Sport

Dagskráin í dag: Úrslitatvíhöfði í Eyjum, Serie A og undanúrslit í BLAST

Smári Jökull Jónsson skrifar
Aron Rafn Eðvarsson var frábær í oddaleik Hauka og Aftureldingar og hann verður í eldlínunni í Eyjum í dag.
Aron Rafn Eðvarsson var frábær í oddaleik Hauka og Aftureldingar og hann verður í eldlínunni í Eyjum í dag. Vísir/Hulda Margrét

Það verða tveir leikir í lokaúrslitum Olís-deildanna á dagskrá í Vestmannaeyjum í dag. Einnig verður leikið í Serie A á Ítalíu sem til undanúrslita á BLAST.tv Paris Major mótinu.

Stöð 2 Sport

Handboltaveislan hefst klukkan 12:20 í dag þegar útsending hefst frá Vestmannaeyjum en þar fer fram fyrsti leikur ÍBV og Hauka í úrslitaeinvígi liðanna í Olís-deild karla í handknattleik. Leikurinn hefst klukkan 13:00.

Stefáni Árni og félagar í Seinni bylgjunni fara yfir leikinn strax í kjölfarið klukkan 14:30 en klukkan 15:00 hefst síðan upphitun fyrir þriðja úrslitaleik ÍBV og Vals í kvennaflokki en Valskonur geta tryggt sér Íslandsmeistaratitilinn með sigri.

Svava Kristín ásamt sérfræðingum mun síðan fara yfir leikinn í Seinni Bylgjunni strax að honum loknum.

Stöð 2 Sport 2

Leikur Cremonese og Bologna í Serie A verður sýndur beint klukkan 12:20 og klukkan 15:50 er komið að leik Atalanta og Verona í sömu deild. Þríhöfðanum á Ítalíu lýkur síðan með leik AC Milan og Sampdoria klukkan 18:35.

Klukkan 0:30 verður sýnt beint frá þriðja leik Los Angeles Lakers og Denver Nuggets í þriðja leik úrslita Vesturdeildarinnar en Nuggets leiðir einvígið 2-0.

Stöð 2 Sport 3

Sýnt verður beint frá Aramco Team Series mótinu á LET mótaröðinni í golfi klukkan 20:00.

Stöð 2 Sport 4

Þriðji dagur PGA risamótsins í golfi verður sýndur beint frá klukkan 17:00.

Stöð 2 Esport

Nú er komið að undanúrslitum á BLAST.tv Paris Major mótinu í rafíþróttum. Upphitun hefst klukkan 12:00 og fyrri undanúrslitaleikurinn hefst klukkan 13:00. Seinni leikurinn verður síðan sýndur beint klukkan 17:00.

Dagskráin í dag

Mest lesið


Fleiri fréttir

Sjá meira


×

Mest lesið