Kuldi í kortunum en Íslendingar uppteknir af eigin nafla Eiður Þór Árnason skrifar 13. júlí 2023 23:22 Einar Sveinbjörnsson veðurfræðingur segir ástandið geta verið verra. Vísir Kuldakast er fram undan á landinu og víða spáð köldu veðri. Sérstaklega verður kalt á föstudag og í mikilli hæð er sums staðar útlit fyrir slyddu og snjókomu. Þrátt fyrir þetta segir veðurfræðingur að sumrinu sé hvergi nærri lokið og Íslendingar geti í raun verið þakklátir fyrir að glíma ekki við þann ofsahita sem mælist nú víða um heim. „Það er lægð við norðausturhornið og hún beinir til okkar lofti sem er ætlað norðan af og það þýðir að það er dumbungur og er þegar orðinn víða á Norðurlandi, jafnvel þoka og einhver úrkoma með þessu,“ sagði Einar Sveinbjörnsson veðurfræðingur í Reykjavík síðdegis á Bylgjunni. Upp í hæð verði þetta að slyddu og snjókomu, og upp í fjallaskálanum Dreka á Norðausturlandi sem er í 780 metra hæð yfir sjávarmáli komi til með að snjóa eitthvað. „En þó held ég ekki eins mikið og 4. júlí þegar það snjóaði þar síðast. Þar var alveg ökkladjúpur snjór og jafnvel meira í Öskjuopi, nánast ófært.“ Það verður kalt á Húnavöku á Blönduósi um helgina.vísir/vilhelm Einar segir að þegar þessi norðanátt ríki verði stundum frekar hvasst um vestanvert landið og nú sé útlit fyrir að það verði norðanhviður á sunnanverðu Snæfellsnesi og jafnvel á Kjalarnesi. „Það hefur verið að slá aðeins upp í dag og á Suðurstrandarvegi í Selvogi en síðan er Suðurland í ágætu skjóli, allavega sums staðar. Þar er líka rof í skýjunum og þar sem sólin nær í gegn þar erum við að tala um að hitinn verði svona þrettán til fimmtán stig og jafnvel enn hlýrra á sunnudag en það er norðanátt má eiginlega segja alla helgina.“ Kaldast verði sennilega á föstudagsmorgun þar sem gera megi ráð fyrir tveimur til þremur gráðum við Blöndu og fjórum til fimm gráðum á annesjum fyrir norðan og á Blönduósi þar sem Húnavaka fer nú fram. Hiti nái svo sjö til níu stigum þegar líður á helgina. Mesta skjólið á Suðausturlandi Að sögn Einars verður eitt mesta skjólið á Suðausturlandi og á morgun hvað sólríkast frá Mýrdalnum og austur á Höfn en þar er hins vegar útlit fyrir síðdegisskúrir seinni partinn á laugardag. „Rigningin er norðan og norðaustanlands og það verður dálítið blautt í útsveitum Norðanlands. Þetta verður mest þokusuddi og minniháttar rigning en það breytir því ekki að það verður svona blautt yfir alls staðar, nær frá Ströndum og kannski norðanverðum Vestfjörðum og austur með og síðan á sunnanverðum Vestfjörðum og við Breiðafjörð og vestanlands þar verður að mestu leyti þurrt en kannski ekki alveg eins sólríkt og verið hefur á meðan er lægðin er svona nálægt okkur.“ Strandamenn þurfa að þola rigningu um helgina.vísir/vilhelm Ekki í fyrsta sinn sem lægð kemur um mitt sumar Þrátt fyrir þetta kuldakast segir Einar langt því frá að þetta sé merki um að sumarið sé búið þetta árið. „Sumarið er í hugum margra bara rétt að byrja. Það hefur oft gerst að það hafi komið norðanátt um mitt sumar og kólnar aðeins en þetta stendur ekki lengi núna.“ Aðspurður hvernig restin af sumrinu líti út segir Einar að hann telji vera orðið erfiðara að gera langtímaspár þetta sumarið þar sem veðurfarsbreytingar og hlýnun sjávar á Suður-Atlantshafinu hafi leitt af sér breytingar á loftstraumum og veðrakerfum. Það hafi hlýnað mjög á Suður-Spáni og við Miðjarðarhafið, ekki síður á Kanaríeyjum þar sem margir Íslendingar eru tíðir gestir. Íslendingar uppteknir af eigin nafla en ferðamönnum líði vel „Það eru ofsahitar í sunnanverðum Bandaríkjunum og Mexíkó og eins líka í Asíu eins og í Kína og Japan. Þetta ratar ekkert lengur orðið í fréttirnar en það hafa verið slegin hitamet dag eftir dag. En við sitjum eftir í svona tempruðu loftslagi getum við sagt, það er aldrei of hlýtt á Íslandi en stundum frekar kalt þannig að við kvörtum yfir þessu en ferðamennirnir sem hingað koma hrósa bara happi og prísa sig sæla að vera komnir í þennan svala og segja auðvelt að klæða af sér veður á Íslandi,“ segir Einar. Hitastig hefur náð yfir 40 gráður á vissum stöðum á Spáni. EPA-EFE/SALAS Nýlega hafi verið greint frá því að á stað í Alsír hafi lágmarkshiti um nótt mælst 39,6 gráður. „Það fór ekkert niður fyrir það og það er álitið að það sé hæsti lágmarkshiti sem hafi nokkru sinni mælst í Afríku. Það eru alls kyns svona hlutir sem eru að gerast þessa dagana í veðráttunni í kringum okkur en auðvitað erum við upptekin hérna á Íslandi af okkar eigin nafla og hræðslunni um það gæti orðið heldur kalt. En jújú það er þannig, við erum í fríi hér og okkur langar að líða vel, eðlilega.“ Veður Loftslagsmál Mest lesið Albert mættur í dómsal Innlent Skilur ekkert í niðurstöðu Guðrúnar Innlent Helgi í Góu og fyrrverandi borguðu brúsann Innlent Svarar fyrir að hafa banað syni sínum í Kópavogi Innlent Talinn hafa svipt barn frelsi sem hann grunaði um að stela veipi Innlent Gerði sér mat úr kattaráti andlega veikrar konu Erlent „Lærisveinn“ Pélicot sagður hafa beitt sömu aðferðum á eigin konu Erlent „Fólk fer hreinlega grátandi frá mér“ Innlent Sigurður Helgi Guðjónsson látinn Innlent Silja Björk biður Ingó afsökunar Innlent Fleiri fréttir Þurrt og bjart nokkuð víða Norðanáttum beint til landsins Von á 35 metrum á sekúndu í hviðum á Kjalarnesi Kalt, blautt og hvasst „Þetta er alvöru hret“ Snjókoma á Norðurlandi og ekki mælt með ferðalögum Gular og appelsínugular viðvaranir víða um land Búast við slyddu og snjókomu á fjallvegum Hiti gæti náð tuttugu stigum fyrir austan Hvessir aftur þegar líður á daginn Slær sums staðar í storm norðvestantil Lægð yfir landinu og gul viðvörun á Breiðafirði Bjartur dagur sunnantil og hiti að sextán stigum Spáð mildu veðri í dag Sunnanátt með rigningu en nokkuð hlýtt Veðurstofan varar vegfarendur við vatnsflaumi Gular viðvaranir vegna úrkomu fram á morgun Allhvass vindur og mikil úrkoma vestantil Talsverð úrkomuákefð: Varað við skriðuföllum víða Gul viðvörun vegna mikilla rigninga Víða þurrt og bjart en bætir í vind í kvöld Lægð beinir norðlægum vindum yfir landið Lægð suðvestur af landinu og á leið austur Veður með rólegasta móti Dregið úr vindi og úrkomu en áfram hætta á skriðuföllum Hlauparar og Menningarnæturgestir geti ekki kvartað yfir veðurspánni Gular viðvaranir vegna hvassviðris og úrhellisrigningar Vara við hættu á skriðuföllum Enn bætast gular viðvaranir og þær nú orðnar fimm Varasamt ferðaveður á Suðausturlandi Sjá meira
„Það er lægð við norðausturhornið og hún beinir til okkar lofti sem er ætlað norðan af og það þýðir að það er dumbungur og er þegar orðinn víða á Norðurlandi, jafnvel þoka og einhver úrkoma með þessu,“ sagði Einar Sveinbjörnsson veðurfræðingur í Reykjavík síðdegis á Bylgjunni. Upp í hæð verði þetta að slyddu og snjókomu, og upp í fjallaskálanum Dreka á Norðausturlandi sem er í 780 metra hæð yfir sjávarmáli komi til með að snjóa eitthvað. „En þó held ég ekki eins mikið og 4. júlí þegar það snjóaði þar síðast. Þar var alveg ökkladjúpur snjór og jafnvel meira í Öskjuopi, nánast ófært.“ Það verður kalt á Húnavöku á Blönduósi um helgina.vísir/vilhelm Einar segir að þegar þessi norðanátt ríki verði stundum frekar hvasst um vestanvert landið og nú sé útlit fyrir að það verði norðanhviður á sunnanverðu Snæfellsnesi og jafnvel á Kjalarnesi. „Það hefur verið að slá aðeins upp í dag og á Suðurstrandarvegi í Selvogi en síðan er Suðurland í ágætu skjóli, allavega sums staðar. Þar er líka rof í skýjunum og þar sem sólin nær í gegn þar erum við að tala um að hitinn verði svona þrettán til fimmtán stig og jafnvel enn hlýrra á sunnudag en það er norðanátt má eiginlega segja alla helgina.“ Kaldast verði sennilega á föstudagsmorgun þar sem gera megi ráð fyrir tveimur til þremur gráðum við Blöndu og fjórum til fimm gráðum á annesjum fyrir norðan og á Blönduósi þar sem Húnavaka fer nú fram. Hiti nái svo sjö til níu stigum þegar líður á helgina. Mesta skjólið á Suðausturlandi Að sögn Einars verður eitt mesta skjólið á Suðausturlandi og á morgun hvað sólríkast frá Mýrdalnum og austur á Höfn en þar er hins vegar útlit fyrir síðdegisskúrir seinni partinn á laugardag. „Rigningin er norðan og norðaustanlands og það verður dálítið blautt í útsveitum Norðanlands. Þetta verður mest þokusuddi og minniháttar rigning en það breytir því ekki að það verður svona blautt yfir alls staðar, nær frá Ströndum og kannski norðanverðum Vestfjörðum og austur með og síðan á sunnanverðum Vestfjörðum og við Breiðafjörð og vestanlands þar verður að mestu leyti þurrt en kannski ekki alveg eins sólríkt og verið hefur á meðan er lægðin er svona nálægt okkur.“ Strandamenn þurfa að þola rigningu um helgina.vísir/vilhelm Ekki í fyrsta sinn sem lægð kemur um mitt sumar Þrátt fyrir þetta kuldakast segir Einar langt því frá að þetta sé merki um að sumarið sé búið þetta árið. „Sumarið er í hugum margra bara rétt að byrja. Það hefur oft gerst að það hafi komið norðanátt um mitt sumar og kólnar aðeins en þetta stendur ekki lengi núna.“ Aðspurður hvernig restin af sumrinu líti út segir Einar að hann telji vera orðið erfiðara að gera langtímaspár þetta sumarið þar sem veðurfarsbreytingar og hlýnun sjávar á Suður-Atlantshafinu hafi leitt af sér breytingar á loftstraumum og veðrakerfum. Það hafi hlýnað mjög á Suður-Spáni og við Miðjarðarhafið, ekki síður á Kanaríeyjum þar sem margir Íslendingar eru tíðir gestir. Íslendingar uppteknir af eigin nafla en ferðamönnum líði vel „Það eru ofsahitar í sunnanverðum Bandaríkjunum og Mexíkó og eins líka í Asíu eins og í Kína og Japan. Þetta ratar ekkert lengur orðið í fréttirnar en það hafa verið slegin hitamet dag eftir dag. En við sitjum eftir í svona tempruðu loftslagi getum við sagt, það er aldrei of hlýtt á Íslandi en stundum frekar kalt þannig að við kvörtum yfir þessu en ferðamennirnir sem hingað koma hrósa bara happi og prísa sig sæla að vera komnir í þennan svala og segja auðvelt að klæða af sér veður á Íslandi,“ segir Einar. Hitastig hefur náð yfir 40 gráður á vissum stöðum á Spáni. EPA-EFE/SALAS Nýlega hafi verið greint frá því að á stað í Alsír hafi lágmarkshiti um nótt mælst 39,6 gráður. „Það fór ekkert niður fyrir það og það er álitið að það sé hæsti lágmarkshiti sem hafi nokkru sinni mælst í Afríku. Það eru alls kyns svona hlutir sem eru að gerast þessa dagana í veðráttunni í kringum okkur en auðvitað erum við upptekin hérna á Íslandi af okkar eigin nafla og hræðslunni um það gæti orðið heldur kalt. En jújú það er þannig, við erum í fríi hér og okkur langar að líða vel, eðlilega.“
Veður Loftslagsmál Mest lesið Albert mættur í dómsal Innlent Skilur ekkert í niðurstöðu Guðrúnar Innlent Helgi í Góu og fyrrverandi borguðu brúsann Innlent Svarar fyrir að hafa banað syni sínum í Kópavogi Innlent Talinn hafa svipt barn frelsi sem hann grunaði um að stela veipi Innlent Gerði sér mat úr kattaráti andlega veikrar konu Erlent „Lærisveinn“ Pélicot sagður hafa beitt sömu aðferðum á eigin konu Erlent „Fólk fer hreinlega grátandi frá mér“ Innlent Sigurður Helgi Guðjónsson látinn Innlent Silja Björk biður Ingó afsökunar Innlent Fleiri fréttir Þurrt og bjart nokkuð víða Norðanáttum beint til landsins Von á 35 metrum á sekúndu í hviðum á Kjalarnesi Kalt, blautt og hvasst „Þetta er alvöru hret“ Snjókoma á Norðurlandi og ekki mælt með ferðalögum Gular og appelsínugular viðvaranir víða um land Búast við slyddu og snjókomu á fjallvegum Hiti gæti náð tuttugu stigum fyrir austan Hvessir aftur þegar líður á daginn Slær sums staðar í storm norðvestantil Lægð yfir landinu og gul viðvörun á Breiðafirði Bjartur dagur sunnantil og hiti að sextán stigum Spáð mildu veðri í dag Sunnanátt með rigningu en nokkuð hlýtt Veðurstofan varar vegfarendur við vatnsflaumi Gular viðvaranir vegna úrkomu fram á morgun Allhvass vindur og mikil úrkoma vestantil Talsverð úrkomuákefð: Varað við skriðuföllum víða Gul viðvörun vegna mikilla rigninga Víða þurrt og bjart en bætir í vind í kvöld Lægð beinir norðlægum vindum yfir landið Lægð suðvestur af landinu og á leið austur Veður með rólegasta móti Dregið úr vindi og úrkomu en áfram hætta á skriðuföllum Hlauparar og Menningarnæturgestir geti ekki kvartað yfir veðurspánni Gular viðvaranir vegna hvassviðris og úrhellisrigningar Vara við hættu á skriðuföllum Enn bætast gular viðvaranir og þær nú orðnar fimm Varasamt ferðaveður á Suðausturlandi Sjá meira