Fortíðin og flugeldar renna í eitt á nýrri plötu Auðar

„Lögin, tónlistarstefnurnar, fortíðin og flugeldar renna í eitt á Útvarp Úlala,“ segir Auður sem samdi lögin víðsvegar um landið og í Los Angeles Bandaríkjunum þar sem hann býr. 

Fjöldi tónlistarmanna komu að gerð plötunnar. Þar á meðal Rubin Pollock úr Kaleo, Ari Bragi Kárason, Sigtryggur Baldursson, Ellert Björgvin Schram, Daníel Friðrik Böðvarsson, Eygló Hilmarsdóttir, Magnús Öder og Arnar Guðjónsson.

Þá komu Magnúss Öder og Arnar Guðjónsson og mastering hjá Glenn Schick að hljóðblöndun.

Ekki á leið heim

Auður flutti vestur um haf í byrjun árs og segist ekki vera á heimleið. Hann er með mörg járn í eldinum um þessar mundir þar á meðal samtarf með söngkonunni Diarra Sylla, sömuleiðis Sally Han, útsetningu fyrir hljómsveitina Bella Dose ásamt því að koma fram sjálfur.

Hann segir Los Angeles höfuðborg hugverkanna þar sem fyrirmyndir hans í tónlist starfa. Auður keypti sér farmiða aðra leið út fyrir heimsfaraldur. Hann er með bandarískan ríkisborgararétt og getur því dvalið vestanhafs eins og hann lystir.

„Ég er þakklátur fyrir að vera kominn út og er spenntur fyrir framhaldinu þar sem ég er sífellt að kynnast nýju hæfileikaríku fólki,“ segir Auður sem starfar við lagasmíð og framleiðslu dag frá degi.

Lítill heimur fullur af tækifærum

„Það er ekkert þak á því sem maður getur gert hérna úti,“ segir Auður. Hann hafi hitað upp fyrir vini sína á nokkrum litlum stöðum á Venice Beach og miðbæ LA. Þá hefur hann einnig gengið í nokkur verkefni sem gítarleikari.

Auður gaf út lagið Tárin falla hægt með Bubba Morthens í fyrra. Lagið hefur notið mikilla vinsælda.

Hægt er að hlusta á plötuna Útvarp úlala á öllu helstu streymisveitum.