun“ Svona var blaðamannafundur KSÍ fyrir leikinn gegn Úkraínu Gæti lamast eftir árekstur við auglýsingaskilti Dæmdu Valsmann í leikbann en drógu það síðan til baka „Ekki alltaf hægt að tala vel um mann“ Utan vallar: Var Helgi Guðjóns að eiga Steina Gísla sumar? Vítið sem dæmt var á Örnu í Meistaradeildinni: „Væri móðguð ef ég væri hún“ Sir Jim Ratcliffe: Amorim þarf þrjú ár til að sanna sig Yfir fimm þúsund bannaðar auglýsingar á meðan leikurinn var í loftinu „Staða mín er svolítið erfið“ Missa af Messi vegna harðra aðgerða gegn innflytjendum í Chicago Ísak lofar að hlaupa mest: „Mjög gaman að sjá fólkið bakka okkur upp“ Birta Georgs: Skrítinn leikur og veðrið átti stóran þátt í því Óheppin Arna fékk dæmt á sig víti gegn Man. Utd Vonsvikinn Nik: Þriðja og fjórða markið gætu skipt sköpum Amanda fagnaði stigi gegn ensku meisturunum Cecilía og Karólína komnar inn um dyrnar Salah sendi Egypta á HM Uppgjörið: Breiðablik - Spartak Subotica 4-0 | Langt komnar í nýju Evrópukeppnina Björgvin Brimi í Víking Sagði 28 ára skilið við fótboltann og sér ekki eftir neinu Matti Villa efstur í Víkingsdeildinni í Fantasy en þjálfarinn á botninum „Særði fólk mikið með því að fara til Sádi-Arabíu“ Cristiano Ronaldo: Fjölskyldan biður mig um að hætta Gætu spilað á Wembley ef Emirates fær Real Madrid uppfærslu Spilaði nærbuxnalaus og fékk UFC-spólur bak við borðið Sjá meira