Fótbolti

Beckham vill fá Hazard

Ingvi Þór Sæmundsson skrifar
Eden Hazard átti frábær ár hjá Chelsea áður en hann fór til Real Madrid.
Eden Hazard átti frábær ár hjá Chelsea áður en hann fór til Real Madrid. getty/Isosport

Þrátt fyrir að hafa fengið Lionel Messi og Sergio Busquets til Inter Miami er David Beckham, eigandi félagsins, ekki saddur og vill fá fleiri stórstjörnur.

Beckham rær nú öllum árum að því að semja við Eden Hazard, fyrrverandi fyrirliða belgíska landsliðsins.

Hazard hefur verið án félags síðan hann yfirgaf Real Madrid eftir hálf mislukkaða dvöl hjá spænska stórveldinu.

Beckham hefur nú þegar fengið Messi og Busquets til Inter Miami og félagið hefur einnig verið orðað við tvo aðra Börsunga, Jordi Alba og Andrés Iniesta. Fyrir Beckham er hins vegar forgangsatriði að fá Hazard.

Ekki liggur fyrir hvað tekur við hjá Belganum sem íhugar hreinlega að hætta í fótbolta eftir erfið ár hjá Real Madrid.

Inter Miami veitir ekki af liðsstyrk en liðið er í fimmtánda og neðsta sæti Austurdeildar MLS-deildarinnar.

Bandaríski fótboltinn

Mest lesið


Fleiri fréttir

Sjá meira


×

Mest lesið