Lífið

Amy Poehler birtir myndband frá Íslandi

Máni Snær Þorláksson skrifar
Leikkonan Amy Poehler birti myndband sem tekið var upp á Íslandi í gær.
Leikkonan Amy Poehler birti myndband sem tekið var upp á Íslandi í gær. EPA/CAROLINE BREHMAN

Svo virðist vera sem bandaríska leikkonan og grínistinn Amy Poehler sé stödd á Íslandi. Í myndbandi sem leikkonan birtir á samfélagsmiðlinum TikTok sýnir hún frá helstu ferðamannastöðum Íslands en þó ekki sjálfa sig.

Myndbandið er tekið upp á ýmsum stöðum. Má þar nefna Bláa lónið, Geysi og Skólavörðustíg. Þá sýnir hún einnig frá bátsferð, jöklaferð, og fjórhjólaferð.

Þetta myndband virðist vera ágætis landkynning þar sem fylgjendur Amy virðast vera mjög spenntir fyrir Íslandi eftir að hafa séð það. „Við erum núna að setja Ísland á listann okkar,“ segir til að mynda í einni athugasemd við myndbandið. „Mig langar svo innilega að fara þangað,“ segir í annarri.

Amy Poehler er hvað þekktust fyrir hlutverk sitt sem Leslie Knope í þáttaröðinni Parks and Recreation. Þá var hún einnig meðlimur í leikhóp Saturday Night Live í tæp átta ár.

Íslandsvinir Hollywood


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.