All­hvass vindur við suður­ströndina og víða él

Víða verða él sunnan- og vestantil og hiti í kringum frostmark en lengst af bjart og þurrt. Frost verður í kringum tvö til níu stig fyrir norðan og austan. Reikna má ráð fyrir dálítilli snjókomu austanlands í kvöld.

„Á morgun gengur í suðvestan 8-15 m/s með skúrum eða éljum en skýjað með köflum norðaustantil,“ segir á hugleiðingum veðurfræðings.

Veðurhorfur á landinu næstu daga

Á miðvikudag: Sunnan 8-15 m/s, hvassast suðvestantil. Skúrir eða él, en þurrt að kalla norðaustanlands. Hlýnandi veður, hiti 1 til 6 stig síðdegis.

Á fimmtudag: Sunnan 13-18 m/s og rigning eða slydda, sums staðar talsverð. Milt veður. Snýst í suðvestan 5-13 með éljum og kólnandi veðri, fyrst vestantil.

Á föstudag: Suðvestlæg átt 10-15 m/s og él, en úrkomuminna norðaustantil. Frost 0 til 8 stig.

Á laugardag: Sunnan- og suðvestanátt og él, en úrkomulítið norðaustantil. Hiti breytist lítið.

Á sunnudag: Útlit fyrir breytilega átt. Sums staðar él, einkum sunnan- og vestanlands. Kalt í veðri.

Á mánudag: Líklega suðlæg átt með rigningu eða slyddu og hlýnandi veðri, en lengst af úrkomulítið norðaustanlands.