Dagskráin í dag: Meistaradeildin, Meistarakeppni KKÍ, Besta-deildin og margt fleira

Stöð 2 Sport

KA og Keflavík eigast við í neðri hluta Bestu-deildar karla í knattspyrnu klukkan 16:05 áður en Valur tekur á móti Haukum í Meistarakeppni KKÍ í körfubolta kvenna klukkan 19:00.

Stöð 2 Sport 2

Hákon Arnar Haraldsson og félagar hans í Lille taka á móti Olimpija Ljubljana í Sambandsdeild Evrópu klukkan 14:20.

Klukkan 18:30 er svo komið að Meistaradeildarmessunni þar sem Gummi Ben og sérfræðingar Stöðvar 2 Sports fylgjast með öllum leikjum kvöldsins í Meistaradeild Evrópu áður en Meistaradeildarmörkin taka við að leikjunum loknum.

Stöð 2 Sport 3

Banfica og Salzburg eigast við í UEFA Youth League klukkan 11:55 áður en Bayern München tekur á móti Manchester United í sömu keppni klukkan 13:55.

Klukkan 16:35 er svo komið að Meistaradeildinni sjálfri þar sem Galatasaray tekur á móti Orra Steini Óskarssyni og félögum hans í FCK. Að þeim leik loknum, eða klukkan 18:50, færum við okkur svo yfir til Þýskalands þar sem Manchester United sækir Bayern München heim í sannkölluðum stórleik.

Stöð 2 Sport 4

Braga og Napoli eigast við í Meistaradeild Evrópu klukkan 18:50.

Stöð 2 Sport 5

Benfica tekur á móti Salzburg í Meistaradeild Evrópu klukkan 18:50.

Stöð 2 Besta deildin

Víkingur tekur á móti KR klukkan 19:00 í efri hluta Bestu-deildar karla, en með sigri tryggir Víkingur sér endanlega Íslandsmeistaratitilinn.

Vodafone Sport

Meistaradeildin teygir sig einnig yfir á Vodafone Sport, en klukkan 16:35 verður hægt að fylgjast með beinni útsendingu frá viðureign Real Madrid og Union Berlin áður en Arsenal tekur á móti PSV klukkan 18:50.

Stöð 2 eSport

Föruneyti Pingsins verður á sínum stað á Stöð 2 eSport klukkan 21:00.