Eigandi Íslensku auglýsingastofunnar selur slotið í Garðabæ

Húsið er um 250 fermetrar að stærð á tveimur hæðum með tvöföldum bílskúr. 

Fram kemur í lýsingu eignarinnar á fasteignavef Vísis að borðstofa og stofa eru í samliggjandi opnu og björtu rými með stórum gluggum sem snúa í suður.  Fimm svefnherbergi eru í húsinu auk tveggja baðherbergja.

Bak við húsið er stór afgirtur garður sem líkt er við paradís á fasteignavefnum. Fallegur og vel hirtur gróður umvefur garðinn. Þar má finna litla tjörn, glerhús og heitan pott. Auk þess er stærðarinnar eftirlíking af Frelsisstyttunni í New York staðsett á miðjum sólpallinum.