Orð og efndir stjórnvalda. – Mannréttindi í forgang! Unnur Helga Óttarsdóttir skrifar 1. janúar 2024 08:01 Á liðnu ári hafa Landssamtökin Þroskahjálp tekist á við mörg stór og krefjandi verkefni og við þökkum kærlega þann stuðning sem við höfum fengið og fundið fyrir á árinu. Þar ber sérstaklega að nefna alla þá einstaklinga sem hafa verið mánaðarlegir styrktaraðilar samtakanna en stór hópur fólks styrkir samtökin í hverjum einasta mánuði. Einnig þökkum við þeim sem hafa styrkt okkur með því að kaupa almanak samtakanna. Stuðningur ykkar gerir okkur mögulegt að að berjast fyrir mannréttindum fatlaðs fólks. Í almanaki Þroskahjálpar 2024, sem nú er verið að selja, eru listaverk eftir fjóra fatlaða listamenn og í desember efndum við til samstarfs við Gallerý Port þar sem listamennirnir sýndu verk sín. Verk þeirra allra hafa vakið verðskuldaða athygli og verið sýnd víða, bæði á einkasýningum sem og samsýningum hér á landi og erlendis. https://www.throskahjalp.is/is/moya/store/index/almanak/almanak-2024 Landssamtökin Þroskahjálp eru mannréttindasamtök sem byggja stefnu sína og allt starf á alþjóðlega viðurkenndum mannréttindasamningum, svo sem samningi Sameinuðu þjóðanna um réttindi fatlaðs fólks og barnasáttmála SÞ . Einnig höfum við heimsmarkmið Sameinuðu þjóðanna að leiðarljósi í öllu okkar starfi en þau hafa það meginmarkmið að skilja engan eftir. Undanfarið ár hafa samtökin tekið mikinn og virkan þátt í vinnu við landsáætlun um innleiðingu á samningi Sameinuðu þjóðanna um réttindi fatlaðs fólks. Í stjórnarsáttmála ríkisstjórnarinnar kemur fram að samningurinn verði lögfestur á kjörtímabilinu og einnig að stofnuð Mannréttindastofnun Íslands sem heyri undir Alþingi og verði þannig sjálfstæð og óháð framkvæmdarvaldinu, enda er hlutverk slíkrar stofnunar eðli máls samkvæmt ekki síst að hafa eftirlit með framkvæmdarvaldi ríkis og sveitarfélaga. Afar mikilvægt er að þessar fyrirætlanir um stofnun Mannréttindastofnun Íslands og lögfestingu samningsins gangi sem fyrst eftir og skorum við á stjórnvöld að efna þau fyrirheit um það sem þau hafa gefið fötluðu fólki. Baráttumál samtakanna fyrir hagsmunum og réttindum fatlaðs fólks eru fjölmörg og leggjum við mikla áherslu á að ryðja úr vegi þeim hindrunum sem samfélagið býr til þegar það tekur ekki nægilega mið af fjölbreytilegum aðstæðum og þörfum fatlaðs fólks. Við leggjum mikla áherslu á jöfn tækifæri til sjálfstæðs lífs, mannsæmandi lífskjara, aðgangs að heilbrigðisþjónustu, menntun á öllum skólastigum, atvinnu og tækifæra til að eiga eigið heimili og að njóta einkalífs og fjölskyldulífs til jafns við aðra. Sýn og sannfæring okkar hjá Þroskahjálp er að með framsækni, staðfestu og þrautseigju knýjum við fram jákvæðar breytingar á réttindum og tækifærum fólks með þroskahömlun og skyldar fatlanir. Á landsþingi Landssamtakanna Þroskahjálpar sem haldið var 21. okt. sl. voru samþykktar ályktanir um eftirfarandi réttinda- og hagsmunamál fatlaðs fólks sem mjög brýnt er að nái fram að ganga og við skorum á stjórnmálafólk á vettvangi ríkis og sveitarfélaga til að kynna sér vel áherslur samtakanna og vinna með okkur að framgangi réttinda fatlaðs fólks og auknum tækifærum þess til virkrar þátttöku á öllum sviðum samfélagsins, án aðgreiningar. Húsnæðismál Stjórnvöld tryggi fötluðu fólki húsnæði við hæfi og útrými án frekari tafa allt of löngum biðlistum eftir þeim lögbundnu réttindum. Rafræn skilríki Stjórnvöld tryggi án frekari tafa fullt aðgengi fatlaðs fólks að rafrænum skilríkjum og verji það fyrir mjög alvarlegri mismunun á ýmsum sviðum sem skilyrði varðandi rafræn skilríki leiða nú til. Geðheilbrigðisþjónusta Stjórnvöld tryggi að viðeigandi geðheilbrigðisþjónusta og meðferð við fíkn standi einhverfu fólki og fólki með þroskahömlun til boða. Hækkun örorkulífeyris Stjórnvöld hækki örorkulífeyri án tafar a.m.k. til jafns við lágmarkslaun. Nánari upplýsingar um ályktanirnar má nálgast á heimasíðu samtakanna: https://www.throskahjalp.is/is/samtokin/frettir/category/1/alyktanir-landsthings-throskahjalpar-2023 Hvað er framundan? Á því ári sem nú er að hefjast munum við hjá Landssamtökunum Þroskahjálp halda áfram baráttu okkar fyrir mannréttindum fatlaðs fólks af fullum krafti því mörg og mikilvæg verkefni eru framundan, auk þess að sinna hefðbundnu og viðvarandi málsvarastarfi og samvinnu við fólk með þroskahömlun og skyldar fatlanir. Við munum m.a. leggja sérstaka áherslu á eftirfarandi verkefni: ·Verkefni sem miða að því að tækni og stafræn þróun taki mið af fjölbreyttum þörfum fatlaðs fólks til að tryggja jafnrétti og tækifæri til þátttöku í samfélaginu. ·Aukið aðgengi að upplýsingum fyrir foreldra fatlaðra barna, á nokkrum tungumálum. Í samstarfi við mennta- og barnamálaráðuneytið er af hálfu Þroskahjálpar unnið að stafrænu upplýsingatorgi þar sem finna má nauðsynlegar upplýsingar á einum stað. ·Upplýsingatorg um aðgengi að náms- og atvinnutækifærum, íþróttastarfi og tómstundum. Vinna við hönnun þess er hafin og verður heimasíðan, sem fengið hefur yfirskriftina hvaderplanid.is, hýst hjá Þroskahjálp. Þar verður að finna mikilvægar upplýsingar um það nám sem er í boði fyrir fötluð ungmenni, upplýsingar um hvernig sótt er um vinnu og virkni sem og hvar boðið er upp á íþrótta- og tómstundastarf. ·Heilsueflingarverkefni. Verkefnið er fjölþætt en áhersla er lögð á að útbúa aðgengilegt fræðsluefni, skoða úrræði, auka vitund og meta lög og reglur sem varða heilsueflingu fólks með þroskahömlun. Markmiðið er að valdefla og fræða fólk með þroskahömlun til þess að taka sem mest ábyrgð á eigin heilsu og stunda heilbrigðan lífsstíl. Verkefnið var styrkt af félags- og vinnumarkaðsráðuneytinu og er unnið í samstarfi við Fjölmennt, símenntunar og þekkingarmiðstöð. Ég vil að lokum ítreka þakkir til allra þeirra mörgu sem hafa lagt Þroskahjálp lið í baráttunni fyrir mannréttindum fatlaðs fólks og tækifærum þess til virkrar þátttöku á öllum sviðum samfélagsins, til jafns við aðra. Landssamtökin Þroskahjálp óska landsmönnum öllum gæfuríks nýs árs. Höfundur er formaður Landssamtakanna Þroskahjálpar. Viltu birta grein á Vísi? Sendu okkur póst. Senda grein Mannréttindi Félagasamtök Mest lesið Líf eftir afplánun Eva Sóley Kristjánsdóttir Skoðun Þjónn, það er bakslag í beinasoðinu mínu Hlédís Maren Guðmundsdóttir Skoðun Fáni okkar allra Hörður Lárusson Skoðun Hvers virði er starfsleyfið okkar? Eva Hauksdóttir,Katrín Sigurðardóttir,Laufey Elísabet Gissurardóttir,Steinunn Bergmann,Þóra Leósdóttir Skoðun Séríslensk hávaxtastefna Sigurjón Þórðarson Skoðun Ég hef… Karólína Helga Símonardóttir Skoðun Leikur að lýðræðinu Ása Valdís Árnadóttir,Björn Kristinn Pálmarsson,Smári Bergmann Kolbeinsson Skoðun Mér var sagt að þegja á meðan fréttatíminn var Haukur Brynjarsson Skoðun Ákall til stjórnvalda - Ekki skattleggja útivist og áhugamál enn frekar Arnar Þór Hafsteinsson Skoðun Pyrrosar sigur Helgi Tómasson Skoðun Skoðun Skoðun Ólögleg veðmálastarfsemi á Íslandi Hákon Skúlason skrifar Skoðun Bætum fleiri stólum við borðið Ingibjörg Lilja Þórmundsdóttir skrifar Skoðun Hvers virði er starfsleyfið okkar? Eva Hauksdóttir,Katrín Sigurðardóttir,Laufey Elísabet Gissurardóttir,Steinunn Bergmann,Þóra Leósdóttir skrifar Skoðun Pyrrosar sigur Helgi Tómasson skrifar Skoðun Ákall til stjórnvalda - Ekki skattleggja útivist og áhugamál enn frekar Arnar Þór Hafsteinsson skrifar Skoðun Mér var sagt að þegja á meðan fréttatíminn var Haukur Brynjarsson skrifar Skoðun Allt fyrir Brussel og Nató, hitt reddast einhvern veginn Davíð Bergmann skrifar Skoðun Forljót grá hús Hjalti Andrason skrifar Skoðun Líf eftir afplánun Eva Sóley Kristjánsdóttir skrifar Skoðun Fáni okkar allra Hörður Lárusson skrifar Skoðun Séríslensk hávaxtastefna Sigurjón Þórðarson skrifar Skoðun Leikur að lýðræðinu Ása Valdís Árnadóttir,Björn Kristinn Pálmarsson,Smári Bergmann Kolbeinsson skrifar Skoðun Ég hef… Karólína Helga Símonardóttir skrifar Skoðun Vísindin geta læknað krabbamein en ekki grænmetissafar og kaffistólpípur Dögg Guðmundsdóttir,Guðrún Nanna Egilsdóttir,Vilborg Kolbrún Vilmundardóttir skrifar Skoðun Þöggun, hroki og afneitun voru móttökur Samfylkingarinnar til okkar Elín A. Eyfjörð Ármannsdóttir skrifar Skoðun Er yfirvöldum alveg sama um fólk á bifhjólum? Njáll Gunnlaugsson skrifar Skoðun Ekki mamman í hópnum - leiðtoginn í hópnum Katrín Ásta Sigurjónsdóttir skrifar Skoðun Rannsóknarnefnd styrjalda Gunnar Einarsson skrifar Skoðun Börn eiga ekki heima í fangelsi Tótla I. Sæmundsdóttir skrifar Skoðun Aðförin að einkabílnum eða bara meira frelsi? Kristín Hrefna Halldórsdóttir skrifar Skoðun Kvöld sem er ekki bara fyrir börnin Alicja Lei skrifar Skoðun Verkakonur samtímans – og nýtt skeið í kvennabaráttu! Guðrún Margrét Guðmundsdóttir,Aleksandra Leonardsdóttir skrifar Skoðun Málið er dautt (A Modest Proposal) skrifar Skoðun Femínísk utanríkisstefna: aukin samstaða og aðgerðir Guillaume Bazard skrifar Skoðun Hagsmunir flugrekstrar á Íslandi eru miklir Jóhannes Bjarni Guðmundsson skrifar Skoðun Þjónn, það er bakslag í beinasoðinu mínu Hlédís Maren Guðmundsdóttir skrifar Skoðun Samhljómur á meðal ÍSÍ og Íslandsspila um endursköpun spilaumhverfisins Ingvar Örn Ingvarsson skrifar Skoðun Kvennabarátta á tímum bakslags Tatjana Latinovic skrifar Skoðun Líttupp - ertu að missa af einhverju? Skúli Bragi Geirdal skrifar Skoðun Betri hellir, stærri kylfur? Ingvar Þóroddsson skrifar Sjá meira
Á liðnu ári hafa Landssamtökin Þroskahjálp tekist á við mörg stór og krefjandi verkefni og við þökkum kærlega þann stuðning sem við höfum fengið og fundið fyrir á árinu. Þar ber sérstaklega að nefna alla þá einstaklinga sem hafa verið mánaðarlegir styrktaraðilar samtakanna en stór hópur fólks styrkir samtökin í hverjum einasta mánuði. Einnig þökkum við þeim sem hafa styrkt okkur með því að kaupa almanak samtakanna. Stuðningur ykkar gerir okkur mögulegt að að berjast fyrir mannréttindum fatlaðs fólks. Í almanaki Þroskahjálpar 2024, sem nú er verið að selja, eru listaverk eftir fjóra fatlaða listamenn og í desember efndum við til samstarfs við Gallerý Port þar sem listamennirnir sýndu verk sín. Verk þeirra allra hafa vakið verðskuldaða athygli og verið sýnd víða, bæði á einkasýningum sem og samsýningum hér á landi og erlendis. https://www.throskahjalp.is/is/moya/store/index/almanak/almanak-2024 Landssamtökin Þroskahjálp eru mannréttindasamtök sem byggja stefnu sína og allt starf á alþjóðlega viðurkenndum mannréttindasamningum, svo sem samningi Sameinuðu þjóðanna um réttindi fatlaðs fólks og barnasáttmála SÞ . Einnig höfum við heimsmarkmið Sameinuðu þjóðanna að leiðarljósi í öllu okkar starfi en þau hafa það meginmarkmið að skilja engan eftir. Undanfarið ár hafa samtökin tekið mikinn og virkan þátt í vinnu við landsáætlun um innleiðingu á samningi Sameinuðu þjóðanna um réttindi fatlaðs fólks. Í stjórnarsáttmála ríkisstjórnarinnar kemur fram að samningurinn verði lögfestur á kjörtímabilinu og einnig að stofnuð Mannréttindastofnun Íslands sem heyri undir Alþingi og verði þannig sjálfstæð og óháð framkvæmdarvaldinu, enda er hlutverk slíkrar stofnunar eðli máls samkvæmt ekki síst að hafa eftirlit með framkvæmdarvaldi ríkis og sveitarfélaga. Afar mikilvægt er að þessar fyrirætlanir um stofnun Mannréttindastofnun Íslands og lögfestingu samningsins gangi sem fyrst eftir og skorum við á stjórnvöld að efna þau fyrirheit um það sem þau hafa gefið fötluðu fólki. Baráttumál samtakanna fyrir hagsmunum og réttindum fatlaðs fólks eru fjölmörg og leggjum við mikla áherslu á að ryðja úr vegi þeim hindrunum sem samfélagið býr til þegar það tekur ekki nægilega mið af fjölbreytilegum aðstæðum og þörfum fatlaðs fólks. Við leggjum mikla áherslu á jöfn tækifæri til sjálfstæðs lífs, mannsæmandi lífskjara, aðgangs að heilbrigðisþjónustu, menntun á öllum skólastigum, atvinnu og tækifæra til að eiga eigið heimili og að njóta einkalífs og fjölskyldulífs til jafns við aðra. Sýn og sannfæring okkar hjá Þroskahjálp er að með framsækni, staðfestu og þrautseigju knýjum við fram jákvæðar breytingar á réttindum og tækifærum fólks með þroskahömlun og skyldar fatlanir. Á landsþingi Landssamtakanna Þroskahjálpar sem haldið var 21. okt. sl. voru samþykktar ályktanir um eftirfarandi réttinda- og hagsmunamál fatlaðs fólks sem mjög brýnt er að nái fram að ganga og við skorum á stjórnmálafólk á vettvangi ríkis og sveitarfélaga til að kynna sér vel áherslur samtakanna og vinna með okkur að framgangi réttinda fatlaðs fólks og auknum tækifærum þess til virkrar þátttöku á öllum sviðum samfélagsins, án aðgreiningar. Húsnæðismál Stjórnvöld tryggi fötluðu fólki húsnæði við hæfi og útrými án frekari tafa allt of löngum biðlistum eftir þeim lögbundnu réttindum. Rafræn skilríki Stjórnvöld tryggi án frekari tafa fullt aðgengi fatlaðs fólks að rafrænum skilríkjum og verji það fyrir mjög alvarlegri mismunun á ýmsum sviðum sem skilyrði varðandi rafræn skilríki leiða nú til. Geðheilbrigðisþjónusta Stjórnvöld tryggi að viðeigandi geðheilbrigðisþjónusta og meðferð við fíkn standi einhverfu fólki og fólki með þroskahömlun til boða. Hækkun örorkulífeyris Stjórnvöld hækki örorkulífeyri án tafar a.m.k. til jafns við lágmarkslaun. Nánari upplýsingar um ályktanirnar má nálgast á heimasíðu samtakanna: https://www.throskahjalp.is/is/samtokin/frettir/category/1/alyktanir-landsthings-throskahjalpar-2023 Hvað er framundan? Á því ári sem nú er að hefjast munum við hjá Landssamtökunum Þroskahjálp halda áfram baráttu okkar fyrir mannréttindum fatlaðs fólks af fullum krafti því mörg og mikilvæg verkefni eru framundan, auk þess að sinna hefðbundnu og viðvarandi málsvarastarfi og samvinnu við fólk með þroskahömlun og skyldar fatlanir. Við munum m.a. leggja sérstaka áherslu á eftirfarandi verkefni: ·Verkefni sem miða að því að tækni og stafræn þróun taki mið af fjölbreyttum þörfum fatlaðs fólks til að tryggja jafnrétti og tækifæri til þátttöku í samfélaginu. ·Aukið aðgengi að upplýsingum fyrir foreldra fatlaðra barna, á nokkrum tungumálum. Í samstarfi við mennta- og barnamálaráðuneytið er af hálfu Þroskahjálpar unnið að stafrænu upplýsingatorgi þar sem finna má nauðsynlegar upplýsingar á einum stað. ·Upplýsingatorg um aðgengi að náms- og atvinnutækifærum, íþróttastarfi og tómstundum. Vinna við hönnun þess er hafin og verður heimasíðan, sem fengið hefur yfirskriftina hvaderplanid.is, hýst hjá Þroskahjálp. Þar verður að finna mikilvægar upplýsingar um það nám sem er í boði fyrir fötluð ungmenni, upplýsingar um hvernig sótt er um vinnu og virkni sem og hvar boðið er upp á íþrótta- og tómstundastarf. ·Heilsueflingarverkefni. Verkefnið er fjölþætt en áhersla er lögð á að útbúa aðgengilegt fræðsluefni, skoða úrræði, auka vitund og meta lög og reglur sem varða heilsueflingu fólks með þroskahömlun. Markmiðið er að valdefla og fræða fólk með þroskahömlun til þess að taka sem mest ábyrgð á eigin heilsu og stunda heilbrigðan lífsstíl. Verkefnið var styrkt af félags- og vinnumarkaðsráðuneytinu og er unnið í samstarfi við Fjölmennt, símenntunar og þekkingarmiðstöð. Ég vil að lokum ítreka þakkir til allra þeirra mörgu sem hafa lagt Þroskahjálp lið í baráttunni fyrir mannréttindum fatlaðs fólks og tækifærum þess til virkrar þátttöku á öllum sviðum samfélagsins, til jafns við aðra. Landssamtökin Þroskahjálp óska landsmönnum öllum gæfuríks nýs árs. Höfundur er formaður Landssamtakanna Þroskahjálpar.
Hvers virði er starfsleyfið okkar? Eva Hauksdóttir,Katrín Sigurðardóttir,Laufey Elísabet Gissurardóttir,Steinunn Bergmann,Þóra Leósdóttir Skoðun
Leikur að lýðræðinu Ása Valdís Árnadóttir,Björn Kristinn Pálmarsson,Smári Bergmann Kolbeinsson Skoðun
Ákall til stjórnvalda - Ekki skattleggja útivist og áhugamál enn frekar Arnar Þór Hafsteinsson Skoðun
Skoðun Hvers virði er starfsleyfið okkar? Eva Hauksdóttir,Katrín Sigurðardóttir,Laufey Elísabet Gissurardóttir,Steinunn Bergmann,Þóra Leósdóttir skrifar
Skoðun Ákall til stjórnvalda - Ekki skattleggja útivist og áhugamál enn frekar Arnar Þór Hafsteinsson skrifar
Skoðun Leikur að lýðræðinu Ása Valdís Árnadóttir,Björn Kristinn Pálmarsson,Smári Bergmann Kolbeinsson skrifar
Skoðun Vísindin geta læknað krabbamein en ekki grænmetissafar og kaffistólpípur Dögg Guðmundsdóttir,Guðrún Nanna Egilsdóttir,Vilborg Kolbrún Vilmundardóttir skrifar
Skoðun Þöggun, hroki og afneitun voru móttökur Samfylkingarinnar til okkar Elín A. Eyfjörð Ármannsdóttir skrifar
Skoðun Verkakonur samtímans – og nýtt skeið í kvennabaráttu! Guðrún Margrét Guðmundsdóttir,Aleksandra Leonardsdóttir skrifar
Skoðun Samhljómur á meðal ÍSÍ og Íslandsspila um endursköpun spilaumhverfisins Ingvar Örn Ingvarsson skrifar
Hvers virði er starfsleyfið okkar? Eva Hauksdóttir,Katrín Sigurðardóttir,Laufey Elísabet Gissurardóttir,Steinunn Bergmann,Þóra Leósdóttir Skoðun
Leikur að lýðræðinu Ása Valdís Árnadóttir,Björn Kristinn Pálmarsson,Smári Bergmann Kolbeinsson Skoðun
Ákall til stjórnvalda - Ekki skattleggja útivist og áhugamál enn frekar Arnar Þór Hafsteinsson Skoðun