Dag­skráin í dag: Enskur fót­bolti og Heiðursstúkan á öðrum degi jóla

Alls verða sýndir fjórir leikir í ensku 1. deildinni í beinni útsendingu á Vodafone Sport í dag og við hefjum leik á viðureign Preston og Leeds klukkan 12:25 áður en Rotherhan tekur á móti Middlebrough klukkan 14:55.

Klukkan 17:10 mætast Birmingham og Stoke, en klukkan 19:40 er komið að sannkölluðum toppslag þar sem Ipswich og Leicester eigast við. Leicester trónir á toppi deildarinnar með 58 stig, sex stigum meira en Ipswich sem situr í öðru sæti.

Þá verður spurningaþátturinn Heiðursstúkan á sínum stað á Stöð 2 Sport klukkan 20:00. Um er að ræða spurningaþátt sem tengist leikjum og mótum sem verða í sýningu á íþróttarásum Stöðvar 2 og Vodafone. Jóhann Fjalar Skaptason stýrir þættinum og fær til sín nafntogaða einstaklinga víðsvegar að úr íþróttaheiminum.