Skiptir máli að finna áhugann þegar erfið mál skekja hreyfinguna Fanndís Birna Logadóttir skrifar 18. mars 2023 22:37 Katrín Jakobsdóttir, forsætisráðherra og formaður Vinstri grænna, flutti ávarp á landsfundinum í gær. Mynd/VG Breytingar urðu á stjórn Vinstri grænna á Landsfundi flokksins í dag. Forsætisráðherra og formaður flokksins segir áhuga Landsfundargesta ákveðna vítamínsprautu fyrir hreyfinguna sem hefur glímt við erfið mál að undanförnu. Nýjar stefnur í málefnum fatlaðs fólks og orkumálum voru meðal annars afgreiddar í dag. Úrsagnir úr flokknum vegna ósættis með afgreiðslu á útlendingafrumvarpi varpa óneitanlega ákveðnum skugga á landsfund flokksins sem fer fram á Akureyri um helgina. Katrín Jakobsdóttir, forsætisráðherra og formaður Vinstri grænna, segir það ekkert launungamál að erfið mál hafi verið í gangi en þrátt fyrir allt hafi fundurinn verið góður og líflegar umræður átt sér stað. „Hér er í senn verið að takast á en um leið er fólk að fallast í faðma og njóta þess að vera saman. Þannig ég er ekki í nokkrum vafa um að þetta verði mikil vítamínsprauta fyrir okkur sem erum að taka þátt í þessum fundi,“ segir Katrín en þetta er í fyrsta sinn frá því fyrir heimsfaraldur sem fundurinn fer fram í persónu. Ný stjórn var kjörin nú síðdegis en Katrín Jakobsdóttir situr áfram sem formaður og Guðmundur Ingi Guðbrandsson sem varaformaður. Jana Salóme Ingibjargar Jósepsdóttir tekur við sem ritari og Steinar Harðarson kemur inn sem gjaldkeri. Sjö meðstjórnendur voru kjörnir, þar af fjórir sem koma nýir inn. Katrín segist spennt fyrir nýrri stjórn en áhuginn á þátttöku hafi verið mikill sem endurspegli mikið líf innan hreyfingarinnar. Jana Salóme og Steinar voru kjörin í embætti ritara og gjaldkera á fundinum í dag.Grafík/Hjalti „Ég er mjög ánægð með þann áhuga, því að auðvitað reynir á þegar erfið mál skekja hreyfingu eins og okkar og þá skiptir auðvitað líka máli að finna hversu mikill áhugi er á því að taka þátt,“ segir Katrín. Ný stefna í málefnum fatlaðra og orkumálum Stefna var mörkuð í mörgum málum en að sögn Katrínar var samstaða um þau flest. „Við erum til dæmis að marka nýja stefnu í málefnum fatlaðs fólks sem við höfum ekki haft áður. Mannréttindamálin og lýðræðismálin hafa verið mjög áberandi hér, ekki síst kannski vegna þess að við erum að sjá bakslag víða um heim þegar kemur að mannréttindamálum og kynjajafnréttismálum þannig þessi mál hafa verið mikið rædd á fundinum,“ segir Katrín. Þar að auki var stríðið í Úkraínu til umræðu og hvernig hreyfing sem setur friðarmál á oddinn eigi að beita sér. Þá var lögð fram ný stefna í orkumálum þar sem áhersla er lögð á samspil orkuskipta og náttúruverndar. „Hér liggur fyrir almenn stjórnmálaályktun þar sem er kveðið á um að það sé mjög mikilvægt að við höldum áfram að nýta rammaáætlun sem grundvallartæki til þess að leggja mat á hvaða svæði eiga að fara í vernd og hvað eigi að nýta,“ segir Katrín en auðlindarmálin almennt voru einnig til umræðu. Ályktanir frá verða síðan teknar fyrir á morgun og þær afgreiddar auk þess sem flokksráð verður kosið. Risastór verkefni fram undan Hvað framtíðina varðar haldi þau ótrauð áfram þar sem risastór verefni eru fram undan, til að mynda hvað varðar nýja landsstefnu í mannréttindamálum og nýja mannréttindastofnun, endurskoðun örorkulífeyriskerfisins og áframhaldandi stefnumótun í sjávarútvegsmálmálum og matvælaframleiðslu almennt. „Þetta eru auðvitað mál sem við ráðherrar Vinstri grænna förum með og ég er ekki í nokkrum vafa um að það er mikil ánægja hér í hreyfingunni með þá vinnu sem við erum búin að vera að inna af hendi í þessum málaflokkum og vilji til þess að við ljúkum okkar verkefnum í því,“ segir Katrín. Þá sé mikil spenna innan hreyfingarinnar fyrir framhaldinu, þrátt fyrir allt. „Við erum nú öllu vön í ólgu, við gengum í gegnum mjög erfitt kjörtímabil í ríkisstjórn 2009 til 2013. Síðasta kjörtímabil var ekki beinlínis dans á rósum, við misstum tvo þingmenn og einmitt ýmsa félaga. Þannig að þó að þetta sé auðvitað leiðinlegt þegar leiðir skilja þá erum við ýmsu vön og tökum þessu ekkert allt of persónlega,“ segir hún létt í bragði. Vinstri græn Mest lesið „Þetta er auðvitað stórhættulegt“ Innlent Langtímarannsóknir skorti á áhrifum kreatíns Innlent Styttist í háþróuð gervigreindarsvindl á íslensku Innlent Bílar fullir af bensínbrúsum séu úti um alla borg Innlent Setja þurfi meiri þunga í hagsmunagæslu gagnvart ESB Innlent Sagði sig úr þingmannahóp: „Ég læt ekki nota mig í slíkum tilgangi“ Innlent „Í minningu sonar - og allra þeirra sem aldrei komu heim“ Innlent Neyðast til að endurbyggja grunnskólann vegna myglu Innlent MBA-nemi kvartaði og kveinaði en beið lægri hlut Innlent Gripinn glóðvolgur í skjóli nætur við að tappa af bílnum Innlent Fleiri fréttir Langtímarannsóknir skorti á áhrifum kreatíns „Þetta er auðvitað stórhættulegt“ Styttist í háþróuð gervigreindarsvindl á íslensku Setja þurfi meiri þunga í hagsmunagæslu gagnvart ESB Neyðast til að endurbyggja grunnskólann vegna myglu Bílar fullir af bensínbrúsum séu úti um alla borg Áhyggjur af tollum ESB, olíuþjófur gómaður og fífldjarfir ferðamenn „Í minningu sonar - og allra þeirra sem aldrei komu heim“ MBA-nemi kvartaði og kveinaði en beið lægri hlut Hjólreiðamaður slasaður við Kerlingarfjöll Árekstur í Öxnadal Ung stúlka varð fyrir húsbíl og hljóp af vettvangi Vilja að ríkisstjórnin leggi allt kapp í að afstýra tollunum Sagði sig úr þingmannahóp: „Ég læt ekki nota mig í slíkum tilgangi“ Ekkert hægt að gera nema húseigendur kæri Segir afkomu hundraða ógnað með beinum hætti Mikil umferð á gosstöðvunum og óvissa á Grundartanga Gripinn glóðvolgur í skjóli nætur við að tappa af bílnum Sóttu veikan ferðamann í Loðmundarfjörð Óteljandi skiptin sem lögregla hefur þurft að vísa sömu mönnum út Vara fólk við því að ganga á nýrunnu hrauninu Stór jarðskjálfti í Vatnajökli Foreldrar ómeðvitaðir um fjárhagstjón barnanna í fjárhættuspilum Sjáanlega nóg komið þegar þjóðarleiðtogar taka undir Eldur í yfirgefnu húsi í Borgartúni Tvítugur Akureyringur með rafskutluleigu fyrir ferðamenn Þekktum Íslendingum lögð orð í munn með gervigreind Fulltrúar minnihlutans á einu um að tollarnir hafi ekki verið ræddir Gervigreind leggur Íslendingum orð í munn, bátabruni og veðrið um versló Atvinnubílstjóri með farþega undir áhrifum áfengis í vinnunni Sjá meira
Úrsagnir úr flokknum vegna ósættis með afgreiðslu á útlendingafrumvarpi varpa óneitanlega ákveðnum skugga á landsfund flokksins sem fer fram á Akureyri um helgina. Katrín Jakobsdóttir, forsætisráðherra og formaður Vinstri grænna, segir það ekkert launungamál að erfið mál hafi verið í gangi en þrátt fyrir allt hafi fundurinn verið góður og líflegar umræður átt sér stað. „Hér er í senn verið að takast á en um leið er fólk að fallast í faðma og njóta þess að vera saman. Þannig ég er ekki í nokkrum vafa um að þetta verði mikil vítamínsprauta fyrir okkur sem erum að taka þátt í þessum fundi,“ segir Katrín en þetta er í fyrsta sinn frá því fyrir heimsfaraldur sem fundurinn fer fram í persónu. Ný stjórn var kjörin nú síðdegis en Katrín Jakobsdóttir situr áfram sem formaður og Guðmundur Ingi Guðbrandsson sem varaformaður. Jana Salóme Ingibjargar Jósepsdóttir tekur við sem ritari og Steinar Harðarson kemur inn sem gjaldkeri. Sjö meðstjórnendur voru kjörnir, þar af fjórir sem koma nýir inn. Katrín segist spennt fyrir nýrri stjórn en áhuginn á þátttöku hafi verið mikill sem endurspegli mikið líf innan hreyfingarinnar. Jana Salóme og Steinar voru kjörin í embætti ritara og gjaldkera á fundinum í dag.Grafík/Hjalti „Ég er mjög ánægð með þann áhuga, því að auðvitað reynir á þegar erfið mál skekja hreyfingu eins og okkar og þá skiptir auðvitað líka máli að finna hversu mikill áhugi er á því að taka þátt,“ segir Katrín. Ný stefna í málefnum fatlaðra og orkumálum Stefna var mörkuð í mörgum málum en að sögn Katrínar var samstaða um þau flest. „Við erum til dæmis að marka nýja stefnu í málefnum fatlaðs fólks sem við höfum ekki haft áður. Mannréttindamálin og lýðræðismálin hafa verið mjög áberandi hér, ekki síst kannski vegna þess að við erum að sjá bakslag víða um heim þegar kemur að mannréttindamálum og kynjajafnréttismálum þannig þessi mál hafa verið mikið rædd á fundinum,“ segir Katrín. Þar að auki var stríðið í Úkraínu til umræðu og hvernig hreyfing sem setur friðarmál á oddinn eigi að beita sér. Þá var lögð fram ný stefna í orkumálum þar sem áhersla er lögð á samspil orkuskipta og náttúruverndar. „Hér liggur fyrir almenn stjórnmálaályktun þar sem er kveðið á um að það sé mjög mikilvægt að við höldum áfram að nýta rammaáætlun sem grundvallartæki til þess að leggja mat á hvaða svæði eiga að fara í vernd og hvað eigi að nýta,“ segir Katrín en auðlindarmálin almennt voru einnig til umræðu. Ályktanir frá verða síðan teknar fyrir á morgun og þær afgreiddar auk þess sem flokksráð verður kosið. Risastór verkefni fram undan Hvað framtíðina varðar haldi þau ótrauð áfram þar sem risastór verefni eru fram undan, til að mynda hvað varðar nýja landsstefnu í mannréttindamálum og nýja mannréttindastofnun, endurskoðun örorkulífeyriskerfisins og áframhaldandi stefnumótun í sjávarútvegsmálmálum og matvælaframleiðslu almennt. „Þetta eru auðvitað mál sem við ráðherrar Vinstri grænna förum með og ég er ekki í nokkrum vafa um að það er mikil ánægja hér í hreyfingunni með þá vinnu sem við erum búin að vera að inna af hendi í þessum málaflokkum og vilji til þess að við ljúkum okkar verkefnum í því,“ segir Katrín. Þá sé mikil spenna innan hreyfingarinnar fyrir framhaldinu, þrátt fyrir allt. „Við erum nú öllu vön í ólgu, við gengum í gegnum mjög erfitt kjörtímabil í ríkisstjórn 2009 til 2013. Síðasta kjörtímabil var ekki beinlínis dans á rósum, við misstum tvo þingmenn og einmitt ýmsa félaga. Þannig að þó að þetta sé auðvitað leiðinlegt þegar leiðir skilja þá erum við ýmsu vön og tökum þessu ekkert allt of persónlega,“ segir hún létt í bragði.
Vinstri græn Mest lesið „Þetta er auðvitað stórhættulegt“ Innlent Langtímarannsóknir skorti á áhrifum kreatíns Innlent Styttist í háþróuð gervigreindarsvindl á íslensku Innlent Bílar fullir af bensínbrúsum séu úti um alla borg Innlent Setja þurfi meiri þunga í hagsmunagæslu gagnvart ESB Innlent Sagði sig úr þingmannahóp: „Ég læt ekki nota mig í slíkum tilgangi“ Innlent „Í minningu sonar - og allra þeirra sem aldrei komu heim“ Innlent Neyðast til að endurbyggja grunnskólann vegna myglu Innlent MBA-nemi kvartaði og kveinaði en beið lægri hlut Innlent Gripinn glóðvolgur í skjóli nætur við að tappa af bílnum Innlent Fleiri fréttir Langtímarannsóknir skorti á áhrifum kreatíns „Þetta er auðvitað stórhættulegt“ Styttist í háþróuð gervigreindarsvindl á íslensku Setja þurfi meiri þunga í hagsmunagæslu gagnvart ESB Neyðast til að endurbyggja grunnskólann vegna myglu Bílar fullir af bensínbrúsum séu úti um alla borg Áhyggjur af tollum ESB, olíuþjófur gómaður og fífldjarfir ferðamenn „Í minningu sonar - og allra þeirra sem aldrei komu heim“ MBA-nemi kvartaði og kveinaði en beið lægri hlut Hjólreiðamaður slasaður við Kerlingarfjöll Árekstur í Öxnadal Ung stúlka varð fyrir húsbíl og hljóp af vettvangi Vilja að ríkisstjórnin leggi allt kapp í að afstýra tollunum Sagði sig úr þingmannahóp: „Ég læt ekki nota mig í slíkum tilgangi“ Ekkert hægt að gera nema húseigendur kæri Segir afkomu hundraða ógnað með beinum hætti Mikil umferð á gosstöðvunum og óvissa á Grundartanga Gripinn glóðvolgur í skjóli nætur við að tappa af bílnum Sóttu veikan ferðamann í Loðmundarfjörð Óteljandi skiptin sem lögregla hefur þurft að vísa sömu mönnum út Vara fólk við því að ganga á nýrunnu hrauninu Stór jarðskjálfti í Vatnajökli Foreldrar ómeðvitaðir um fjárhagstjón barnanna í fjárhættuspilum Sjáanlega nóg komið þegar þjóðarleiðtogar taka undir Eldur í yfirgefnu húsi í Borgartúni Tvítugur Akureyringur með rafskutluleigu fyrir ferðamenn Þekktum Íslendingum lögð orð í munn með gervigreind Fulltrúar minnihlutans á einu um að tollarnir hafi ekki verið ræddir Gervigreind leggur Íslendingum orð í munn, bátabruni og veðrið um versló Atvinnubílstjóri með farþega undir áhrifum áfengis í vinnunni Sjá meira