Heims­­meistararnir efstir á nýjum heims­lista en Ís­land fellur um eitt sæti

Brasilíumenn vermdu toppsætið þegar styrkleikalistinn var síðast gefinn út þann 22. desember síðastliðinn. Brassar missa hins vegar bæði Argentínu og Frakkland upp fyrir sig og sitja nú í þriðja sæti. Argentína og Frakkland mættust einmitt í úrslitaleik HM í Katar í desember.

Fyrir utan efstu þrjú sætin breytist listinn lítið sem ekkert í efstu tuttugu sætunum. Senegal fer upp fyrir Danmörku og situr nú í átjánda sæti og Danmörk í því nítjánda, en þar með er það upp talið hvað varðar breytingar á efstu tuttugu sætum heimslistans.

Ísland hefur ekki riðið feitum hesti undanfarna mánuði og fellur niður um eitt sæti, úr 63. sæti niður í 64. sæti. Það eru Reggístrákarnir hans Heimis Hallgrímssonar frá Jamaíka sem lyfta sér upp fyrir Ísland.

Styrkleikalistann í heild sinni má skoða með því að smella hér.