Alex og félagar aftur á sigurbraut

Alex og félagar byrjuðu tímabilið af miklum krafti og unnu fyrstu fjóra leiki deildarkeppninnar. Eftir það hefur hins vegar hallað undan fæti og liðið var án sigurs í næstu fjórum leikjum, þar af hafði liðið tapað þremur.

Heimamenn í Öster komust þó í forystu snemma leiks með marki frá Dzenis Kozica og það reyndist eina mark fyrri hálfleiksins.

Erik Hedenquist jafnaði þó metin fyrir gestina á 69. mínútu, en Adam Bergmark-Wiberg tryggði heimamönnum 2-1 sigur fjórum mínútum síðar.

Alex var í byrjunarliði Öster og lék 70 mínútur fyrir liðið. Öster er nú með 16 stig í fjórða sæti deildarinnar eftir níu umferðir. Landskrona situr hins vegar í sjöunda sæti með 13 stig.