Fótbolti

Búið að á­kveða leik­dagana í sex­tán liða úr­slitum Meistara­deildarinnar

Óskar Ófeigur Jónsson skrifar
Orri Steinn Óskarsson og félagar í FC Kaupmannahöfn mæta Manchester City í útsláttarkeppninni.
Orri Steinn Óskarsson og félagar í FC Kaupmannahöfn mæta Manchester City í útsláttarkeppninni. Getty/Lars Ronbog

Orri Steinn Óskarsson og félagar í FCK Kaupmannahöfn spila fyrsta leikinn í sextán liða úrslitum Meistaradeildarinnar en Knattspyrnusamband Evrópu er nú búið að ákveða leikdagana í fyrsta hluta útsláttarkeppninni.

Danska liðið dróst á móti Evrópu- og Englandsmeisturum Manchester City og fær því eins erfitt verkefni og þau gerast.

Leikur FCK og Manchester City á Parken í Kaupmannahöfn fer fram 13. febrúar og þá verður einnig spilaður leikur RB Leipzig og Real Madrid.

Hér fyrir neðan má sjá leikdagana í sextán liða úrslitum Meistaradeildarinnar. Þar má einnig sjá hvaða félög eru að spila á sömu kvöldum.

Real Madrid er að spila á sömu kvöldum og Manchester City og þá er Arsenal að spila á sömu kvöldum og Barcelona.

  • Leikdagar í sextán liða úrslitum Meistaradeildarinnar:
  • Þriðjudagurinn 13. febrúar
  • FC Kaupmannahöfn (Danmörk) – Manchester City (England)
  • RB Leipzig (Þýskaland) – Real Madrid (Spánn)
  • Seinni leikirnir: 6. mars
  • Miðvikudagurinn 14. febrúar
  • Lazio (Ítalía) – Bayern München Þýskaland)
  • Paris Saint-Germain (Frakkland) – Real Sociedad ((Spánn)
  • Seinni leikirnir: 5. mars
  • Þriðjudagurinn 20. febrúar
  • Inter (Ítalia) – Atlético Madrid (Spánn)
  • PSV Eindhoven (Holland) – Borussia Dortmund (Þýskaland)
  • Seinni leikirnir: 13. mars
  • Miðvikudagurinn 21. febrúar
  • Napoli (Ítalia) – Barcelona (Spánn)
  • Porto (Portúgal) – Arsenal (England)
  • Seinni leikirnir: 12. mars
Meistaradeild Evrópu í fótbolta karla

Mest lesið


Fleiri fréttir

Sjá meira


×

Mest lesið