Víkingar hafa vakið athygli fyrir vaska framgöngu í sumar, ekki síst í Mjólkurbikarnum þar sem liðið fór alla leið og vann keppnina í fyrsta sinn. Víkingur varð jafnframt fyrsta liðið úr næstefstu deild sem verður bikarmeistari.
Víkingar hafa einnig verið í góðum gír í Lengjudeildinni og verið á toppi hennar í nær allt sumar. Víkingur er núna með 36 stig á toppi Lengjudeildarinnar, fjórum stigum á undan Fylki og HK sem eru í 2. og 3. sæti.
Víkingur mætir einmitt Fylki í Víkinni í kvöld og með sigri tryggja þær rauðu og svörtu sér sæti í Bestu deildinni að ári. Jafnframt eru Víkingar öruggir með að vinna deildina ef þeir bera sigurorð af Árbæingum í kvöld.
Þá er komið að stórleik sumarsins
— Víkingur (@vikingurfc) August 28, 2023
Þá er komið að því, við mætum Fylki á morgun sem situr í 2. sæti Lengjudeildarinnar og með sigri á morgun skrifum við söguna þar sem stelpurnar tryggja sér sæti í Bestu deildinni að ári og verða einnig Lengjudeildarmeistarar 2023.
Nú þurfum pic.twitter.com/s0hCyDrkGA
Víkingur hefur leikið í efstu deild kvenna en þá í samstarfi við HK. Félögin slitu samstarfi sínu 2019.
Síðan þá hefur Víkingur tekið skref upp á við á hverju tímabili. Liðið endaði í 7. sæti Lengjudeildarinnar 2020, 4. sæti 2021 og 3. sæti í fyrra. Og nú virðist fátt geta komið í veg fyrir að Víkingur leiki í Bestu deildinni 2024.
Leikur Víkings og Fylkis á Víkingsvellinum hefst klukkan 19:15.
