Frumsýning á afmælismyndbandi söngleiksins Níu líf

Elma Rut Valtýsdóttir skrifar 8. mars 2023 12:09

Söng- og leikkonan Elín Hall fer með hlutverk Reiða Bubba í sýningunni Níu líf. skjáskot

Vísir frumsýnir hér glænýtt myndband úr sýningunni Níu líf í tilefni þriggja ára afmælis þessarar farsælu sýningar.

Núna um helgina eru þrjú ár síðan sýningin Níu líf var frumsýnd í Borgarleikhúsinu og hefur hún notið gríðarlegra vinsælda, svo vægt sé til orða tekið en sýningin hefur verið sýnd 165 sinnum. Þá hafa rúmlega níutíu þúsund leikhúsgestir mætt á sýninguna og hlegið og grátið með þjóðargerseminni Bubba Morthens.

Bubbi Morthens er samofinn þjóðarsálinni í öllum sínum birtingarmyndum: Stjarnan sem rís úr slorinu; fyrst sem málsvari verkalýðsins, svo alþýðusöngvari þjóðarinnar, þá atómpönkari og gúanórokkari sem breytist í ballöðu-poppara sem syngur með stórsveitum. Skoðanaglaði gasprarinn, skrifblinda ljóðskáldið, fíkilinn sem reis upp, kvennamaðurinn og sá sem elskar aðeins eina konu, Kúbverjinn og Hollywood-víkingurinn, veiðimaðurinn, friðarsinninn og boxarinn. Sögur Bubba Morthens eru sögur okkar allra; sögur Íslands.

Halldóra Geirharðsdóttir hlaut Grímuverðlaun bæði sem leikkona og söngvari ársins fyrir frammistöðu sína í sýningunni.Borgarleikhúsið

Björn Stefánsson fer á kostum í sýningunni.Borgarleikhúsið

Í tilefni af þriggja ára afmæli sýningarinnar er lagið Er nauðsynlegt að skjóta þá? eftir Bubba Morthens komið út í flutningi söng- og leikkonunnar Elínar Hall. Elín steig nýlega inn í sýninguna og fer með hlutverk Reiða Bubba. Stjórn upptöku lagsins og útsetning er í höndum Guðmundar Óskars og myndband gerði Elmar Þórarinsson. Hljómsveitin í leiksýningunni spilar undir.

Klippa: Er nauðsynlegt að skjóta þá? - Elín Hall

Leikhús Tónlist

Tengdar fréttir

„Það var annaðhvort að kýla á þetta eða fella niður sýninguna“

Leikarinn Árni Þór Lárusson hafði nokkra klukkutíma til að undirbúa sig fyrir hlutverk Utangarðs Bubba í söngleiknum Níu líf á stóra sviðinu í Borgarleikhúsinu.

30. nóvember 2022 12:00

Fjórtán frumsýningar í Borgarleikhúsinu

Þeir tvö hundruð starfsmenn, sem vinna í Borgarleikhúsinu munu hafa meira en nóg að gera í vetur því þar verða fjórtán leikrit frumsýnd, auk verka, sem hafa verið i gangi eins og Emil í Kattholti og Níu líf. Leikhússtjóri Borgarleikhússins segir leikhúsið ekki vera í samkeppni við Þjóðleikhúsið né önnur leikhús.

4. september 2022 14:10

Kveinuðu þegar Bubbi lofaði tíu árum í viðbót

Sérstök hátíðarsýning á söngleiknum Níu líf fór fram í Borgarleikhúsinu í kvöld í tilefni af 66 ára afmæli Bubba Morthens. Tónlistarmaðurinn segir góða tilfinningu fylgja því að vera viðstaddur hana á þessum tímamótum en Bubbi hefur horft á hverja einustu sýningu söngleiksins sem hefur notið mikilla vinsælda.

6. júní 2022 22:48

Bubba-sýningin verður frumsýnd í kvöld

Þjóðleikhúsið lokar en Borgarleikhúsið heldur sínu striki

13. mars 2020 13:09

„Hausinn minn er eina heimilið sem ég mun búa í alla ævi“

Leikkonan Elín Sif Hall var að stíga sín fyrstu skref í Borgarleikhúsinu í leikritinu 9 líf en hún vakti meðal annars athygli fyrir hlutverk sitt í kvikmyndinni Lof mér að falla fyrir nokkrum árum. Hún lýsir sér sem listamanni í mótun sem elskar að kaupa notuð föt og drekka kaffi. Auk þess reynir hún að finna innblástur í öllu en sköpunargleðin nærir andlega heilsu hennar hvað mest. Elín Hall er viðmælandi vikunnar í Innblæstrinum.

3. september 2022 11:30