Íslenski boltinn

Framherjar Víkings framlengja við félagið

Ingvi Þór Sæmundsson skrifar
Nikolaj Hansen og Helgi Guðjónsson verða áfram í Fossvoginum.
Nikolaj Hansen og Helgi Guðjónsson verða áfram í Fossvoginum. vísir/bára

Nikolaj Hansen og Helgi Guðjónsson hafa framlengt samninga sína við bikarmeistara Víkings til 2025.

Nikolaj var besti leikmaður og markakóngur Pepsi Max-deildarinnar þegar Víkingar urðu Íslandsmeistarar fyrir tveimur árum. Hann kom til Víkings frá Val um mitt sumar 2017. Daninn hefur spilað 145 leiki fyrir Víking og skorað 51 mark.

Helgi kom til Víkings frá Fram 2019. Hann hefur spilað 88 leiki í rauðu og svörtu treyjunni og skorað 34 mörk. Helgi skoraði meðal annars í bikarúrslitaleiknum 2021 þar sem Víkingur sigraði ÍA, 3-0.

Á síðasta tímabili endaði Víkingur í 3. sæti Bestu deildarinnar en varð bikarmeistari þriðja skiptið í röð.

Besta deild karla Víkingur Reykjavík

Mest lesið


Fleiri fréttir

Sjá meira


×

Mest lesið