Fótbolti

KA komið á blað í Lengjubikarnum

Smári Jökull Jónsson skrifar
Hallgrímur Mar skoraði seinna mark KA í dag.
Hallgrímur Mar skoraði seinna mark KA í dag. Vísir/Hulda Margrét

KA vann 2-1 sigur á Fylki í Lengjubikarnum í knattspyrnu í dag en leikið var á Akureyri.

KA tapaði gegn Keflavík um síðustu helgi í fyrsta leik sínum í Lengjubikarnum en Fylkir var að leika sinn fyrsta leik í dag.

Staðan í hálfleik var 0-0 en í upphafi síðari hálfleiks skoraði Færeyringurinn Pætur Petersen fyrsta mark leiksins fyrir KA. Petersen gekk til liðs við KA og var að skora sitt fyrsta mark fyrir félagið.

Hallgrímur Mar Steingrímsson tvöfaldaði forystu KA á 62.mínútu en strax mínútu seinna minnkaði Benedikt Daríus Gunnarsson muninn fyrir Fylki.

Lokatölur 2-1 og KA því komið með þrjú stig í Lengjubikarnum.

Besta deild karla KA Fylkir

Mest lesið


Fleiri fréttir

Sjá meira


×

Mest lesið