Mist slær í gegn með ferskri rödd

Nýr drykkur að nafni Mist hefur vakið umtalsverða athygli undanfarnar vikur og ljóst að margir landsmenn hafa tekið honum vel. Vörumerkið hefur yfir sér talsverða dulúð, ferskan blæ og er auglýsingaefnið í takt við það. En hvernig kom það til að tónlistarmaðurinn JóiPé varð rödd og tónskáld fyrir Mist?

„Mér fannst þetta áhugaverð pæling þegar það var haft samband við mig. Mér þykir alltaf gaman að semja stef eða búa til hljóðmynd fyrir auglýsingar. Ég hef ekki verið mikið að velta mér upp úr þessum innihaldsefnum til þessa en ég fíla allavega bragðið vel og verð að segja að þessi rauði, með blóðappelsínum og chili er virkilega góður,” segir JóiPé.

„Talandi um ferskan blæ! Það var sem sagt ákveðið lykilatriði að fá JóaPé með okkur í lið,“ bætir Gyða Dröfn Sveinbjörnsdóttir, vörumerkjastjóri hjá Ölgerðinni við. „Fyrir utan það að Jói er auðvitað flott fyrirmynd að þá ljær hann Mist sína djúpu og dáleiðandi rödd og túlkar svo heim vörumerkisins frábærlega með hljóðmyndinni sem hann smíðaði undir.“

Hún segir samstarfið við JóaPé hafa verið frábært og útkoman eftir því. „Hugmyndin á bak við Mist er svolítið þessi jafna orka og að nýta töframátt náttúrunnar í virknidrykk. Yerba Mate, Ashwagandha og Maca eru allt jurtir sem kunna að hljóma framandi í okkar eyrum en hafa verið notaðar sem partur af heilsusamlegum lífsstíl í ár og aldir í öðrum menningarheimum. Það er þessi dulúð og dýpt sem vörumerkið sækir nafnið sitt í; Mist er einhvers konar náttúruleg mistík. Jói skilar þessari tilfinningu 100%.”

En er Mist ekki bara enn einn orkudrykkurinn í nýjum umbúðum?

„Alls ekki. Mist er svokallaður virknidrykkur sem hannaður er sérstaklega til að færa þér jafnari orku út daginn og má því segja að hann mæti með ferska rödd inn í heim koffíndrykkja en er í leiðinni svo margt fleira,“ segir Gyða. Ræturnar Maca og Ashwagandha eru til dæmis taldar stuðla af fjölþættum jákvæðum heilsufarsáhrifum og eiga það sameiginlegt að vera orkujafnandi, líkt og B-vítamínin sem eru drykknum. „Við töldum einnig ákveðið gat vera á markaðnum fyrir drykk með mátulegu magni af koffíni þar sem einnig er hugmyndin að fá jafnari orku sem viðheldur sér lengur. Þetta koffín er 100% náttúrulegt og annars vegar fengið úr Yerba Mate laufum og hins vegar úr grænum kaffibaunum,” segir Gyða.

Nánari upplýsingar má finna á misticeland.is.