Fullorðið fólk á sín leyndarmál Krass bókaútgáfa 22. nóvember 2023 14:55 Nýlega kom út bókin Söngur Súlu 2 – Ást í mörgum myndum eftir Hrafnhildi Valgarðsdóttur, kom nýlega út hjá blaða- og bókaútgáfunni Krass en hún er framhald bókarinnar Söngur Súlu sem kom út árið 2013. Nýlega kom út bókin Söngur Súlu 2 – Ást í mörgum myndum eftir Hrafnhildi Valgarðsdóttur en hún er framhald bókarinnar Söngur Súlu sem kom út árið 2013. Í fyrri bókinni segir frá því þegar Reykjavík var að breytast í borg um það leyti sem breski herinn, og síðar sá ameríski, var kominn til landsins. Þá streymdi fólk úr sveitum landsins til Reykjavíkur þar sem nóg var um vinnu og allt borgað í peningum. Bókin fjallar um fólkið í bröggunum og þar á meðal ungt par, foreldra Súlu, sem flytja í hálfan Breta-bragga og hlaða niður börnum. „Súla er eitt af þessum „braggabörnum,” segir Hrafnhildur. „Örlögin valda því að heimilið leysist upp og börnin fara öll í sitthverja áttina. Súla verður munaðarlaus og lendir á flækingi, flakkar milli alls kyns heimila og þá fær lesandinn innsýn í margs konar heimili og ástandið sem ríkti á þessum árum. Ég byggi lauslega á æskuminningum mínum þótt ég hafi ýkt og skáldað mjög því ólíkt æsku Súlu þá var mín æska ljúf.“ Söngur Súlu kom út árið 2013. Bókin kom út 2013 eins og fyrr segir og þar með fannst Hrafnhildi hún vera búin að ljúka sínum rithöfundarferli. „En það leitaði stöðugt á mig hálfgert samviskubit yfir að skilja við Súlu 16 ára gamla, aleina í leiguherbergi í Reykjavík og vinnandi í bakaríi. Mér fannst ég verða að fylgjast með henni og ákvað loks að skrifa aðra bók með undirtitilinn Ást í mörgum myndum, og ætlaði að láta líf hennar renna í gegn með þessari bók, en tókst ekki að komast lengra en þar til hún var orðin 18 ára.“ Rennur smám saman inn í skrautlegt heimilislífið Í nýju bókinni er Súla því 16 ára einstæð stelpa sem hefur lítið með sín mál að gera enda er veröldinni stjórnað af fullorðnu fólki. „En Súla er heppin því hún býr í húsi sem er fullt af góðu fólki og hún rennur smám saman inn í skrautlegt heimilislífið. Í húsinu er starfrækt bókaútgáfa og þar kynnist hún heimi bókanna. Andrúmsloft hússins mótar hana ásamt fólkinu sem þar býr.“ Í Söngur Súlu 2 - Ást í mörgum myndum, er Súla sextán til átján ára. Hún býr í húsi sem er fullt af góðu fólki og hún rennur smám saman inn í skrautlegt heimilislífið. En fullorðið fólk á sín leyndarmál og hefur lifað á ýmsan hátt og má þá helst nefna ástarmál þeirra sem sum eru skrautleg. „Bókin afhjúpar ýmislegt um þetta fólk um leið og hún fylgir Súlu gegnum brothætt líf einstæðings sem býr í litlu risherbergi og á lítið sem ekkert bakland. En þessi ár leiða hana inn á þá braut þar sem hún ákveður að helga líf sitt og spurningin er hvort ég muni fylgja henni eftir á þeirri braut með Söngur Súlu 3 eða ekki – það kemur í ljós.“ Hún segir nefnilega stanslausa vinnu vera í gangi í höfðinu á sér í sambandi við Súlu. „Alls kyns atburðir og persónur æða um kollinn á mér öllum stundum og ég held ég komist ekki hjá því að setjast við tölvuna og létta þessu af mér. Súla er orðin fullorðin og þarf að spjara sig og takast á við alls kyns vandamál sem því fylgja. Já, líklega skrifa ég þessa þriðju bók því hún er eiginlega orðin fullsköpuð í huga mér.“ Ætlaði alltaf að verða rithöfundur Hrafnhildur er fædd í Reykjavík 1948. Hún útskrifaðist frá Kennaraskólanum sem kennari 1971. „Eftir það vann ég alls kyns störf, bæði störf sem tengdust útgáfumálum en einnig kennslu þar sem ég var meira og minna viðloðandi í meira en 20 ár.“ Hún segist alltaf hafa ætlað að vera rithöfundur en komst fljótt að því að því fylgdu erfiðleikar og endalaus óvissa. „Ég var mjög ung þegar ég fékk birtar eftir mig smásögur í tímaritum og Lesbók Morgunblaðsins. Ég var sískrifandi, sendi handrit út og suður og tók þátt í samkeppnum þegar það bauðst. Stundum var ég heppin og stundum ekki. Það voru gefnar út bækur eftir mig og ég fékk bæði viðurkenningu og verðlaun, En það dugði þó skammt. Ég sótti um starfslaun árum saman sem rithöfundur en fékk aldrei. Loks gafst ég upp og hætti að sækja um, hætti að skrifa nema fyrir skúffuna.“ Hrafnhildur starfaði lengi við kennslu eins og áður segir. Á þeim tíma stríddu kennarar stöðugt við skort á efni til að fullnægja fjölbreyttum þörfum nemenda svo hún fór ósjálfrátt að útbúa alls kyns kennsluefni. „Með fram þessu fæddist þrautablaðið Hrafnaspark sem ég og Theódóra dóttir mín sköpuðum af mikilli kátínu. Loks ákvað ég að stofna sjálf útgáfu til að gefa út og halda utan um verk mín. Útgáfan Krass ehf. var stofnuð 1997 og gefur eingöngu út frumsamið efni eftir mig. Ég teygði mig í allar áttir í útgáfumálum og endurútgaf m.a. bækurnar um Kónga í ríki sínu sem enn í dag eru feiknar vinsælar. Einnig gerði ég verkefnabækur byggðar á þeim ásamt alls kyns kennsluefni sem sumt lifði en annað lognaðist út af eins og gengur. En Hrafnasparkið stóð af sér alla erfiðleika og lifir enn góðu lífi.“ Nánar upplýsingar á krass.is. Bókaútgáfa Bókmenntir Mest lesið Táraflóð eftir óvænt atriði brúðgumans Lífið Myndaveisla: Sexí upplifun í miðbænum Lífið Ítrekað með tárin í augunum á leið í vinnuna Lífið Var búinn að gefast upp Lífið Haustinu fagnað með tónleikum á Kaffi Flóru Tónlist „Eins og verstu unglingar í sleepover“ Makamál Vala Kristín hætti sér á tvöfalt stefnumót í flugi Lífið Ein glæsilegasta leikkona landsins á lausu Lífið Hollywood-leikstjóri nýtur lífsins á Íslandi Lífið Jökull í Kaleo í Glæstar vonir Bíó og sjónvarp Fleiri fréttir Krefjandi golfvöllur í óvenjulegri náttúrufegurð Flogið beint til Brno í fyrsta skipti frá Íslandi 15 íslenskar þáttaraðir á Stöð 2 í haust Allt fyrir hlaupið á einum stað Hjólakeppnin Grefillinn nýtur sífellt meiri vinsælda Golfvöllur staðsettur í mikilli náttúruparadís Sólríkar borgarferðir og ljúfar aðventuferðir með Úrval Útsýn Tekur Nutrilenk samhliða Femarelle og mælir hiklaust með Svefninn skiptir máli! Opnuðu kaffihús fyrir hunda og ketti – Einn Puppaccino takk! Skemmtilegur golfvöllur í einstaklega fallegu umhverfi Þrítugasta Síldarævintýrið haldið um verslunarmannahelgina Bylgjulestin endaði sumarið í Hafnarfirði Aukið öryggi og lífsgæði með bættri samgöngumenningu Ein af földu perlum Vestfjarða Slepptu við þynnkuna og vertu hress alla helgina! Bylgjulestin klárar ferðalagið í Hafnarfirði á laugardag Einn glæsilegasti 9 holu völlur landsins Myndaveisla frá Götubitahátíðinni þar sem Bylgjulestin var í beinni Bylgjulestin á Götubitahátíðinni Má augnskugginn þinn fara í kringum augun? Myndaveisla frá Kótilettunni þar sem Bylgjulestin var í beinni Spennandi ferðir til Taílands og Balí í haust Bylgjulestin á Kótelettunni Komdu í veg fyrir bitglaðar blóðsugur í sumar! Rómantísk bylgja í lestri með hækkandi sól Einstök upplifun í sveitasælu Óbrjótanleg lúxusglös í útileguna Myndaveisla frá Akureyri þar sem Bylgjulestin var í beinni Bylgjulestin verður í beinni frá Akureyri Sjá meira
Í fyrri bókinni segir frá því þegar Reykjavík var að breytast í borg um það leyti sem breski herinn, og síðar sá ameríski, var kominn til landsins. Þá streymdi fólk úr sveitum landsins til Reykjavíkur þar sem nóg var um vinnu og allt borgað í peningum. Bókin fjallar um fólkið í bröggunum og þar á meðal ungt par, foreldra Súlu, sem flytja í hálfan Breta-bragga og hlaða niður börnum. „Súla er eitt af þessum „braggabörnum,” segir Hrafnhildur. „Örlögin valda því að heimilið leysist upp og börnin fara öll í sitthverja áttina. Súla verður munaðarlaus og lendir á flækingi, flakkar milli alls kyns heimila og þá fær lesandinn innsýn í margs konar heimili og ástandið sem ríkti á þessum árum. Ég byggi lauslega á æskuminningum mínum þótt ég hafi ýkt og skáldað mjög því ólíkt æsku Súlu þá var mín æska ljúf.“ Söngur Súlu kom út árið 2013. Bókin kom út 2013 eins og fyrr segir og þar með fannst Hrafnhildi hún vera búin að ljúka sínum rithöfundarferli. „En það leitaði stöðugt á mig hálfgert samviskubit yfir að skilja við Súlu 16 ára gamla, aleina í leiguherbergi í Reykjavík og vinnandi í bakaríi. Mér fannst ég verða að fylgjast með henni og ákvað loks að skrifa aðra bók með undirtitilinn Ást í mörgum myndum, og ætlaði að láta líf hennar renna í gegn með þessari bók, en tókst ekki að komast lengra en þar til hún var orðin 18 ára.“ Rennur smám saman inn í skrautlegt heimilislífið Í nýju bókinni er Súla því 16 ára einstæð stelpa sem hefur lítið með sín mál að gera enda er veröldinni stjórnað af fullorðnu fólki. „En Súla er heppin því hún býr í húsi sem er fullt af góðu fólki og hún rennur smám saman inn í skrautlegt heimilislífið. Í húsinu er starfrækt bókaútgáfa og þar kynnist hún heimi bókanna. Andrúmsloft hússins mótar hana ásamt fólkinu sem þar býr.“ Í Söngur Súlu 2 - Ást í mörgum myndum, er Súla sextán til átján ára. Hún býr í húsi sem er fullt af góðu fólki og hún rennur smám saman inn í skrautlegt heimilislífið. En fullorðið fólk á sín leyndarmál og hefur lifað á ýmsan hátt og má þá helst nefna ástarmál þeirra sem sum eru skrautleg. „Bókin afhjúpar ýmislegt um þetta fólk um leið og hún fylgir Súlu gegnum brothætt líf einstæðings sem býr í litlu risherbergi og á lítið sem ekkert bakland. En þessi ár leiða hana inn á þá braut þar sem hún ákveður að helga líf sitt og spurningin er hvort ég muni fylgja henni eftir á þeirri braut með Söngur Súlu 3 eða ekki – það kemur í ljós.“ Hún segir nefnilega stanslausa vinnu vera í gangi í höfðinu á sér í sambandi við Súlu. „Alls kyns atburðir og persónur æða um kollinn á mér öllum stundum og ég held ég komist ekki hjá því að setjast við tölvuna og létta þessu af mér. Súla er orðin fullorðin og þarf að spjara sig og takast á við alls kyns vandamál sem því fylgja. Já, líklega skrifa ég þessa þriðju bók því hún er eiginlega orðin fullsköpuð í huga mér.“ Ætlaði alltaf að verða rithöfundur Hrafnhildur er fædd í Reykjavík 1948. Hún útskrifaðist frá Kennaraskólanum sem kennari 1971. „Eftir það vann ég alls kyns störf, bæði störf sem tengdust útgáfumálum en einnig kennslu þar sem ég var meira og minna viðloðandi í meira en 20 ár.“ Hún segist alltaf hafa ætlað að vera rithöfundur en komst fljótt að því að því fylgdu erfiðleikar og endalaus óvissa. „Ég var mjög ung þegar ég fékk birtar eftir mig smásögur í tímaritum og Lesbók Morgunblaðsins. Ég var sískrifandi, sendi handrit út og suður og tók þátt í samkeppnum þegar það bauðst. Stundum var ég heppin og stundum ekki. Það voru gefnar út bækur eftir mig og ég fékk bæði viðurkenningu og verðlaun, En það dugði þó skammt. Ég sótti um starfslaun árum saman sem rithöfundur en fékk aldrei. Loks gafst ég upp og hætti að sækja um, hætti að skrifa nema fyrir skúffuna.“ Hrafnhildur starfaði lengi við kennslu eins og áður segir. Á þeim tíma stríddu kennarar stöðugt við skort á efni til að fullnægja fjölbreyttum þörfum nemenda svo hún fór ósjálfrátt að útbúa alls kyns kennsluefni. „Með fram þessu fæddist þrautablaðið Hrafnaspark sem ég og Theódóra dóttir mín sköpuðum af mikilli kátínu. Loks ákvað ég að stofna sjálf útgáfu til að gefa út og halda utan um verk mín. Útgáfan Krass ehf. var stofnuð 1997 og gefur eingöngu út frumsamið efni eftir mig. Ég teygði mig í allar áttir í útgáfumálum og endurútgaf m.a. bækurnar um Kónga í ríki sínu sem enn í dag eru feiknar vinsælar. Einnig gerði ég verkefnabækur byggðar á þeim ásamt alls kyns kennsluefni sem sumt lifði en annað lognaðist út af eins og gengur. En Hrafnasparkið stóð af sér alla erfiðleika og lifir enn góðu lífi.“ Nánar upplýsingar á krass.is.
Bókaútgáfa Bókmenntir Mest lesið Táraflóð eftir óvænt atriði brúðgumans Lífið Myndaveisla: Sexí upplifun í miðbænum Lífið Ítrekað með tárin í augunum á leið í vinnuna Lífið Var búinn að gefast upp Lífið Haustinu fagnað með tónleikum á Kaffi Flóru Tónlist „Eins og verstu unglingar í sleepover“ Makamál Vala Kristín hætti sér á tvöfalt stefnumót í flugi Lífið Ein glæsilegasta leikkona landsins á lausu Lífið Hollywood-leikstjóri nýtur lífsins á Íslandi Lífið Jökull í Kaleo í Glæstar vonir Bíó og sjónvarp Fleiri fréttir Krefjandi golfvöllur í óvenjulegri náttúrufegurð Flogið beint til Brno í fyrsta skipti frá Íslandi 15 íslenskar þáttaraðir á Stöð 2 í haust Allt fyrir hlaupið á einum stað Hjólakeppnin Grefillinn nýtur sífellt meiri vinsælda Golfvöllur staðsettur í mikilli náttúruparadís Sólríkar borgarferðir og ljúfar aðventuferðir með Úrval Útsýn Tekur Nutrilenk samhliða Femarelle og mælir hiklaust með Svefninn skiptir máli! Opnuðu kaffihús fyrir hunda og ketti – Einn Puppaccino takk! Skemmtilegur golfvöllur í einstaklega fallegu umhverfi Þrítugasta Síldarævintýrið haldið um verslunarmannahelgina Bylgjulestin endaði sumarið í Hafnarfirði Aukið öryggi og lífsgæði með bættri samgöngumenningu Ein af földu perlum Vestfjarða Slepptu við þynnkuna og vertu hress alla helgina! Bylgjulestin klárar ferðalagið í Hafnarfirði á laugardag Einn glæsilegasti 9 holu völlur landsins Myndaveisla frá Götubitahátíðinni þar sem Bylgjulestin var í beinni Bylgjulestin á Götubitahátíðinni Má augnskugginn þinn fara í kringum augun? Myndaveisla frá Kótilettunni þar sem Bylgjulestin var í beinni Spennandi ferðir til Taílands og Balí í haust Bylgjulestin á Kótelettunni Komdu í veg fyrir bitglaðar blóðsugur í sumar! Rómantísk bylgja í lestri með hækkandi sól Einstök upplifun í sveitasælu Óbrjótanleg lúxusglös í útileguna Myndaveisla frá Akureyri þar sem Bylgjulestin var í beinni Bylgjulestin verður í beinni frá Akureyri Sjá meira