Redda mér yfir­leitt með raulinu

Tómas Oddur lauk BS-prófi í landfræði en hann lagði líka stund á MS-nám í skipulagsfræðum. Í dag starfar hann sem jógakennari og er jafnframt meðeigandi í Yoga Shala. Síðar í þessum mánuði mun Tómas Oddur standa fyrir námskeiði fyrir Stirða stráka samhliða viðburðunum Yoga Moves, Dans Therapy og Yoga flæði. 

Spurður hvar hann sæki skemmtun, segist Tómast Oddur aðallega sækja staði þar sem fólk kann að skemmta sér fallega. Fullkomið stefnumót segir hann eiga sér stað á ströndinni með klúbbadansi fram eftir nóttu. 

Hér fyrir neðan svarar Tómas Oddur spurningum í viðtalsliðnum Einhleypan. 

Aldur? 34 ára

Starf? Yoga, nudd og dans þerapisti

Áhugamál? Hreyfing, útivist, náttúra, landfræði, heimspeki og stjarneðlisfræði.

Gælunafn eða hliðarsjálf? Tói, Yoga Tómas eða Tommi Hommi.

Aldur í anda? Ef við erum að tala um hinn eina sanna alheimsanda sem ég tel að við séum öll partur af þá ég í það minnsta þrettán komma átta milljarðar ára, eða 13,800,000,000. Líklega samt eldri og mögulega án upphafs og enda.

Menntun? Leiklist, jógakennari, spænska, skipulagsfræði, BSc í Landfræði, og stunda nú meistaranám í Dans Movement Therapy í Barcelona.

Hvað myndi sjálfsævisagan þín heita? „Ég bjó til listaverk sem er líf mitt“

Guilty pleasure kvikmynd? Deuce Bigalow.

Varstu skotinn í einhverjum frægum þegar þú varst yngri? Já eflaust en það risti ekki djúpt.

Talar þú stundum um þig í þriðju persónu? Nei en ég tala við sjálfan mig. Er ég skrítinn?

Syngur þú í sturtu? Hvað þá? Ójá! Disney, Eurovision eða old classiscs.

Uppáhalds snjallforritið (e.app) þitt? Google Maps.

Ertu á stefnumótaforritum? Já.

Hvernig myndir þú lýsa þér í þremur orðum? Ég er vingjarnlegur, opinn og skapandi.

Hvernig myndu vinir þínir lýsa þér í þremur orðum? Góður, skemmtilegur og hjálpsamur.

Hvaða persónueiginleikar finnast þér heillandi? Sjálfstraust, húmor og viska.

En óheillandi? Þá myndi ég segja fyrst og fremst, hroki, tilætlunarsemi og níska.

Hvaða dýr værir þú ef þú værir dýr? Ég væri eflaust otur.

Ef þú mættir velja einhverja þrjá einstaklinga úr sögunni, lífs eða liðna, til að bjóða í kvöldmat og spjall, hverja myndir þú velja? Albert Einstein, Charles Darwin og Tina Turner.

Býrðu yfir einhverjum leyndum hæfileikum? Ég skil fugla og get talað við sumar tegundir þeirra.

Hvað finnst þér skemmtilegast að gera? Dansa og kenna.

Hvað finnst þér leiðinlegast að gera? Að brjóta saman þvott.

Ertu A eða B týpa? A en get sveiflast yfir í B.

Hvernig viltu eggin þín? Ekki of blaut. Frekar í þurrari kantinum en þó ekki skraufaþurr.

Hvernig viltu kaffið þitt? Með dass af haframjólk.

Þegar þú ferð út að skemmta þér, á hvaða staði ferðu? Kaffibarinn, Kiki, Bravo og bara þar sem besta danstónlistin er og þar sem fólk kann að skemmta sér fallega.

Ertu með einhvern bucket lista? Nei. En fullt sem mig langar að gera en ég nenni ekki að búa til væntingar og þurfa að haka í einhver box. Spila þetta eftir eyranu og er þakklátur fyrir alla lífsreynslu.

Draumastefnumótið? Ég átti það fyrir tæpu ári síðan í Stokkhólmi. Eyddum öllum deginum saman. Byrjaði á morgunmat, svo var það ströndin, því næst dinner, svo dansa saman á klúbbnum alla nóttina og síðan heim í bólið. Er í rauninni ennþá á þessu deiti. 

Einhver söngtexti sem þú hefur sungið vitlaust? Já eflaust. Redda mér samt yfirleitt með raulinu.

Hvað horfðir þú á síðast í sjónvarpinu? Citadel á Amazon Prime.

Hvaða bók lastu síðast? „Maneras de Amar“ um attachment theory. Enn í henni.

Hvað er Ást? Ást er eining og ákvörðun um að taka aðra manneskju í sátt. Ást er gjörð sem maður sýnir í verki í formi stuðnings, skilnings, virðingar. Ást er samband sem maður ræktar og þroskar með annari manneskju yfir tíma. Til að elska aðra manneskju þarf maður líka að horfast í augu við sjálfan sig, sýna sjálfan sig og þannig elska sjálfan sig. Ástin er eining.

Áhugasamir geta fylgt Tómasi Oddi hér.