Fjölskyldufaðir svarar kallinu og framleiðir íslenskt barnaefni á YouTube Elma Rut Valtýsdóttir skrifar 29. mars 2023 20:01 Ofurhetjan Sólon er ný viðbót við íslenskt barnaefni. Aðsend Fjölskyldufaðirinn Einar Björn Þórarinsson hafði rekið sig á mikinn skort á íslensku barnaefni á YouTube þegar hann ákvað að ráðast í verkið sjálfur. Hann stofnaði YouTube rásina Sólon Barnaefni þar sem ofurhetjan Sólon býður upp á fræðandi skemmtun fyrir börn á öllum aldri. „Þessi hugmynd kviknaði í rauninni bara þegar ég var að skrolla í gegnum YouTube í leit að efni fyrir dóttur mína og mér fannst lítið af íslensku efni,“ segir Einar í samtali við Vísi. Mikið framboð er þó af erlendu efni og ættu foreldrar ungra barna að kannast við bandarísku YouTube-stjörnuna Blippi sem hefur framleitt barnaefni frá árinu 2014. Hann með rúmlega 17 milljónir áskrifendur en mörg hundruð milljónir horfa á myndbönd hans. Finnst gaman að haga sér eins og kjáni fyrir framan fólk „Mér fannst þetta virka eitthvað svo einfalt og þá fór ég að velta því fyrir mér hvers vegna enginn væri að gera svona myndbönd á íslensku. Mér datt samt ekkert í hug að gera þetta sjálfur fyrr en annað fólk fór að benda mér á að ég væri góður kandídat í þetta.“ Einar er mikill tónlistarmaður. Hann getur spilað á flest hljóðfæri, getur sungið og á auðvelt með að semja lög. Þá hefur hann einnig starfað með börnum sem íþróttakennari. Sú hugmynd að fara að framleiða barnaefni hljómaði því ekki svo galin. „Ég er líka frekar barnalegur í eðli mínu eða kannski ekki barnalegur heldur finnst mér bara gaman að haga mér eins og kjáni fyrir framan fólk. Ég skammast mín ekkert mikið. Þannig þetta lá eiginlega bara augum uppi þegar fólk fór að benda mér á það.“ Einar ásamt dóttur sinni.Aðsend Hafa þurft að klóra sig í gegnum hinar ýmsu áskoranir Þannig varð persónan Sólon til. Sólon er ofurhetja sem býr á sólinni. Hann ferðast til jarðarinnar til þess að skoða spennandi staði, syngja og spila lög og til þess að fræða börn og hafa gaman. Besti vinur Sólons er Bína kanína sem tekur á móti honum þegar hann kemur til jarðarinnar og þau sprella saman og læra nýja hluti. Tæp tvö ár eru síðan hugmyndin kviknaði en ferlið hefur tekið langan tíma. Einar framleiðir efnið alveg sjálfur með aðstoð eiginkonu sinnar sem er á tökuvélinni. Ferlinu hafa fylgt ýmsar áskoranir sem þau hafa þurft að klóra sig í gegnum samhliða því að vera í öðrum vinnum. „Ég er að jöggla alveg rosalega mörgum boltum í dóti sem ég hef enga reynslu af. Allt í einu þurfti ég að kaupa míkrófóna og búa til vefsíðu og eitthvað svona sem ég hef aldrei gert. Ég er alveg tækniheftur. Ég hef til dæmis ekkert verið með Instagram eða TikTok eða neitt svoleiðis en ég er svona að læra á það allt fyrst núna,“ segir Einar sem þurfti einnig að ráðast í það vandasama verk að hanna ofurhetjubúning. „Ég byrjaði á því að fara í Nexus og skoða teiknimyndablöð og fá hugmyndir af búningum. Svo talaði ég við fyrirtæki í Bandaríkjunum en það ferli tók alveg hálft þar sem við vorum að hanna búninginn í gegnum tölvupóstasamskipti. Ég var mjög sáttur við útkomuna.“ Búinn að setja upp „green screen“ heima hjá sér YouTube rásin fór í loftið fyrir tveimur dögum síðan en þar er nú þegar að finna tvo þætti og eitt tónlistarmyndband. „Ég mun koma til með að fara á alla svona helstu áfangastaði sem krökkum finnst að jafnaði spennandi. Ég er búinn að taka upp í Ævintýralandi, fara á skip, baka pítsu og fara í dýragarðinn Slakka. Svo ætla ég að tala við slökkviliðið og fara í Hljóðfærahúsið og alls konar skemmtilegt,“ segir Einar sem er einnig búinn að setja upp „green screen“ heima hjá sér, þar sem hann hyggst taka upp skemmti- og fræðsluefni. Þá er Sólon einnig kominn á Spotify þar sem hann hefur þegar gefið út tvö lög: Hreyfingarlagið og Ímyndunarlagið. „Ég legg mikið upp úr tónlistinni en vinnan á bak við hvert lag tekur alveg svakalega langan tíma, því ég er einn að spila á öll hljóðfærin. Þannig ég byrja á því að taka upp trommurnar, svo gítarinn og koll af kolli. Svo þarf að mixa þetta allt og mastera en ég fæ góða aðstoð við það.“ Sólon kíkti meðal annars í Fjölskylduland í góðra vina hópi.Sólon Draumurinn að sjá börn í Sólon búningi Einar segir viðtökurnar hafa farið fram úr væntingum. „Ég var alveg að búast við einhverju skítkasti. Þetta er líka bara svo fyndið því það vissu ekkert margir að ég væri að vinna að þessu. Þegar ég mætti í fótbolta með strákunum þá voru þeir alveg í smá sjokki, bara: Hvað ertu eiginlega að gera? Hvaðan kom þetta?. En svo segja þeir bara að þetta sé snilld.“ Fyrsti þátturinn er strax kominn með rúmlega fjögur þúsund spilanir sem bendir til þess ofurhetjan Sólon sé kærkomin viðbót við þá flóru af erlendu efni sem er að finna á YouTube. „Ég vona að ég geti haft einhverjar tekjur upp úr þessu og að ég geti farið að skemmta og jafnvel halda tónleika og svona því ég ætla að gefa út fleiri lög. En ég vona auðvitað fyrst og fremst að krakkarnir njóti þess að horfa á þetta. Ég sé alltaf fyrir mér krakka í svona Sólon bol eða Sólon búningi, það myndi hitta mig alveg beint í hjartastað.“ Draumur Einars er að sjá börn klæðast Sólon búningi einn daginn.Aðsend Börn og uppeldi Krakkar Mest lesið Hristir hausinn yfir fyrra líferni Lífið „Ef þú kemur hingað og ferð að brjóta lög þá áttu ekkert erindi hér“ Lífið Þetta eru bestu lög 21. aldarinnar Tónlist Skrýtin skilaboð að þurfa að sækja fundi til að vera edrú Lífið „Það að missa hann hefur líklega mótað mig hvað mest“ Lífið „Hitti Rúrik Gíslason einu sinni í bókabúð og Herra Hnetusmjör nokkrum sinnum“ Lífið Léti aldrei sjá sig í ökklasokkum Tíska og hönnun Britney deildi myndbandi af Yrsu að fá gleraugu í fyrsta sinn Lífið Eigendur Tripical keyptu glæsihæð við Nesveg Lífið „Fötlun fyrir marga að vera með lítið typpi“ Lífið Fleiri fréttir Hristir hausinn yfir fyrra líferni Heiður Ósk og Davíð keyptu parhús í Hafnarfirði Hamingja í hverjum munnbita „Hitti Rúrik Gíslason einu sinni í bókabúð og Herra Hnetusmjör nokkrum sinnum“ „Ef þú kemur hingað og ferð að brjóta lög þá áttu ekkert erindi hér“ Skrýtin skilaboð að þurfa að sækja fundi til að vera edrú „Þetta er virkilega fallegt samfélag“ Eigendur Tripical keyptu glæsihæð við Nesveg „Það að missa hann hefur líklega mótað mig hvað mest“ Tindatríóið híft upp en Anna Sigga enn föst Britney deildi myndbandi af Yrsu að fá gleraugu í fyrsta sinn „Dreymir um að geta haft jákvæð áhrif á líf annarra“ „Öðruvísi að vera þarna megin við borðið“ í baráttu við krabbann Sjáðu-hjónin kunna að halda partý Tilkynnti dauða Trés lífsins með brókarmynd Sjónlýsing í fyrsta sinn „Fötlun fyrir marga að vera með lítið typpi“ Karen og Hjalti orðin tveggja barna foreldrar Fullkominn brúðkaupsdagur í frönskum kastala Play gjaldþrota: Hvað geta Laufey og Viagra kennt okkur? Dauðlangar í kynlífsdúkku en óttast álit annarra Fagnar gagnrýni á „rasshausa-ummæli“ sín Silja Rós og Magnús eiga von á dreng Andri og Anne selja í Fossvogi Ljúffeng gulrótarkaka í morgunmat „Þetta fólk myndi ekki rata í Víkina með Google Maps“ Fór á skeljarnar eftir siglingu um Miðjarðarhafið Maður geti þurft að díla við „konu sem er á túr“ og í vondu skapi „Mikilvægt að íslenskt samfélag virði alla sem Íslendinga“ Gefur endurkomu undir fótinn Sjá meira
„Þessi hugmynd kviknaði í rauninni bara þegar ég var að skrolla í gegnum YouTube í leit að efni fyrir dóttur mína og mér fannst lítið af íslensku efni,“ segir Einar í samtali við Vísi. Mikið framboð er þó af erlendu efni og ættu foreldrar ungra barna að kannast við bandarísku YouTube-stjörnuna Blippi sem hefur framleitt barnaefni frá árinu 2014. Hann með rúmlega 17 milljónir áskrifendur en mörg hundruð milljónir horfa á myndbönd hans. Finnst gaman að haga sér eins og kjáni fyrir framan fólk „Mér fannst þetta virka eitthvað svo einfalt og þá fór ég að velta því fyrir mér hvers vegna enginn væri að gera svona myndbönd á íslensku. Mér datt samt ekkert í hug að gera þetta sjálfur fyrr en annað fólk fór að benda mér á að ég væri góður kandídat í þetta.“ Einar er mikill tónlistarmaður. Hann getur spilað á flest hljóðfæri, getur sungið og á auðvelt með að semja lög. Þá hefur hann einnig starfað með börnum sem íþróttakennari. Sú hugmynd að fara að framleiða barnaefni hljómaði því ekki svo galin. „Ég er líka frekar barnalegur í eðli mínu eða kannski ekki barnalegur heldur finnst mér bara gaman að haga mér eins og kjáni fyrir framan fólk. Ég skammast mín ekkert mikið. Þannig þetta lá eiginlega bara augum uppi þegar fólk fór að benda mér á það.“ Einar ásamt dóttur sinni.Aðsend Hafa þurft að klóra sig í gegnum hinar ýmsu áskoranir Þannig varð persónan Sólon til. Sólon er ofurhetja sem býr á sólinni. Hann ferðast til jarðarinnar til þess að skoða spennandi staði, syngja og spila lög og til þess að fræða börn og hafa gaman. Besti vinur Sólons er Bína kanína sem tekur á móti honum þegar hann kemur til jarðarinnar og þau sprella saman og læra nýja hluti. Tæp tvö ár eru síðan hugmyndin kviknaði en ferlið hefur tekið langan tíma. Einar framleiðir efnið alveg sjálfur með aðstoð eiginkonu sinnar sem er á tökuvélinni. Ferlinu hafa fylgt ýmsar áskoranir sem þau hafa þurft að klóra sig í gegnum samhliða því að vera í öðrum vinnum. „Ég er að jöggla alveg rosalega mörgum boltum í dóti sem ég hef enga reynslu af. Allt í einu þurfti ég að kaupa míkrófóna og búa til vefsíðu og eitthvað svona sem ég hef aldrei gert. Ég er alveg tækniheftur. Ég hef til dæmis ekkert verið með Instagram eða TikTok eða neitt svoleiðis en ég er svona að læra á það allt fyrst núna,“ segir Einar sem þurfti einnig að ráðast í það vandasama verk að hanna ofurhetjubúning. „Ég byrjaði á því að fara í Nexus og skoða teiknimyndablöð og fá hugmyndir af búningum. Svo talaði ég við fyrirtæki í Bandaríkjunum en það ferli tók alveg hálft þar sem við vorum að hanna búninginn í gegnum tölvupóstasamskipti. Ég var mjög sáttur við útkomuna.“ Búinn að setja upp „green screen“ heima hjá sér YouTube rásin fór í loftið fyrir tveimur dögum síðan en þar er nú þegar að finna tvo þætti og eitt tónlistarmyndband. „Ég mun koma til með að fara á alla svona helstu áfangastaði sem krökkum finnst að jafnaði spennandi. Ég er búinn að taka upp í Ævintýralandi, fara á skip, baka pítsu og fara í dýragarðinn Slakka. Svo ætla ég að tala við slökkviliðið og fara í Hljóðfærahúsið og alls konar skemmtilegt,“ segir Einar sem er einnig búinn að setja upp „green screen“ heima hjá sér, þar sem hann hyggst taka upp skemmti- og fræðsluefni. Þá er Sólon einnig kominn á Spotify þar sem hann hefur þegar gefið út tvö lög: Hreyfingarlagið og Ímyndunarlagið. „Ég legg mikið upp úr tónlistinni en vinnan á bak við hvert lag tekur alveg svakalega langan tíma, því ég er einn að spila á öll hljóðfærin. Þannig ég byrja á því að taka upp trommurnar, svo gítarinn og koll af kolli. Svo þarf að mixa þetta allt og mastera en ég fæ góða aðstoð við það.“ Sólon kíkti meðal annars í Fjölskylduland í góðra vina hópi.Sólon Draumurinn að sjá börn í Sólon búningi Einar segir viðtökurnar hafa farið fram úr væntingum. „Ég var alveg að búast við einhverju skítkasti. Þetta er líka bara svo fyndið því það vissu ekkert margir að ég væri að vinna að þessu. Þegar ég mætti í fótbolta með strákunum þá voru þeir alveg í smá sjokki, bara: Hvað ertu eiginlega að gera? Hvaðan kom þetta?. En svo segja þeir bara að þetta sé snilld.“ Fyrsti þátturinn er strax kominn með rúmlega fjögur þúsund spilanir sem bendir til þess ofurhetjan Sólon sé kærkomin viðbót við þá flóru af erlendu efni sem er að finna á YouTube. „Ég vona að ég geti haft einhverjar tekjur upp úr þessu og að ég geti farið að skemmta og jafnvel halda tónleika og svona því ég ætla að gefa út fleiri lög. En ég vona auðvitað fyrst og fremst að krakkarnir njóti þess að horfa á þetta. Ég sé alltaf fyrir mér krakka í svona Sólon bol eða Sólon búningi, það myndi hitta mig alveg beint í hjartastað.“ Draumur Einars er að sjá börn klæðast Sólon búningi einn daginn.Aðsend
Börn og uppeldi Krakkar Mest lesið Hristir hausinn yfir fyrra líferni Lífið „Ef þú kemur hingað og ferð að brjóta lög þá áttu ekkert erindi hér“ Lífið Þetta eru bestu lög 21. aldarinnar Tónlist Skrýtin skilaboð að þurfa að sækja fundi til að vera edrú Lífið „Það að missa hann hefur líklega mótað mig hvað mest“ Lífið „Hitti Rúrik Gíslason einu sinni í bókabúð og Herra Hnetusmjör nokkrum sinnum“ Lífið Léti aldrei sjá sig í ökklasokkum Tíska og hönnun Britney deildi myndbandi af Yrsu að fá gleraugu í fyrsta sinn Lífið Eigendur Tripical keyptu glæsihæð við Nesveg Lífið „Fötlun fyrir marga að vera með lítið typpi“ Lífið Fleiri fréttir Hristir hausinn yfir fyrra líferni Heiður Ósk og Davíð keyptu parhús í Hafnarfirði Hamingja í hverjum munnbita „Hitti Rúrik Gíslason einu sinni í bókabúð og Herra Hnetusmjör nokkrum sinnum“ „Ef þú kemur hingað og ferð að brjóta lög þá áttu ekkert erindi hér“ Skrýtin skilaboð að þurfa að sækja fundi til að vera edrú „Þetta er virkilega fallegt samfélag“ Eigendur Tripical keyptu glæsihæð við Nesveg „Það að missa hann hefur líklega mótað mig hvað mest“ Tindatríóið híft upp en Anna Sigga enn föst Britney deildi myndbandi af Yrsu að fá gleraugu í fyrsta sinn „Dreymir um að geta haft jákvæð áhrif á líf annarra“ „Öðruvísi að vera þarna megin við borðið“ í baráttu við krabbann Sjáðu-hjónin kunna að halda partý Tilkynnti dauða Trés lífsins með brókarmynd Sjónlýsing í fyrsta sinn „Fötlun fyrir marga að vera með lítið typpi“ Karen og Hjalti orðin tveggja barna foreldrar Fullkominn brúðkaupsdagur í frönskum kastala Play gjaldþrota: Hvað geta Laufey og Viagra kennt okkur? Dauðlangar í kynlífsdúkku en óttast álit annarra Fagnar gagnrýni á „rasshausa-ummæli“ sín Silja Rós og Magnús eiga von á dreng Andri og Anne selja í Fossvogi Ljúffeng gulrótarkaka í morgunmat „Þetta fólk myndi ekki rata í Víkina með Google Maps“ Fór á skeljarnar eftir siglingu um Miðjarðarhafið Maður geti þurft að díla við „konu sem er á túr“ og í vondu skapi „Mikilvægt að íslenskt samfélag virði alla sem Íslendinga“ Gefur endurkomu undir fótinn Sjá meira