Matti úr Hatara til Þjóðleikhússins Dóra Júlía Agnarsdóttir skrifar 26. september 2023 09:49 Matthías Tryggvi Haraldsson hefur verið ráðinn í starf listræns ráðunautar Þjóðleikhússins. Aðsend Matthías Tryggvi Haraldsson, leikskáld og sviðshöfundur, hefur verið ráðinn í starf listræns ráðunautar Þjóðleikhússins. Matthías hefur víðtæka reynslu úr íslensku leikhús- og menningarlífi en er þekktastur fyrir leikverk sín og þátttöku í hljómsveitinni Hatara. Mikil reynsla í menningar- og samfélagsmálum „Matthías Tryggvi gengur til liðs við teymi listrænna stjórnenda Þjóðleikhússins. Hrafnhildur Hagalín Guðmundsdóttir, sem gegnt hefur starfinu um tæpra fjögurra ára skeið, mun snúa sér að ritstörfum og skrifa nýtt leikrit fyrir leikhúsið eftir að hún lætur af störfum 1. nóvember, þegar Matthías Tryggvi tekur við keflinu,“segir í fréttatilkynningu frá Þjóðleikhúsinu. Þar kemur einnig fram að Matthías Tryggvi sé reynslumikið leikskáld og höfundur en hefur einnig reynslu sem leikstjóri og dramatúrg. „Verk hans hafa verið flutt í Þjóðleikhúsinu, Borgarleikhúsinu, hjá sjálfstæðum leikhúsum og erlendis. Hann var samningsbundið leikskáld Leikfélags Reykjavíkur. Matthías Tryggvi hefur einnig mikla reynslu á öðrum sviðum menningar og samfélagsmála og var meðal annars um árabil í hljómsveitinni Hatara sem vakti athygli víða um heim fyrir tónlist sína, gjörninga og beitta ádeilu. Hann hefur reynslu af dagskrárgerð fyrir útvarp og sjónvarp auk mikillar reynslu af texta- og hugmyndasmíði, m.a. hjá auglýsingastofunni Brandenburg. Matthías Tryggvi hefur hlotið fjölda verðlauna fyrir verk sín, m.a. Grímuna, íslensku leiklistarverðlaunin fyrir leikrit sitt Síðustu dagar Sæunnar, auk annarra tilnefninga. Hann fékk einnig íslensku tónlistarverðlaunin sem flytjandi ársins með hljómsveit sinni Hatara.“ Í spilaranum hér að neðan má sjá hljómsveitina Hatara ásamt tónlistarkonunni Heiðdísi Hönnu flytja lagið X á Hlustendaverðlaununum 2018: Fiðrildin farin að flögra Matthías Tryggvi er útskrifaður sviðshöfundur frá LHÍ og segist mjög spenntur fyrir komandi verkefni. „Fiðrildin í maganum eru strax farin að flögra. Það er með kærleik í hjarta sem ég stíg í þetta hlutverk og get varla ímyndað mér betri vettvang til að nýta krafta mína. Listin er einstakt starfssvið að því leyti að við þurfum í senn fagmennsku og skýra ramma en ekkert síður óendanlegt pláss til að vera púkar. Með hvort tveggja í huga er ég til þjónustu reiðubúinn,“ segir Matthías. Listrænn ráðunautur Þjóðleikhússins vinnur með Magnúsi Geir Þórðarsyni þjóðleikhússtjóra, Melkorku Teklu Ólafsdóttur leiklistarráðunauti og öðrum listrænum stjórnendum leikhússins að listrænni stefnu, verkefnavali og stuðningi við uppsetningar leikhússins. Hann sinnir höfundarstarfi, þróun leikverka með höfundum og ýmiskonar verkefnastjórn. „Það er mikill fengur í því að fá Matthías Tryggva til liðs við öflugt teymi listrænna stjórnenda Þjóðleikhússins. Hann er hrikalega skemmtilegur listamaður, hefur mikla reynslu, frábæra þekkingu, innsæi og ástríðu sem ég veit að verður dýrmæt viðbót við teymið sem fyrir er í húsinu. Hann kemur úr frjórri grasrót nýrrar kynslóðar íslensks leikhúslistafólks. Við hlökkum mikið til samstarfsins og bjóðum hann velkominn í hópinn,“ segir Magnús Geir Þórðarson þjóðleikhússtjóri. Leikhús Menning Vistaskipti Tengdar fréttir Matti í Hatara og Brynhildur Karls giftu sig í íslenskri sveitasælu Listræna parið Matthías Haraldsson og Brynhildur Karlsdóttir giftu sig um helgina með pomp og prakt í íslenskri sveitasælu, umkringd sínu nánasta fólki. Faðir Brynhildar, leikarinn Karl Ágúst Úlfarsson, gaf þau saman með táknrænum en ólögformlegum hætti. 21. ágúst 2023 11:18 Matthías í Hatara til Brandenburg Matthías Tryggvi Haraldsson hefur verið ráðinn sem texta- og hugmyndasmiður á auglýsingastofunni Brandenburg. 8. apríl 2022 11:19 Mest lesið Umfjöllunin um kynjaveisluna fór fyrir brjóstið á Birgittu Lífið Mætti á nærfötunum einum klæða Tíska og hönnun „Mig langaði að eiga vini og verða vinsæll“ Lífið Símtal á lágpunkti úti í London breytti öllu Lífið „Háð því að gera hluti sem eru óþægilegir“ Lífið Listamenn skora á Samherja að falla frá málsókn gegn ODEE Lífið Björk byrjar kvöldið og Blawan tekur svo við Lífið Býður Taylor barn Lífið Taylor Swift jafnaði met Beyoncé á VMA Tónlist Halla á Hellisheiði með viðskiptakonum Lífið Fleiri fréttir Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Mikil reynsla í menningar- og samfélagsmálum „Matthías Tryggvi gengur til liðs við teymi listrænna stjórnenda Þjóðleikhússins. Hrafnhildur Hagalín Guðmundsdóttir, sem gegnt hefur starfinu um tæpra fjögurra ára skeið, mun snúa sér að ritstörfum og skrifa nýtt leikrit fyrir leikhúsið eftir að hún lætur af störfum 1. nóvember, þegar Matthías Tryggvi tekur við keflinu,“segir í fréttatilkynningu frá Þjóðleikhúsinu. Þar kemur einnig fram að Matthías Tryggvi sé reynslumikið leikskáld og höfundur en hefur einnig reynslu sem leikstjóri og dramatúrg. „Verk hans hafa verið flutt í Þjóðleikhúsinu, Borgarleikhúsinu, hjá sjálfstæðum leikhúsum og erlendis. Hann var samningsbundið leikskáld Leikfélags Reykjavíkur. Matthías Tryggvi hefur einnig mikla reynslu á öðrum sviðum menningar og samfélagsmála og var meðal annars um árabil í hljómsveitinni Hatara sem vakti athygli víða um heim fyrir tónlist sína, gjörninga og beitta ádeilu. Hann hefur reynslu af dagskrárgerð fyrir útvarp og sjónvarp auk mikillar reynslu af texta- og hugmyndasmíði, m.a. hjá auglýsingastofunni Brandenburg. Matthías Tryggvi hefur hlotið fjölda verðlauna fyrir verk sín, m.a. Grímuna, íslensku leiklistarverðlaunin fyrir leikrit sitt Síðustu dagar Sæunnar, auk annarra tilnefninga. Hann fékk einnig íslensku tónlistarverðlaunin sem flytjandi ársins með hljómsveit sinni Hatara.“ Í spilaranum hér að neðan má sjá hljómsveitina Hatara ásamt tónlistarkonunni Heiðdísi Hönnu flytja lagið X á Hlustendaverðlaununum 2018: Fiðrildin farin að flögra Matthías Tryggvi er útskrifaður sviðshöfundur frá LHÍ og segist mjög spenntur fyrir komandi verkefni. „Fiðrildin í maganum eru strax farin að flögra. Það er með kærleik í hjarta sem ég stíg í þetta hlutverk og get varla ímyndað mér betri vettvang til að nýta krafta mína. Listin er einstakt starfssvið að því leyti að við þurfum í senn fagmennsku og skýra ramma en ekkert síður óendanlegt pláss til að vera púkar. Með hvort tveggja í huga er ég til þjónustu reiðubúinn,“ segir Matthías. Listrænn ráðunautur Þjóðleikhússins vinnur með Magnúsi Geir Þórðarsyni þjóðleikhússtjóra, Melkorku Teklu Ólafsdóttur leiklistarráðunauti og öðrum listrænum stjórnendum leikhússins að listrænni stefnu, verkefnavali og stuðningi við uppsetningar leikhússins. Hann sinnir höfundarstarfi, þróun leikverka með höfundum og ýmiskonar verkefnastjórn. „Það er mikill fengur í því að fá Matthías Tryggva til liðs við öflugt teymi listrænna stjórnenda Þjóðleikhússins. Hann er hrikalega skemmtilegur listamaður, hefur mikla reynslu, frábæra þekkingu, innsæi og ástríðu sem ég veit að verður dýrmæt viðbót við teymið sem fyrir er í húsinu. Hann kemur úr frjórri grasrót nýrrar kynslóðar íslensks leikhúslistafólks. Við hlökkum mikið til samstarfsins og bjóðum hann velkominn í hópinn,“ segir Magnús Geir Þórðarson þjóðleikhússtjóri.
Leikhús Menning Vistaskipti Tengdar fréttir Matti í Hatara og Brynhildur Karls giftu sig í íslenskri sveitasælu Listræna parið Matthías Haraldsson og Brynhildur Karlsdóttir giftu sig um helgina með pomp og prakt í íslenskri sveitasælu, umkringd sínu nánasta fólki. Faðir Brynhildar, leikarinn Karl Ágúst Úlfarsson, gaf þau saman með táknrænum en ólögformlegum hætti. 21. ágúst 2023 11:18 Matthías í Hatara til Brandenburg Matthías Tryggvi Haraldsson hefur verið ráðinn sem texta- og hugmyndasmiður á auglýsingastofunni Brandenburg. 8. apríl 2022 11:19 Mest lesið Umfjöllunin um kynjaveisluna fór fyrir brjóstið á Birgittu Lífið Mætti á nærfötunum einum klæða Tíska og hönnun „Mig langaði að eiga vini og verða vinsæll“ Lífið Símtal á lágpunkti úti í London breytti öllu Lífið „Háð því að gera hluti sem eru óþægilegir“ Lífið Listamenn skora á Samherja að falla frá málsókn gegn ODEE Lífið Björk byrjar kvöldið og Blawan tekur svo við Lífið Býður Taylor barn Lífið Taylor Swift jafnaði met Beyoncé á VMA Tónlist Halla á Hellisheiði með viðskiptakonum Lífið Fleiri fréttir Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Matti í Hatara og Brynhildur Karls giftu sig í íslenskri sveitasælu Listræna parið Matthías Haraldsson og Brynhildur Karlsdóttir giftu sig um helgina með pomp og prakt í íslenskri sveitasælu, umkringd sínu nánasta fólki. Faðir Brynhildar, leikarinn Karl Ágúst Úlfarsson, gaf þau saman með táknrænum en ólögformlegum hætti. 21. ágúst 2023 11:18
Matthías í Hatara til Brandenburg Matthías Tryggvi Haraldsson hefur verið ráðinn sem texta- og hugmyndasmiður á auglýsingastofunni Brandenburg. 8. apríl 2022 11:19