Yfir­­gnæfandi meiri­hluti presta styðji Agnesi

„Vegna umræðu í fjölmiðlum undanfarna daga viljum við taka fram að við styðjum Agnesi Sigurðardóttur til að gegna embætti biskups Íslands,“ segir í ályktun Prestafélags Íslands sem samþykkt var í gær. 

Málið kirkjuþingsins að leysa

Í samtali við Vísi segir Eva Björk Valdimarsdóttir, varaformaður félagsins, að ályktunin hafi verið lögð fram í Facebook hópi félagsins og að yfirgnæfandi meirihluti starfandi presta hafi lýst yfir stuðningi á hendur Agnesi.

„Við erum ekki að taka afstöðu til umboðsins, þessara lagaflækja sem hafa komið upp. Það er eitthvað sem kirkjuþingið þarf að leysa,“ segir Eva. Hún segir Agnesi njóta trausts prestafélagsins og prestastéttarinnar.

Aðspurð segir hún fulla ástæðu til þess að kirkjuþing komi saman og ræði ráðningarmál Agnesar, og breyti reglunum ef gat hefur skapast í þeim í kjölfar breytinga í tengslum við samband ríkis og kirkju.