Sau­tján ára stelpa bætti met Ansu Fati

López skoraði fimmta og síðasta mark Barcelona liðsins í leiknum en markið hennar kom á þriðju mínútu í uppbótartíma. Vicky hafði komið inn á sem varamaður á 87. mínútu.

López var aðeins 17 ára og 116 daga gömul í gær sem þýddi að hún varð með þessu yngsti markaskorari Barcelona í sögu El Clasico en það er nafnið á viðureignum erkifjendanna Barcelona og Real Madrid.

López bætti met Ansu Fati sem var 17 ára og 358 daga þegar hann skoraði fyrir karlalið Barcelona í leik á móti Real.

Fati skoraði markið sitt í 3-1 útisigri á Real 24. október 2020. Hann er núna orðinn leikmaður Brighton & Hove Albion í enski úrvalsdeildinni en Barcelona lánaði hann þangað fram á sumar.

Vicky López er fædd 26. júlí 2006 en hún er frá Madrid. Hún kom til Barcelona í fyrra eftir að hafa spilað upp yngri flokkana hjá Madrid CFF.

López hefur þegar skorað 17 mörk fyrir spænska sautján ára landsliðið og varð heimsmeistari með liðinu á síðasta ári.