Handbolti

Mikil­vægur sigur hjá læri­sveinum Óla Stef

Runólfur Trausti Þórhallsson skrifar
Ólafur gæti verið að snúa gengi Aue við.
Ólafur gæti verið að snúa gengi Aue við. Aue

Ólafur Stefánsson stýrði Aue til sigurs í þýsku B-deildinni í handbolta í kvöld. Liðið vann gríðarlega mikilvægan fjögurra marka sigur á Ludwigshafen. Þá stóð Sveinbjörn Pétursson vaktina í marki liðsins.

Ólafur tók við liðinu þegar það sat límt við botn deildarinnar og þó Aue sé enn í fallsæti þá er liðið nú komið upp í næstneðsta sætinu. Var þetta annar sigur liðsins síðan Ólafur tók við og ljóst að sigur kvöldsins gæti gefið liðinu aukna trú á verkefninu.

Lokatölur 37-33 þar sem Marko Vignjević fór á kostum með 9 mörk og 3 stoðsendingar. Sveinbjörn varði sjö skot í markinu, þar af tvö víti.

Aue er í 17. sæti með 8 stig, þremur stigum frá öruggu sæti.

Handbolti Þýski handboltinn

Mest lesið


Fleiri fréttir

Sjá meira


×

Mest lesið