Berglind Häsler orðin ástfangin á ný Jón Þór Stefánsson skrifar 11. nóvember 2023 22:16 Berglind Häsler var aðstoðarmaður Svandísar Svavarsdóttur matvælaráðherra í fyrra þegar hún leysti af Iðunni Garðarsdótur sem var í barneignarleyfi. Stjórnarráðið Berglind Häsler, eigandi Havarí og tónlistarkona hefur fundið ástina á ný. Hún greinir frá þessu í ítarlegu viðtali í Sunnudagsblaði Morgunblaðsins í dag. Hún fann ástina hjá gömlum og góðum vini úr tónlistarbransanum. Svavar Pétur Eysteinsson eiginmaður Berglindar, betur þekktur sem tónlistarmaðurinn Prins Póló, féll frá í september í fyrra eftir tæplega eftir tæplega fjögurra ára baráttu við krabbamein. Í viðtalinu rifjar Berglind upp þegar þau Svavar kynntust árið 2003 og voru gift innan hálfs árs. „Hann bað mín eftir mánuð og ég sagði já. Brjálæði sko,“ segir Berglind í viðtalinu við Sunnudagsblaðið. Foreldrum hennar hafi verið nokkuð brugðið en þau héldu sínu striki. Berglind og Svavar brölluðu mikið. Framan af helst í íslensku tónlistarsenunni en síðar tóku við frumleg verkefni eins og framleiðsla á bulsum. Hjónin áttu eftir að flytja á bóndabæ í Berufirði sem fékk nafnið Havarí. Meðfram búskap stunduðu þau ferðaþjónustu auk þess sem tónleikar voru reglulega haldnir í Havarí. Berglind og Svavar tóku virkan þátt í samfélaginu í sveitinni árin átta á Suðausturlandi og börðust meðal annars fyrir bættri vegagerð með sveitungum sínum. Svavar Pétur greindist með krabbamein árið 2018. Töluverður tími leið frá því að Svavar Pétur greindist þangað til að þau sögðu opinberlega frá veikindunum. Þau kunnu ekki við vorkunnsemi frá fólki. Gleði einkenndi hjónin Berglindi og Svavar Pétur hvert sem þau komu. Þau fóru ótroðnar slóðir og smituðu út frá sér.Vísir/Hulda Margrét „Ég veit að Svavar hefði ekki viljað láta minnast sín sem manns sem dó ungur, heldur fyrir það sem hann náði að áorka. Það má ekki vera aðalatriði að hann dó fyrir aldur fram því hann nýtti sitt líf alveg ótrúlega vel,“ segir Berglind í viðtalinu í Morgunblaðinu. Berglind sagði í viðtali við Vísi í apríl að síðustu skilaboð Svavar Péturs hefðu verið að fólk ætti að hafa gaman. Í stað þess að hafa útför í kyrrþey var efnt til tónlistarveislu. „Það voru margir tónlistarmenn sem spiluðu í jarðarförinni og nokkur laga hans voru flutt í einstaklega fallegum útsetningum. Við höfum mikið verið spurð hvort standi til að gera eitthvað meira með þessar útsetningar,“ sagði Berglind. „Það er hins vegar okkar mat að þetta hæfði tilefninu einu saman. Eðli málsins samkvæmt voru þetta mjög þung skref fyrir okkur öll en í öllu þessu ferli og samstarfi fundum við mikinn kraft. Það hjálpaði okkur að hanga saman og rifja upp sögur. Þannig að úr varð að við ákváðum að gera þetta aftur en í þetta sinn viljum við fagna lífi hans og gera þetta að hátíð,“ sagði Berglind við Vísi í aðdraganda minningartónleika á afmælisdegi Svavars Péturs í apríl. Eftirspurnin eftir miðum í Gamla bíó var svo mikil að aukatónleikum var bætt við. Berglind segist í viðtalinu í Sunnudagsblaðinu ræða svo opinskátt um Svavar Pétur, minningarnar og baráttuna við krabbameinið vegna þess að hún sjálf hafi leitað í slík viðtöl þegar Svavar Pétur greindist. „Ég er upptekin af því að þetta hafi einhvern tilgang og að saga mín geti mögulega veitt einhverjum von. Og því vil ég segja hana.“ Bjóst alls ekki við því að finna ástina svo fljótt Í framhaldinu upplýsir Berglind brosandi að hún hafi fundi gleðina á ný. Hún sé meira að segja ástfangin. „Það er ótrúlegt og ég bjóst alls ekki við því. Sumir segja að fólk í mínum sporum eigi að bíða lengur en eitt ár en það er ekkert hægt að plana ástina. Hún er svo mikið afl.“ Þormóður Dagsson, oftast kallaður Þorri, hefur verið áberandi í rokkinu undanfarna tvo áratugi. Sá heppni heitir Þormóður Dagsson og er tónlistarmaður líkt og Berglind. Þau Berglind og Svavar Pétur stofnuðu hljómsveitina Skakkamanage fyrir tæpum tuttugu árum. Sveitin gaf út þrjár breiðskífur og tríóið spilaði haug af tónleikum. Sveitin gaf síðast út plötu árið 2014 og ræddi hana í viðtali við Harmageddon. Þau hafa því verið vinir í langan tíma áður en ástin tók völdin fyrr á árinu. Þormóður er einnig í hljómsveitinni Tilbury og Jeff Who en hann er yngri bróðir Hugleiks Dagssonar uppistandara sem gifti sig einmitt á dögunum. Skakkamanage spilaði einmitt á minningartónleikunum í Gamla bíó, eftir langt hlé, en þá bættust Örvar Smárason, Örn Ingi Ágústsson og Björn Kristjánsson í hópinn auk Berglindar og Þorra. Ástin og lífið Tónlist Mest lesið „Einhvern tímann verðurðu að leyfa barninu þínu að flytja að heiman“ Lífið Smashing Pumpkins pumpuðu upp stemningu – en listin varð undir hávaðanum Gagnrýni „Þetta var eins og Atlantis sem sökk“ Lífið Taka fyrir sambönd flugfreyja og flugmanna út frá sögum úr bransanum Lífið Jón Ólafs og Hildur Vala keyptu í Vesturbænum Lífið Leggst undir hnífinn vegna brjóstakrabbameins og frestar túrnum Lífið Svona heppnaðist hárígræðslan hjá Baldri og Einari Lífið Opna Preppbarinn í Keflavík og bjóða 50% afslátt Lífið samstarf Kaupa glæsihús frænku Patriks Lífið Býr beint fyrir neðan barnsmóður sína Lífið Fleiri fréttir Indversk pizza að hætti Rakelar Maríu Trúlofuð en ekki búin að flytja inn saman „Einhvern tímann verðurðu að leyfa barninu þínu að flytja að heiman“ Bananakaka með silkimjúku súkkulaðikremi Svona heppnaðist hárígræðslan hjá Baldri og Einari Taka fyrir sambönd flugfreyja og flugmanna út frá sögum úr bransanum Jón Ólafs og Hildur Vala keyptu í Vesturbænum Leggst undir hnífinn vegna brjóstakrabbameins og frestar túrnum „Þetta var eins og Atlantis sem sökk“ Hafdís Huld bæjarlistamaður Mosfellsbæjar Vinsælast á Netflix og Spotify: Kóreskir djöflaveiðarar tröllríða öllu Silkimjúk súpa fyrir sálina Eru smáhrifavaldar að taka yfir markaðinn? Sex bestu veitingastaðirnir í Skandinavíu Býr beint fyrir neðan barnsmóður sína Fjölgar í fjölskyldu Maríu Birtu og Ella Ástarleikir á fjölbreyttum stöðum Fullkominn kókos og chiagrautur að hætti Elísabetar Mettu Sóley og Kormákur skáluðu í síðsumarsólinni Segir lýtaaðgerðir hennar leið til að eldast með reisn Kaupa glæsihús frænku Patriks Opnar sig eftir handtökuna Töluðu íslensku við mannhafið Hin 93 ára Jóhanna skríður enn um garðinn til að halda honum fínum Fárveik í París Fullkominn brúðkaupsdagur í sænskum kastala Skiptir stærðin raunverulega máli? Berbrjósta og bleikhærðar með byltingu Taylor Swift trúlofuð Taumlaus gleði og stjörnum prýddir tónleikar Sjá meira
Svavar Pétur Eysteinsson eiginmaður Berglindar, betur þekktur sem tónlistarmaðurinn Prins Póló, féll frá í september í fyrra eftir tæplega eftir tæplega fjögurra ára baráttu við krabbamein. Í viðtalinu rifjar Berglind upp þegar þau Svavar kynntust árið 2003 og voru gift innan hálfs árs. „Hann bað mín eftir mánuð og ég sagði já. Brjálæði sko,“ segir Berglind í viðtalinu við Sunnudagsblaðið. Foreldrum hennar hafi verið nokkuð brugðið en þau héldu sínu striki. Berglind og Svavar brölluðu mikið. Framan af helst í íslensku tónlistarsenunni en síðar tóku við frumleg verkefni eins og framleiðsla á bulsum. Hjónin áttu eftir að flytja á bóndabæ í Berufirði sem fékk nafnið Havarí. Meðfram búskap stunduðu þau ferðaþjónustu auk þess sem tónleikar voru reglulega haldnir í Havarí. Berglind og Svavar tóku virkan þátt í samfélaginu í sveitinni árin átta á Suðausturlandi og börðust meðal annars fyrir bættri vegagerð með sveitungum sínum. Svavar Pétur greindist með krabbamein árið 2018. Töluverður tími leið frá því að Svavar Pétur greindist þangað til að þau sögðu opinberlega frá veikindunum. Þau kunnu ekki við vorkunnsemi frá fólki. Gleði einkenndi hjónin Berglindi og Svavar Pétur hvert sem þau komu. Þau fóru ótroðnar slóðir og smituðu út frá sér.Vísir/Hulda Margrét „Ég veit að Svavar hefði ekki viljað láta minnast sín sem manns sem dó ungur, heldur fyrir það sem hann náði að áorka. Það má ekki vera aðalatriði að hann dó fyrir aldur fram því hann nýtti sitt líf alveg ótrúlega vel,“ segir Berglind í viðtalinu í Morgunblaðinu. Berglind sagði í viðtali við Vísi í apríl að síðustu skilaboð Svavar Péturs hefðu verið að fólk ætti að hafa gaman. Í stað þess að hafa útför í kyrrþey var efnt til tónlistarveislu. „Það voru margir tónlistarmenn sem spiluðu í jarðarförinni og nokkur laga hans voru flutt í einstaklega fallegum útsetningum. Við höfum mikið verið spurð hvort standi til að gera eitthvað meira með þessar útsetningar,“ sagði Berglind. „Það er hins vegar okkar mat að þetta hæfði tilefninu einu saman. Eðli málsins samkvæmt voru þetta mjög þung skref fyrir okkur öll en í öllu þessu ferli og samstarfi fundum við mikinn kraft. Það hjálpaði okkur að hanga saman og rifja upp sögur. Þannig að úr varð að við ákváðum að gera þetta aftur en í þetta sinn viljum við fagna lífi hans og gera þetta að hátíð,“ sagði Berglind við Vísi í aðdraganda minningartónleika á afmælisdegi Svavars Péturs í apríl. Eftirspurnin eftir miðum í Gamla bíó var svo mikil að aukatónleikum var bætt við. Berglind segist í viðtalinu í Sunnudagsblaðinu ræða svo opinskátt um Svavar Pétur, minningarnar og baráttuna við krabbameinið vegna þess að hún sjálf hafi leitað í slík viðtöl þegar Svavar Pétur greindist. „Ég er upptekin af því að þetta hafi einhvern tilgang og að saga mín geti mögulega veitt einhverjum von. Og því vil ég segja hana.“ Bjóst alls ekki við því að finna ástina svo fljótt Í framhaldinu upplýsir Berglind brosandi að hún hafi fundi gleðina á ný. Hún sé meira að segja ástfangin. „Það er ótrúlegt og ég bjóst alls ekki við því. Sumir segja að fólk í mínum sporum eigi að bíða lengur en eitt ár en það er ekkert hægt að plana ástina. Hún er svo mikið afl.“ Þormóður Dagsson, oftast kallaður Þorri, hefur verið áberandi í rokkinu undanfarna tvo áratugi. Sá heppni heitir Þormóður Dagsson og er tónlistarmaður líkt og Berglind. Þau Berglind og Svavar Pétur stofnuðu hljómsveitina Skakkamanage fyrir tæpum tuttugu árum. Sveitin gaf út þrjár breiðskífur og tríóið spilaði haug af tónleikum. Sveitin gaf síðast út plötu árið 2014 og ræddi hana í viðtali við Harmageddon. Þau hafa því verið vinir í langan tíma áður en ástin tók völdin fyrr á árinu. Þormóður er einnig í hljómsveitinni Tilbury og Jeff Who en hann er yngri bróðir Hugleiks Dagssonar uppistandara sem gifti sig einmitt á dögunum. Skakkamanage spilaði einmitt á minningartónleikunum í Gamla bíó, eftir langt hlé, en þá bættust Örvar Smárason, Örn Ingi Ágústsson og Björn Kristjánsson í hópinn auk Berglindar og Þorra.
Ástin og lífið Tónlist Mest lesið „Einhvern tímann verðurðu að leyfa barninu þínu að flytja að heiman“ Lífið Smashing Pumpkins pumpuðu upp stemningu – en listin varð undir hávaðanum Gagnrýni „Þetta var eins og Atlantis sem sökk“ Lífið Taka fyrir sambönd flugfreyja og flugmanna út frá sögum úr bransanum Lífið Jón Ólafs og Hildur Vala keyptu í Vesturbænum Lífið Leggst undir hnífinn vegna brjóstakrabbameins og frestar túrnum Lífið Svona heppnaðist hárígræðslan hjá Baldri og Einari Lífið Opna Preppbarinn í Keflavík og bjóða 50% afslátt Lífið samstarf Kaupa glæsihús frænku Patriks Lífið Býr beint fyrir neðan barnsmóður sína Lífið Fleiri fréttir Indversk pizza að hætti Rakelar Maríu Trúlofuð en ekki búin að flytja inn saman „Einhvern tímann verðurðu að leyfa barninu þínu að flytja að heiman“ Bananakaka með silkimjúku súkkulaðikremi Svona heppnaðist hárígræðslan hjá Baldri og Einari Taka fyrir sambönd flugfreyja og flugmanna út frá sögum úr bransanum Jón Ólafs og Hildur Vala keyptu í Vesturbænum Leggst undir hnífinn vegna brjóstakrabbameins og frestar túrnum „Þetta var eins og Atlantis sem sökk“ Hafdís Huld bæjarlistamaður Mosfellsbæjar Vinsælast á Netflix og Spotify: Kóreskir djöflaveiðarar tröllríða öllu Silkimjúk súpa fyrir sálina Eru smáhrifavaldar að taka yfir markaðinn? Sex bestu veitingastaðirnir í Skandinavíu Býr beint fyrir neðan barnsmóður sína Fjölgar í fjölskyldu Maríu Birtu og Ella Ástarleikir á fjölbreyttum stöðum Fullkominn kókos og chiagrautur að hætti Elísabetar Mettu Sóley og Kormákur skáluðu í síðsumarsólinni Segir lýtaaðgerðir hennar leið til að eldast með reisn Kaupa glæsihús frænku Patriks Opnar sig eftir handtökuna Töluðu íslensku við mannhafið Hin 93 ára Jóhanna skríður enn um garðinn til að halda honum fínum Fárveik í París Fullkominn brúðkaupsdagur í sænskum kastala Skiptir stærðin raunverulega máli? Berbrjósta og bleikhærðar með byltingu Taylor Swift trúlofuð Taumlaus gleði og stjörnum prýddir tónleikar Sjá meira