Lífið

Lögð inn eftir að hún gekk nakin um götur LA

Samúel Karl Ólason skrifar
Amanda Bynes árið 2011.
Amanda Bynes árið 2011. EPA/PAUL BUCK

Barna- og táningastjarnan Amanda Bynes hefur verið vistuð á geðdeild eftir að hún gekk nakin um götur Los Angeles á sunnudagsmorgun. Hún er sjálf sögð hafa hringt á lögregluna eftir að hún stöðvaði bíl sem varð á vegi hennar.

Innlögnin á að gilda í þrjá sólarhringa en hún gæti verið framlengd, samkvæmt frétt TMZ. Miðillinn hefur heimildir fyrir því að Bynes hafi ekki verið særð eða meidd og er hún sögð hafa fundist í varhugaverðum hluta miðbæjar Los Angeles.

Tæpt ár er liðið frá því að dómari felldi úr gildi forræði móður Bynes yfir henni. Móðirin fékk forræðið upphaflega árið 2013 eftir að Bynes greindist með geðhvarfasýki og hafði hún einnig verið í mikilli neyslu. Bynes er 36 ára gömul en móðir hennar studdi það að forræðið yrði fellt úr gildi og sagði Bynes hafa náð miklum árangri.

Dómari sagði á sínum tíma að forræðið væri ekki lengur þarft þar sem Amanda hefði uppfyllt allar þær óskir sem dómstóllinn hafi gert til hennar.

Sjá einnig: Amanda Bynes endurheimti sjálfræðið

Bynes byrjaði ung að leika í vinsælum þáttum vestanhafs. Síðar meir lék hún í kvikmyndum eins og „What a Girl Wants“ með Colin Firth og „She‘s The Man“ með Channing Tatum.

Hollywood

Tengdar fréttir

Stjörnurnar sem hafa setið inni

Sunneva Einarsdóttir og Birta Líf Ólafsdóttir byrjuðu með hlaðvarðsþáttinn Teboðið á dögunum.

Sjálfræðissvipting Amöndu Bynes framlengd

Raunir leikkonunnar Amöndu Bynes virðast hvergi vera á enda. Eins og áður hefur komið fram var hún svipt sjálfræði síðasltliðinn mánudag og lögð inn á geðdeild í Los Angeles eftir að hafa kveikt í fatahrúgu við heimili eldri konu.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.