Handbolti

Fá­mennt lið HK berst fyrir til­veru­rétti sínum í deildinni

Runólfur Trausti Þórhallsson skrifar
HK hefur ekki náð í mörg stig það sem af er tímabili.
HK hefur ekki náð í mörg stig það sem af er tímabili. Vísir/Vilhelm

Mikil meiðsli herja nú á lið HK í Olís-deild karla í handbolta. Alls eru fimm leikmenn frá og verða sumir þeirra ekki leikfærir fyrr en á nýju ári. HK er nýliði í deildinni og má vart við skakkaföllum sem þessum ætli það að halda sér í deild þeirra bestu.

Handbolti.is greindi fyrst frá. Þar kemur fram að þeir Júlíus Flosason, Ari Sverrir Magnússon, Pálmi Fannar Sigurðsson, Kristófer Ísak Bárðarson og Styrmir Máni Arnarson séu allir frá vegna meiðsla.

Júlíus meiddist illa gegn KA í 3. umferð og mun að öllum líkindum ekki spila aftur fyrr en flautað verður til leiks í febrúar þegar EM-pásunni lýkur. Ari Sverrir hefur misst af síðustu tveimur leikjum og ekki er vitað hvenær hann snýr aftur.

Pálmi Fannar, fyrirliði liðsins, meiddist í leik gegn Selfossi um síðustu helgi. Ekki er vitað hversu lengi hann verður frá. Kristófer Ísak meiddist einnig gegn Selfossi á meðan Styrmir Máni hefur ekki enn spilað á tímabilinu vegna meiðsla.

HK er í 11. sæti af 12 liðum með þrjú stig að loknum átta leikjum.

Handbolti Olís-deild karla HK

Mest lesið


Fleiri fréttir

Sjá meira


×

Mest lesið