Verk­föll hafin hjá bíla­risunum í Banda­ríkjunum

 Aðgerðirnar beinast að Ford, GM og Stellantis, sem er móðurfélag Chrysler og Dodge, meðal annara. Þetta er í fyrsta sinn sem allir stóru framleiðendurnir eru beittir slíkum aðgerðum á sama tíma í sögu bílaiðnaðarins í Bandaríkjunum en til stendur að skella á skæruverkföllum hér og þar í verksmiðjunum til að stöðva framleiðsluna.

Í fyrstu aðgerðunum sem hófust í nótt lögðu um 12 þúsund verkamenn niður störf. Verkalýðsfélagið, sem leitt er af Shawn Fain, fer fram á 40 prósenta launahækkun auk leiðréttinga á ýmsum kjörum.

Fain segir þetta sanngjarna kröfu í ljósi þess að laun æðstu stjórnenda fyrirtækjanna hafa einmitt hækkað um þessa prósentutölu á síðustu árum.