Norðurá og Hofsá komnar yfir 1.000 laxa

Eftir afar erfiða þurrkatíð á vesturlandi þar sem Norðurá komst niður í lægsta vatn síðan 2019 þá var hún fljót upp þegar það fór loksins að rigna. Hollið sem kallar sig Haustmenn tóku við ánni í gífurlegu vatni sem var sjatnandi en það eru líklega draumaaðstæðru veiðimanna á haustinn. Hollinu gekk mjög vel og veiðitölurnar skiluðu Norðurá yfir 1.000 laxa múrinn. 

Hofsá er í næsta sæti á listanum en veiði er ekki lokið þar svo hún gæti vel komist yfir Norðurá þegar allar tölur verða gerðar upp í lok sumars. Heildartalan í Hofsá er 1.009 laxar. Fyrstu lokatölurnar eru líka að berast og nú er komin lokatala í Haffjarðará en hún kláraði sumarið í 905 löxum sem er fín veiði. Veiði heldur áfram í sjálfbæru ánum fram í síðustu vikuna í september en eftir það er aðeins veitt í hafbeitaránum.