Fyrirliði Stjörnunnar í tveggja leikja bann fyrir hártog

Leikurinn var hluti af 2. umferð deildarinnar þar sem Stjarnan hafði betur, 1-0. Dómari leiksins sá ekki atvikið á meðan leik stóð og því var ekkert dæmt. Klara Bjartmarz, framkvæmdarstjóri KSí, sendi aga- og úrskurðarnefnd sambandsins hins vegar erindi vegna málsins.

Þar sem atvikið var hvorki tekið fyrir í skýrslu dómara né eftirlitsmanns var stuðst við myndbandsupptökur þegar dæmt var í málinu.

„“Í tilvitnuðu atviki sýnir leikmaður Stjörnunnar, Anna María Baldursdóttir, af sér óíþróttamannslega og hættulega hegðun er hún togar í hárið á Caeley Michael Lordemann leikmanni ÍBV,“ segir í úrskurði aga- og úrskurðarnefndar.

„Hef­ur aga- og úr­sk­urðar­nefnd ákveðið, með vís­an til ákvæða 5.2. og 5.3 í reglu­gerð KSÍ um aga- og úr­sk­urðar­mál, að úr­sk­urða Önnu Maríu Bald­urs­dótt­ur, leik­mann Stjörn­unn­ar, í tveggja leikja bann í Íslands­móti vegna at­viks­ins í fram­an­greind­um leik, sam­kvæmt 12. gr. sömu reglu­gerðar.“

Anna María missi því af næstu tveimur leikjum Stjörnunnar þegar liðið tekur á móti Íslandsmeisturum Vals næstkomandi þriðjudag og heimsækir nýliða Tindastóls viku síðar.