Mynd­band með fram­lagi Bas­hars frum­sýnt í gær

Bashar syngur á ensku og gefur lagið góða hugmynd um hvernig það mun hljóma þegar og ef Bashar vinnur í fimm laga keppni sem fram fer á laugardaginn.

„Í myndbandinu segi ég loksins alla söguna um þetta ferðalag mitt. Ég hefði ekki getað gert þetta án fallegu íslensku fjölskyldunnar minnar sem fer sístækkandi,“ segir Bashar Murad í spjalli við Vísi.

Aðrir þátttakendur í Söngvakeppninni mættu til að vera viðstaddir frumsýninguna: Væb, Aníta, Blankiflúr og MAIAA og ljóst að keppnin er á vinsamlegum nótum. Þó allir vilji vitaskuld vinna.

Ljóst er að Bashar situr ekki auðum höndum og er nú allt lagt undir í Söngvakeppninni. Einar Hrafn Stefánsson meðhöfundur lagsins segir að gerð myndbandsins hafi tekið fjórar vikur. Fjöldi manns kemur að málum enda er ljóst, miðað við gerð myndbandins, að þar er ekki kastað til höndum.

Söguþráðinn spann Bashar sjálfur eins og áður sagði, Fannar Ingi Friðþjófsson framleiddi en Baldvin Vernharðsson leikstýrði. Einar Stef er meðframleiðandi., Andri Unnarsson hannaði búninga og Andrean Sigurgeirsson var kóreógrapher. Svo einhverjir sem að málum komu séu nefndir.

Já, Andrean kenndi fólki að dansa Dabke-dansinn úr atriðinu,“ segir Einar.