Bein út­sending: Íbúafundur Grind­víkinga

Íbúafundur var upphaflega á dagskrá á miðvikudag síðustu viku en var frestað vegna vinnuslyssins sem varð á þriðjudaginn.

Fundurinn fer fram í dag og er fyrsti íbúfundurinn frá því að rýma þurfti bæinn á ný og eldgos hófst. Fannar Jónasson, bæjarstjóri Grindavíkur, stýrir fundinum.

Þau Katrín Jakobsdóttir, forsætisráðherra, Kristín Jónsdóttir, deildarstjóri Veðurstofu Íslands, Úlfar Lúðvíksson, lögreglustjóri Suðurnesjum, og Ingibjörg Lilja Ómarsdóttir, fagstjóri hjá almannavörnum og stjórnandi þjónustumiðstöðvar í Tollhúsinu, verða með erindi á fundinum. 

Að erindum loknum verða framsögumenn í pallborði ásamt þeim Þórdísi Kolbrúnu Reykfjörð Gylfadóttur, fjármála- og efnahagsráðherra, Sigurði Inga Jóhannssyni, innviðaráðherra, Magnúsi Tuma Guðmundssyni, prófessor í jarðeðlisfræði við Háskóla Íslands, Huldu Ragnheiði Árnadóttur, framkvæmdastjóra Náttúruhamfaratryggingar Íslands, Ara Guðmundssyni, verkefnastjóra vegna byggingar varnargarða og sviðsstjóra hjá Verkís, Sólberg S. Bjarnasyni, deildarstjóra almannavarna og Páli Erland, forstjóra HS Veitna.

Fundinn má sjá í beinu streymi í spilaranum hér að neðan: