„Ég get nú kannski ekki sagt að þetta komi mikið á óvart“ Máni Snær Þorláksson skrifar 19. febrúar 2023 17:18 Frosti Ólafsson, framkvæmdastjóri Olís. Arnar Halldórsson Viðræðum Eflingar og SA er lokið og því ljóst að verkfall mun hefjast á miðnætti. Framkvæmdastjóri Olís þetta ekki koma mikið á óvart. Fyrirtækið búi sig undir að verkfallið gæti dregist á langinn. Stutt tilkynning var birt á vef Eflingar fyrr í dag. Í tilkynningunni kom fram að Sólveig Anna Jónsdóttir, formaður Eflingar, væri búinn að senda skilaboð til þeirra Eflingarliða sem voru í verkfalli fyrir helgi. Í skilaboðunum var fólk beðið um að vera „í viðbragðsstöðu til að hefja verkfallsaðgerðir að nýju á miðnætti í kvöld.“ Það leið svo ekki langur tími þar til viðræðum Eflingar og Samtaka Atvinnulífsins lauk, án samnings. Kemur ekki á óvart Frosti Ólafsson, framkvæmdastjóri Olís, segir að fyrirtækið hafi búið sig undir allar sviðsmyndir, þar á meðal að verkfall myndi hefjast að nýju. „Ég get nú kannski ekki sagt að þetta komi mikið á óvart,“ segir Frosti í samtali við fréttastofu. „Það væri ákjósanlegt að samningsaðilar myndu ná saman en það var margt sem benti til þess að það væri langt þarna á milli. Við erum bara búin að nýta tímann og fylla eftir fremsta megni á birgðir og afgreiða útistandandi afgreiðslubeiðnir á meðan þessi verkfallspása var í gangi.“ Frosti vonar að það takist að leysa úr deilunni sem fyrst til að hægt sé að koma í veg fyrir tjón og samfélagslegt rask. „Það eru auðvitað vonbrigði ef þeim tekst ekki að leysa þetta enda ljóst, alveg eins og við töluðum um í síðustu viku, að það tekur ekki marga daga til að þetta fari að mynda heilmikið tjón og samfélagslegt rask.“ Auðveldara en í síðustu viku Verkfallsaðgerðir hefjast aftur á miðnætti og taka nú við svipaðar kringumstæður eins og þær sem mynduðust í síðustu viku. Unnið verði eftir fremsta megni úr stöðunni frá degi til dags. „Það er allavega kominn meiri skýrleiki hvað varðar afgreiðslu til undanþáguaðila. Að sama skapi erum við kannski að átta okkur aðeins betur á því hvernig við getum haldið sem stærstum hluta kerfisins gangandi með þeim starfsmönnum sem þá verða til staðar í olíudreifingunni, á öðrum stöðum landsins og utan Eflingar. Þannig það er í rauninni staðan hjá okkur.“ Það verður því auðveldara að fara í verkfall núna en það var í síðustu viku. „Við erum auðvitað búin að fá eina generalprufu á þessu og ég held að þetta verði að einhverju marki einfaldara, að minnsta kosti að rúlla þessu af stað,“ segir hann. „Að sama skapi þá gekk verkfallið ekki mjög langt í síðustu viku þannig það kannski fer að reyna meira á þolinmæði viðskiptavina og samfélagsins í heild ef verkfallið dregst á langinn.“ Búa sig undir langvarandi verkfall Frosti var ekki vongóður um að samningar myndu nást í dag. „Því miður þá finnst manni einhvern veginn ekki líta út fyrir að það sé lausn á sjóndeildarhringnum,“ segir hann. „Fyrir vikið þá verðum við að minnsta kosti að búa okkur undir það að þetta verkfall gæti dregist á langinn. Ég held að það sé öllum ljóst að því fylgir heilmikið tjón.“ Verkfallið mun að sögn Frosta hafa mest áhrif á höfuðborgarsvæðið. Svo virðist vera sem Reykjanesið, Selfoss og jafnvel hluti Vesturlands verði í betra ástandi en við var búist í fyrstu. „Þetta eru bara nokkrir dagar, mismunandi eftir afgreiðslustöðvum, þangað til birgðir tæmast á höfuðborgarsvæðinu. Þá verða bara eftirstandandi þær afgreiðslustöðvar sem verður heimilt að halda gangandi fyrir undanþáguaðila. Við vonum að viðskiptavinir okkar haldi áfram að sýna umburðarlyndi og skilning á kringumstæðum. Við gerum okkar besta til þess að lágmarka rask, eins og við höfum gert fram til þessa.“ Kjaraviðræður 2022-23 Kjaramál Bensín og olía Mest lesið Hafi verið rangkynjuð oftar en hún geti talið og segir transfóbíu bitna á öllum Innlent Reyndi til hins síðasta að koma skikki á fjármál Vatíkansins Erlent Einhliða vopnahlé Rússa hafið Erlent „Íslenskir bankar eru með belti, axlabönd, sikrisnælur og hjálma“ Innlent Til skoðunar hvort hægt sé að innheimta leigu beint af tekjum Innlent „Hann var með háðslegt glott, þetta var svo lítið mál“ Innlent Hefur áhyggjur af því að Amgen „gleypi Íslenska erfðagreiningu og spýti því út“ Innlent Annar snarpur skjálfti við Ljósufjöll Innlent „Þetta er svona eitraður kokteill” Innlent „Þetta er mál sem varðar ekki einungis kaþólsku kirkjuna“ Innlent Fleiri fréttir Annar snarpur skjálfti við Ljósufjöll Hafi verið rangkynjuð oftar en hún geti talið og segir transfóbíu bitna á öllum „Þetta er mál sem varðar ekki einungis kaþólsku kirkjuna“ „Íslenskir bankar eru með belti, axlabönd, sikrisnælur og hjálma“ „Þetta er svona eitraður kokteill” Til skoðunar hvort hægt sé að innheimta leigu beint af tekjum Hefur áhyggjur af því að Amgen „gleypi Íslenska erfðagreiningu og spýti því út“ Efla eftirlit með áfengissölu á íþróttaleikjum Páfaspenna, drykkjulæti og umdeildur útburður „Hann var með háðslegt glott, þetta var svo lítið mál“ Skora á stjórnvöld að skoða áhrifin af hærra veiðigjaldi á Vestfirði Konan í gæsluvarðhaldi í mánuð til viðbótar Sagðir hafa stolið viðkvæmum rannsóknargögnum frá lögreglu og saksóknara Bein útsending: Staða ungs fatlaðs fólks á húsnæðis- og leigumarkaði Segist hafa tryllst þegar Hafdís hótaði forræðissviptingu Ekkert sem bendi til málþófs um veiðigjöld Þeir sem gangi inn sem páfaefni gangi út sem kardinálar Skorað á Ísraela og átök hafin milli Indlands og Pakistans Ekki hægt að renna sér í Lágafellslaug næstu vikuna Rekstur Reykjanesbæjar fram úr vonum vegna hærri útsvarstekna Veiðigjöldin enn rædd en þó ekki á dagskrá í dag Sex evrópskir utanríkisráðherrar skora á Ísrael Stútur á 106 þar sem hámarkshraði var sextíu Vilja að ríkisstarfsmenn geti starfað til 73 ára aldurs Alþingi hafi mistekist að tryggja þjóðinni eðlilegan hlut Boða sprengingar við Hvammsvirkjun í allt sumar Moskítóflugur muni koma til Íslands Áberandi ráðamenn „keppist við að hnykla vöðva sína, beita hótunum og þvingunum“ Ekki inni í myndinni að fyrirkomulag hvalveiða haldist óbreytt Fékk rætin skilaboð vegna veðmála eftir að hafa klikkað á vítum Sjá meira
Stutt tilkynning var birt á vef Eflingar fyrr í dag. Í tilkynningunni kom fram að Sólveig Anna Jónsdóttir, formaður Eflingar, væri búinn að senda skilaboð til þeirra Eflingarliða sem voru í verkfalli fyrir helgi. Í skilaboðunum var fólk beðið um að vera „í viðbragðsstöðu til að hefja verkfallsaðgerðir að nýju á miðnætti í kvöld.“ Það leið svo ekki langur tími þar til viðræðum Eflingar og Samtaka Atvinnulífsins lauk, án samnings. Kemur ekki á óvart Frosti Ólafsson, framkvæmdastjóri Olís, segir að fyrirtækið hafi búið sig undir allar sviðsmyndir, þar á meðal að verkfall myndi hefjast að nýju. „Ég get nú kannski ekki sagt að þetta komi mikið á óvart,“ segir Frosti í samtali við fréttastofu. „Það væri ákjósanlegt að samningsaðilar myndu ná saman en það var margt sem benti til þess að það væri langt þarna á milli. Við erum bara búin að nýta tímann og fylla eftir fremsta megni á birgðir og afgreiða útistandandi afgreiðslubeiðnir á meðan þessi verkfallspása var í gangi.“ Frosti vonar að það takist að leysa úr deilunni sem fyrst til að hægt sé að koma í veg fyrir tjón og samfélagslegt rask. „Það eru auðvitað vonbrigði ef þeim tekst ekki að leysa þetta enda ljóst, alveg eins og við töluðum um í síðustu viku, að það tekur ekki marga daga til að þetta fari að mynda heilmikið tjón og samfélagslegt rask.“ Auðveldara en í síðustu viku Verkfallsaðgerðir hefjast aftur á miðnætti og taka nú við svipaðar kringumstæður eins og þær sem mynduðust í síðustu viku. Unnið verði eftir fremsta megni úr stöðunni frá degi til dags. „Það er allavega kominn meiri skýrleiki hvað varðar afgreiðslu til undanþáguaðila. Að sama skapi erum við kannski að átta okkur aðeins betur á því hvernig við getum haldið sem stærstum hluta kerfisins gangandi með þeim starfsmönnum sem þá verða til staðar í olíudreifingunni, á öðrum stöðum landsins og utan Eflingar. Þannig það er í rauninni staðan hjá okkur.“ Það verður því auðveldara að fara í verkfall núna en það var í síðustu viku. „Við erum auðvitað búin að fá eina generalprufu á þessu og ég held að þetta verði að einhverju marki einfaldara, að minnsta kosti að rúlla þessu af stað,“ segir hann. „Að sama skapi þá gekk verkfallið ekki mjög langt í síðustu viku þannig það kannski fer að reyna meira á þolinmæði viðskiptavina og samfélagsins í heild ef verkfallið dregst á langinn.“ Búa sig undir langvarandi verkfall Frosti var ekki vongóður um að samningar myndu nást í dag. „Því miður þá finnst manni einhvern veginn ekki líta út fyrir að það sé lausn á sjóndeildarhringnum,“ segir hann. „Fyrir vikið þá verðum við að minnsta kosti að búa okkur undir það að þetta verkfall gæti dregist á langinn. Ég held að það sé öllum ljóst að því fylgir heilmikið tjón.“ Verkfallið mun að sögn Frosta hafa mest áhrif á höfuðborgarsvæðið. Svo virðist vera sem Reykjanesið, Selfoss og jafnvel hluti Vesturlands verði í betra ástandi en við var búist í fyrstu. „Þetta eru bara nokkrir dagar, mismunandi eftir afgreiðslustöðvum, þangað til birgðir tæmast á höfuðborgarsvæðinu. Þá verða bara eftirstandandi þær afgreiðslustöðvar sem verður heimilt að halda gangandi fyrir undanþáguaðila. Við vonum að viðskiptavinir okkar haldi áfram að sýna umburðarlyndi og skilning á kringumstæðum. Við gerum okkar besta til þess að lágmarka rask, eins og við höfum gert fram til þessa.“
Kjaraviðræður 2022-23 Kjaramál Bensín og olía Mest lesið Hafi verið rangkynjuð oftar en hún geti talið og segir transfóbíu bitna á öllum Innlent Reyndi til hins síðasta að koma skikki á fjármál Vatíkansins Erlent Einhliða vopnahlé Rússa hafið Erlent „Íslenskir bankar eru með belti, axlabönd, sikrisnælur og hjálma“ Innlent Til skoðunar hvort hægt sé að innheimta leigu beint af tekjum Innlent „Hann var með háðslegt glott, þetta var svo lítið mál“ Innlent Hefur áhyggjur af því að Amgen „gleypi Íslenska erfðagreiningu og spýti því út“ Innlent Annar snarpur skjálfti við Ljósufjöll Innlent „Þetta er svona eitraður kokteill” Innlent „Þetta er mál sem varðar ekki einungis kaþólsku kirkjuna“ Innlent Fleiri fréttir Annar snarpur skjálfti við Ljósufjöll Hafi verið rangkynjuð oftar en hún geti talið og segir transfóbíu bitna á öllum „Þetta er mál sem varðar ekki einungis kaþólsku kirkjuna“ „Íslenskir bankar eru með belti, axlabönd, sikrisnælur og hjálma“ „Þetta er svona eitraður kokteill” Til skoðunar hvort hægt sé að innheimta leigu beint af tekjum Hefur áhyggjur af því að Amgen „gleypi Íslenska erfðagreiningu og spýti því út“ Efla eftirlit með áfengissölu á íþróttaleikjum Páfaspenna, drykkjulæti og umdeildur útburður „Hann var með háðslegt glott, þetta var svo lítið mál“ Skora á stjórnvöld að skoða áhrifin af hærra veiðigjaldi á Vestfirði Konan í gæsluvarðhaldi í mánuð til viðbótar Sagðir hafa stolið viðkvæmum rannsóknargögnum frá lögreglu og saksóknara Bein útsending: Staða ungs fatlaðs fólks á húsnæðis- og leigumarkaði Segist hafa tryllst þegar Hafdís hótaði forræðissviptingu Ekkert sem bendi til málþófs um veiðigjöld Þeir sem gangi inn sem páfaefni gangi út sem kardinálar Skorað á Ísraela og átök hafin milli Indlands og Pakistans Ekki hægt að renna sér í Lágafellslaug næstu vikuna Rekstur Reykjanesbæjar fram úr vonum vegna hærri útsvarstekna Veiðigjöldin enn rædd en þó ekki á dagskrá í dag Sex evrópskir utanríkisráðherrar skora á Ísrael Stútur á 106 þar sem hámarkshraði var sextíu Vilja að ríkisstarfsmenn geti starfað til 73 ára aldurs Alþingi hafi mistekist að tryggja þjóðinni eðlilegan hlut Boða sprengingar við Hvammsvirkjun í allt sumar Moskítóflugur muni koma til Íslands Áberandi ráðamenn „keppist við að hnykla vöðva sína, beita hótunum og þvingunum“ Ekki inni í myndinni að fyrirkomulag hvalveiða haldist óbreytt Fékk rætin skilaboð vegna veðmála eftir að hafa klikkað á vítum Sjá meira