Madrídingar tryggðu sig á­fram í sex­tán liða úr­slit

Real Madrid tryggði sig áfram í 16-liða úrslit Meistaradeildarinnar með öruggum 3-0 sigri gegn Braga á Santiago Bernabeu. Madrídingar eru þar með aðrir til að tryggja sig áfram eftir að Manchester City varð fyrst til í gær. 

Brahím Díaz skoraði fyrsta mark leiksins á 27. mínútu eftir fyrirgjöf frá Rodrygo á hægri kantinum. Vinícius breikkaði bilið í upphafi seinni hálfleiks og Rodrygo var svo aftur á ferðinni í þriðja markinu þegar hann vippaði boltanum fallega yfir markvörð Braga. 

Nico Paz, 19 ára gamall leikmaður Real Madrid, þreytti frumraun sína fyrir félagið í kvöld þegar hann kom inn á völlinn á 77. mínútu fyrir Federico Valverde.