Að sögn lögreglu var líkið í 55 lítra svartri tunnu sem uppgötvaðist á Malibu Lagoon State Beach. Rannsóknarlögregla kannar nú málið en ekki liggur fyrir hversu lengi líkið, sem er sagt vera af svörtum karlmanni, var í ílátinu.
Þjóðgarðastarfsmaður kom fyrst auga á þunga tunnuna í lóninu við ströndina um klukkan 15 á sunnudag að staðartíma. Fram kemur í frétt CNN að sá hafi nálgast hana á kajak og skilið hana eftir óopnaða á ströndinni áður en hún fór aftur á flot í háflóðinu.
Um klukkan 10 í gær náði lífvörður tunnunni á land og opnaði hana þar sem hann sá hreyfingalausan mann. Sjúkraflutningamenn og lögregla var kölluð á vettvang og var maðurinn úrskurðaður látinn á staðnum, að sögn lögreglu.
