„Eins og staðan er núna yrði ég ekki hissa þó hann kæmi ekki“ Smári Jökull Jónsson skrifar 12. júlí 2023 08:00 Vigdís Pála segir óvissu ríkja um þjálfaramál Harðar. Vísir/Aðsend/Diego Þjálfaramál handknattleiksliðs Harðar eru í lausu lofti fyrir næsta tímabil. Forsvarsmenn liðsins vonast enn eftir því að Carlos Martin verði við stjórnvölinn en hafa kannað áhuga hjá öðrum þjálfurum. Í síðustu viku bárust þær fregnir að ÍBV hefði haft samband við Carlos Martin, þjálfara Harðar, með það í huga að hann kæmi inn sem aðstoðarþjálfari Magnúsar Stefánssonar hjá Íslandsmeistaraliði Eyjamanna. Forsvarsmenn Harðar gáfu upphaflega leyfi fyrir samtali aðilanna á milli en drógu það svo til baka og kvörtuðu til HSÍ. Carlos Martin vildi sjálfur ólmur komast til Eyja og var ósáttur að hafa ekki fengið að fara. Ísfirðingar fóru fram á 3,5 milljóna greiðslu fyrir Martin sem er samningsbundinn Herði. ÍBV bakkaði út og eftir standa Ísfirðingar með ósáttan þjálfara og óljóst hvort hann snúi aftur fyrir næsta tímabil. „Ég veit ekki stöðuna á því, hvort hann komi eða ekki,“ sagði Vigdís Pála Halldórsdóttir, formaður handknattleiksdeildar Harðar, þegar blaðamaður hafði samband við hana í gær. „Hann var mjög ósáttur með það að hann fengi ekki að fara til ÍBV frá okkur. Við vorum ekki til í að hann færi til ÍBV án greiðslu,“ sagði Vigdís Pála enn fremur og bætti við að Harðverjar vilji að Martin haldi áfram þjálfun liðsins. „Við höfum verið ánægð með hans störf. Eins og ég margoft sagði honum, þá myndum við helst vilja að hann væri hérna. Það var mikil reiði og maður vonar að það sjatni í mönnum og allir róist. Mín helsta ósk væri að hann yrði með okkur næsta vetur eins og alltaf var talað um.“ „Til hvers erum við að gera samninga ef það á ekki að fara eftir þeim?“ Carlos Martin er í sumarfríi en Ísfirðingar hafa verið í sambandi við hann síðustu daga. Gert var ráð fyrir að hann myndi snúa aftur til Ísafjarðar upp úr miðjum júlí en nú er óljóst hvort af því verður. Eyjamenn hafa ráðið Roland Eradze sem aðstoðarþjálfara meistaraflokks karla og því ljóst að þangað fer Carlos Martin ekki. „Við erum ekki að fara að neyða hann í að vera ef hann er virkilega ósáttur. Ég hélt að ég yrði búinn að fá svör, hann er í sumarfríi og eins og staðan er núna þá er þetta allt mjög óljóst.“ „Eins og staðan er búin að vera þá yrði ég ekki hissa þó hann kæmi ekki,“ bætti Vigdís Pála við. Hún segir að Ísfirðingar hafi kannað áhuga hjá öðrum þjálfurum ef sú staða kæmi upp að liðið stæði uppi þjálfaralaust. Engar viðræður hafa þó átt sér stað en staðan hefur verið könnuð bæði hjá íslenskum og erlendum þjálfurum. „Það eru viðbrigði að flytja í 2500 manna bæjarfélag. Það er ekki fyrir alla þó svo að ég segi að það sé alltaf best að vera hérna. Þeir sem hafa prófað þetta hafa verið mjög ánægðir.“ Vigdís Pála segir að forsvarsmenn Harðar muni leita réttar síns ef Carlos stendur ekki við samning sinn. „Hann er ennþá samningsbundinn Herði og við reiknum með að fá hann til baka. Ef hann er ekki kominn í kringum 20. júlí þá verðum við að leita réttar okkar. Til hvers erum við að gera samninga ef það á ekki að fara eftir þeim?,“ sagði Vigdís Pála en Ísfirðingar kvörtuðu til HSÍ vegna framgöngu ÍBV og vildu meina að samtal þeirra við Carlos Martin hefði haldið áfram eftir að Harðverjar drógu leyfi fyrir samtali til baka. „Maður hefur voða lítið heyrt frá þeim“ Hörður féll úr Olís-deildinni á síðasta tímabili en það var þeirra fyrsta tímabil í efstu deild frá upphafi. Vigdís segir að planið hafi verið að fara strax upp aftur, byggja upp gott lið og halda áfram. „Þetta setti deildina í uppnám. Það var spurning hreinlega hver staðan væri, hvort það yrði meistaraflokkur hérna næsta vetur. Okkur vantar stuðning frá HSÍ sem þeir segjast ætla að gefa okkur. Maður hefur voða lítið heyrt frá þeim,“ og bætir við að málið hafi tekið á. „Það hefur farið svolítið mikil orka í þetta sem ég hefði heldur viljað nýta í að leita að leikmönnum en þjálfurum.“ Vigdís Pála segir að það verði breytingar á liði Harðar fyrir næsta tímabil en liðið hefur þó gert nýjan samning Endijs Kusners sem lék með liðinu á síðasta tímabili. Þá er einnig búið að semja við Kenya Kasahara en Kasahara lék með Herði tímabilið 2021-22 þegar liðið vann Grill66-deildina. Vigdís Pála vonast enn eftir því að Carlos Martin verði þjálfari Harðar á næsta tímabili. „Það hefur verið það allan tímann eins og við höfum margoft sagt honum. Við viljum að hann sé þjálfari fyrir vestan. Við vitum að hann getur gert þetta og hann er búinn að sanna sig.“ Olís-deild karla Hörður HSÍ ÍBV Mest lesið Mikil sorg hjá Haaland Enski boltinn Lokar á föður sinn: Gerði hryllilega hluti við fólkið sem ég elska Enski boltinn Haraldur skammar Pawel: „Ömurlegt pólitískt útspil“ Íslenski boltinn Given vorkennir Heimi Fótbolti Lést í hlaupi til minningar um systur sína Sport Var með ferðatöskuna tilbúna af því að Liverpool ætlaði að kaupa hann Enski boltinn „Þeir hótuðu að handtaka konuna mína“ Fótbolti Hungrið enn til staðar hjá Gunnari: Með augun á næsta bardaga Sport Pochettino verður sá launahæsti í sögunni Fótbolti Man United tapaði yfir tuttugu milljörðum á síðasta ári Enski boltinn Fleiri fréttir Ein sú besta framlengir um þrjú ár Orri Freyr hafði betur gegn Viktori Gísla Birkir Fannar í Kaplakrika út leiktíðina Íslendingalið Kolstad mátti þola tap gegn stórliði Barcelona Þórir valdi enga úr gullliði Ólympíuleikanna í nýjasta hópinn Þórir ekki maður millivegarins: „Ég sem eyðilagði partýið“ Líður eins og hún geti sagt Þóri allt Fær ekki keppnisleyfi þar sem uppeldisbætur hafa ekki verið greiddar Þórir hættir sem þjálfari þeirra norsku Teitur Örn frábær og Gummersbach mætir FH Viggó og Andri Már öflugir í sigri Leipzig Þorsteinn Leó hafði betur gegn Stiven og Orri Freyr fer vel af stað Valur líka í Evrópudeildina eftir háspennu í Króatíu Grótta stakk KA af í fyrsta leik Ómar og Gísli heitir en Elvar og Arnar flugu inn í Evrópudeildina Grótta hrelldi ÍBV í fyrsta leik en meistararnir fóru á flug Fram og ÍR með stórsigra í Olís-deildunum Arnór hafði betur gegn Guðmundi Ólafur ekki með FH næstu vikurnar Selja bjór til minningar um Fidda Skarphéðinn tryggði Haukum sigurinn með frábæru marki „Þoli ekki þetta dæmi, haustbragur og eitthvað kjaftæði“ Stjörnumenn sterkari á móti nágrönnunum Uppgjörið: FH - Fram 27-23 | Hefja titilvörnina á sigri Rut Arnfjörð: Þetta hafa verið krefjandi mánuðir Uppgjörið og viðtöl: Haukar - Selfoss 32-20 | Haukar kjöldrógu Selfoss Strákarnir hans Guðjóns Vals byrja tímabilið vel „Fannst Eyjamennirnir bara furðugóðir“ „Fengu frítt að borða í hádeginu þannig þeir geta ekki kvartað“ Kristján fagnaði sigri í fyrsta leiknum með SAH Sjá meira
Í síðustu viku bárust þær fregnir að ÍBV hefði haft samband við Carlos Martin, þjálfara Harðar, með það í huga að hann kæmi inn sem aðstoðarþjálfari Magnúsar Stefánssonar hjá Íslandsmeistaraliði Eyjamanna. Forsvarsmenn Harðar gáfu upphaflega leyfi fyrir samtali aðilanna á milli en drógu það svo til baka og kvörtuðu til HSÍ. Carlos Martin vildi sjálfur ólmur komast til Eyja og var ósáttur að hafa ekki fengið að fara. Ísfirðingar fóru fram á 3,5 milljóna greiðslu fyrir Martin sem er samningsbundinn Herði. ÍBV bakkaði út og eftir standa Ísfirðingar með ósáttan þjálfara og óljóst hvort hann snúi aftur fyrir næsta tímabil. „Ég veit ekki stöðuna á því, hvort hann komi eða ekki,“ sagði Vigdís Pála Halldórsdóttir, formaður handknattleiksdeildar Harðar, þegar blaðamaður hafði samband við hana í gær. „Hann var mjög ósáttur með það að hann fengi ekki að fara til ÍBV frá okkur. Við vorum ekki til í að hann færi til ÍBV án greiðslu,“ sagði Vigdís Pála enn fremur og bætti við að Harðverjar vilji að Martin haldi áfram þjálfun liðsins. „Við höfum verið ánægð með hans störf. Eins og ég margoft sagði honum, þá myndum við helst vilja að hann væri hérna. Það var mikil reiði og maður vonar að það sjatni í mönnum og allir róist. Mín helsta ósk væri að hann yrði með okkur næsta vetur eins og alltaf var talað um.“ „Til hvers erum við að gera samninga ef það á ekki að fara eftir þeim?“ Carlos Martin er í sumarfríi en Ísfirðingar hafa verið í sambandi við hann síðustu daga. Gert var ráð fyrir að hann myndi snúa aftur til Ísafjarðar upp úr miðjum júlí en nú er óljóst hvort af því verður. Eyjamenn hafa ráðið Roland Eradze sem aðstoðarþjálfara meistaraflokks karla og því ljóst að þangað fer Carlos Martin ekki. „Við erum ekki að fara að neyða hann í að vera ef hann er virkilega ósáttur. Ég hélt að ég yrði búinn að fá svör, hann er í sumarfríi og eins og staðan er núna þá er þetta allt mjög óljóst.“ „Eins og staðan er búin að vera þá yrði ég ekki hissa þó hann kæmi ekki,“ bætti Vigdís Pála við. Hún segir að Ísfirðingar hafi kannað áhuga hjá öðrum þjálfurum ef sú staða kæmi upp að liðið stæði uppi þjálfaralaust. Engar viðræður hafa þó átt sér stað en staðan hefur verið könnuð bæði hjá íslenskum og erlendum þjálfurum. „Það eru viðbrigði að flytja í 2500 manna bæjarfélag. Það er ekki fyrir alla þó svo að ég segi að það sé alltaf best að vera hérna. Þeir sem hafa prófað þetta hafa verið mjög ánægðir.“ Vigdís Pála segir að forsvarsmenn Harðar muni leita réttar síns ef Carlos stendur ekki við samning sinn. „Hann er ennþá samningsbundinn Herði og við reiknum með að fá hann til baka. Ef hann er ekki kominn í kringum 20. júlí þá verðum við að leita réttar okkar. Til hvers erum við að gera samninga ef það á ekki að fara eftir þeim?,“ sagði Vigdís Pála en Ísfirðingar kvörtuðu til HSÍ vegna framgöngu ÍBV og vildu meina að samtal þeirra við Carlos Martin hefði haldið áfram eftir að Harðverjar drógu leyfi fyrir samtali til baka. „Maður hefur voða lítið heyrt frá þeim“ Hörður féll úr Olís-deildinni á síðasta tímabili en það var þeirra fyrsta tímabil í efstu deild frá upphafi. Vigdís segir að planið hafi verið að fara strax upp aftur, byggja upp gott lið og halda áfram. „Þetta setti deildina í uppnám. Það var spurning hreinlega hver staðan væri, hvort það yrði meistaraflokkur hérna næsta vetur. Okkur vantar stuðning frá HSÍ sem þeir segjast ætla að gefa okkur. Maður hefur voða lítið heyrt frá þeim,“ og bætir við að málið hafi tekið á. „Það hefur farið svolítið mikil orka í þetta sem ég hefði heldur viljað nýta í að leita að leikmönnum en þjálfurum.“ Vigdís Pála segir að það verði breytingar á liði Harðar fyrir næsta tímabil en liðið hefur þó gert nýjan samning Endijs Kusners sem lék með liðinu á síðasta tímabili. Þá er einnig búið að semja við Kenya Kasahara en Kasahara lék með Herði tímabilið 2021-22 þegar liðið vann Grill66-deildina. Vigdís Pála vonast enn eftir því að Carlos Martin verði þjálfari Harðar á næsta tímabili. „Það hefur verið það allan tímann eins og við höfum margoft sagt honum. Við viljum að hann sé þjálfari fyrir vestan. Við vitum að hann getur gert þetta og hann er búinn að sanna sig.“
Olís-deild karla Hörður HSÍ ÍBV Mest lesið Mikil sorg hjá Haaland Enski boltinn Lokar á föður sinn: Gerði hryllilega hluti við fólkið sem ég elska Enski boltinn Haraldur skammar Pawel: „Ömurlegt pólitískt útspil“ Íslenski boltinn Given vorkennir Heimi Fótbolti Lést í hlaupi til minningar um systur sína Sport Var með ferðatöskuna tilbúna af því að Liverpool ætlaði að kaupa hann Enski boltinn „Þeir hótuðu að handtaka konuna mína“ Fótbolti Hungrið enn til staðar hjá Gunnari: Með augun á næsta bardaga Sport Pochettino verður sá launahæsti í sögunni Fótbolti Man United tapaði yfir tuttugu milljörðum á síðasta ári Enski boltinn Fleiri fréttir Ein sú besta framlengir um þrjú ár Orri Freyr hafði betur gegn Viktori Gísla Birkir Fannar í Kaplakrika út leiktíðina Íslendingalið Kolstad mátti þola tap gegn stórliði Barcelona Þórir valdi enga úr gullliði Ólympíuleikanna í nýjasta hópinn Þórir ekki maður millivegarins: „Ég sem eyðilagði partýið“ Líður eins og hún geti sagt Þóri allt Fær ekki keppnisleyfi þar sem uppeldisbætur hafa ekki verið greiddar Þórir hættir sem þjálfari þeirra norsku Teitur Örn frábær og Gummersbach mætir FH Viggó og Andri Már öflugir í sigri Leipzig Þorsteinn Leó hafði betur gegn Stiven og Orri Freyr fer vel af stað Valur líka í Evrópudeildina eftir háspennu í Króatíu Grótta stakk KA af í fyrsta leik Ómar og Gísli heitir en Elvar og Arnar flugu inn í Evrópudeildina Grótta hrelldi ÍBV í fyrsta leik en meistararnir fóru á flug Fram og ÍR með stórsigra í Olís-deildunum Arnór hafði betur gegn Guðmundi Ólafur ekki með FH næstu vikurnar Selja bjór til minningar um Fidda Skarphéðinn tryggði Haukum sigurinn með frábæru marki „Þoli ekki þetta dæmi, haustbragur og eitthvað kjaftæði“ Stjörnumenn sterkari á móti nágrönnunum Uppgjörið: FH - Fram 27-23 | Hefja titilvörnina á sigri Rut Arnfjörð: Þetta hafa verið krefjandi mánuðir Uppgjörið og viðtöl: Haukar - Selfoss 32-20 | Haukar kjöldrógu Selfoss Strákarnir hans Guðjóns Vals byrja tímabilið vel „Fannst Eyjamennirnir bara furðugóðir“ „Fengu frítt að borða í hádeginu þannig þeir geta ekki kvartað“ Kristján fagnaði sigri í fyrsta leiknum með SAH Sjá meira