Nýjar vikulegar veiðitölur

Tímabilið fer ágætlega af stað í flestum ánum og fréttir vikunnar bera til dæmis með sér að Rangárnar séu báðar að fara vel af stað en þær eru að öllu jöfnu alltaf efstar eða ofarlega á listanum yfir aflahæstu laxveiðiár hvers sumars. Hítará er að fara mjög vel af stað og samkvæmt okkar heimildum er töluvert af laxi í Kverkinni og á Breiðunni. Blanda er að koma betur út en í fyrra en veiðimaður sem landaði 110 sm laxi þar í gær var kominn með aðra sjö fiska á sína stöng sem verður að teljast góðar fréttir miðað við gang mála í fyrra. Borgarfjarðarárnar eru líklega að fara á skrið þar sem þær fá flestar sínar bestu göngur seinna júní stórstreyminu og þá verður gaman að sjá hvernig vikutölur þróast.

Topp fimm listinn yfir aflahæstu árnar er þessi:

1. Urriðafoss - 160 laxar

2. Norðurá - 128 laxar

3. Þverá/Kjarrá - 77 laxar

4. Brennan - 28 laxar

5. Haffjarðará - 28 laxar

Listann í heild sinni má finna hér.