Einkunnir strákanna okkar á móti Svíþjóð: Gísli Þorgeir besti maður liðsins Íþróttadeild Sýnar skrifar 20. janúar 2023 22:05 Gísli Þorgeir Kristjánsson reyndi sitt og gerði hverja árásina á fætur annarri á þunga og stóra Svía. Vísir/Vilhlem Strákarnir okkar fengu erfitt verkefni í kvöld og það þurftu mun fleiri leikmenn að spila betur ef íslenska liðið átti að halda sér á lífi á þessu heimsmeistaramóti. Íslenska handboltalandsliðið tapaði með fimm marka mun á móti Svíum, 30-35, í leik upp á líf eða dauða í milliriðli á heimsmeistaramótinu í handbolta í Svíþjóð og Póllandi. Eftir þessi úrslit þá á íslenska liðið litla sem enga möguleika á því að tryggja sér sæti í átta liða úrslitum á mótinu og kvöldið því mikil vonbrigði. Íslenska liðið fór illa með dauðafærin í leiknum og mátti ekki við því að missa Aron Pálmarsson fyrir leik og Ómar Inga Magnússon snemma leiks. Gísli Þorgeir Kristjánsson reyndi sitt og það vantaði ekki baráttuna í leik íslenska liðsins en á móti kom að það vantaði talsvert upp á gæðin í góðum færum í seinni hálfleiknum. Líkt og áður þá gefur íþróttadeild Vísis og Stöðvar tvö leikmönnum og þjálfaranum einkunnir fyrir frammistöðu sína. Gísli Þorgeir var besti leikmaður íslenska liðsins í kvöld að mati okkar en hann var stórkostlegur í fyrri hálfleiknum. Bjarki Már Elísson og Kristján Örn Kristjánsson léku líka vel og fengu báðir fimmu fyrir frammistöðu sína. Leikmenn og þjálfarar fá einkunn á bilinu 1-6 með umsögn, en neðst í fréttinni má sjá hvað hver einkunn þýðir. Einkunnir Íslands gegn Svíþjóð: - Byrjunarlið Íslands í leiknum - Björgvin Páll Gústavsson, mark - 2 (0 varin skot- 15:15 mín.) Fann engan takt í leiknum. Auðvitað voru færin erfið en hann á samt að geta gert betur. Byrjaði frábærlega í fyrsta leiknum gegn Portúgal en náði ekki að fylgja því eftir. Í aðdraganda mótsins áttum við engan betri kost en Björgvin Pál. Bjarki Már Elísson, vinstra horn - 5 (8 mörk - 56:17 mín.) Átti frábæran leik. Var sterkur og einbeittur, ekki síst varnarlega. Skoraði átta mörk úr tíu skotum og í raun ekki hægt að fara fram á meira. Verið langbesti leikmaður Íslands á mótinu. Janus Daði Smárason, vinstri skytta - 2 (2 mörk - 32:10 mín.) Byrjaði leikinn afar illa. Skotval ekki gott og tæknimistök því miður of mörg. Á þessu stigi, í keppni við þá bestu, er það ekki boðlegt. Leikmaður sem hins vegar oftar en ekki hefur leyst okkur úr snörunni þegar illa hefur gengið. Því var miður ekki að heilsa í Gautaborg. Gísli Þorgeir Kristjánsson, leikstjórnandi - 5 (5 mörk - 33:29 mín.) Fyrri hálfleikurinn var það besta sem hann hefur sýnt á þessu heimsmeistaramóti. Þá var Gísli einfaldlega í heimsklassa. Fjögur mörk og sex stoðsendingar sem var í raun stórbrotin frammistaða. Gullvagninn úr Hafnarfirði reyndi hvað hann gat í síðari hálfleik en hann var með íslenska liðið á herðunum. Ómar Ingi Magnússon, hægri skytta - 3 (2 mörk - 17:18 mín.) Byrjaði leikinn mjög vel og virtist frískur og áræðinn. Því miður fyrir þennan magnaða leikmann varð hann frá að hverfa, ekki bara dýrt fyrir Ómar heldur kostaði það sitt fyrir íslenska liðið. Óðinn Þór Ríkharðsson, hægra horn - 3 (1 mark - 33:29 mín.) Var í fínum gír í fyrri hálfleik, áræðinn og klókur. Í raun óskiljanlegt að hann hafi ekki byrjað síðari hálfleikinn. Sjálfstraustið hjá Óðni það sem af er móti er í hæstu hæðum og hann verðskuldar meiri spiltíma. Elliði Snær Viðarsson, lína - 2 (3 mörk - 51:44 mín.) Átti afleitan dag. Klúðraði dauðafærum og var númeri of lítill varnarlega gegn sterkum Svíum. Í raun synd því Elliði hefur fram að þessu sýnt á þessu móti að hann er traustsins verður en því miður fauk það út í veður og vind gegn Svíþjóð. Ýmir Örn Gíslason, lína - 3 (6 stopp - 26:18 mín.) Barðist eins og grenjandi ljón og fyrri hálfleikurinn var það besta sem við höfum séð til Ýmis á mótinu. Geislaði af honum inn á vellinum þegar hann rak menn áfram. Baráttan var til fyrirmyndar en klókir Svíar báru íslensku varnarmennina ofurliði þegar leið á leikinn. Elvar Örn Jónsson, vinstri skytta - 2 (7 stopp - 32:53 mín.) Var að stíga upp eftir veikindi. Lagði sig fram, ekki síst í vörninni en fann engan takt í sínum leik. Fékk tækifæri í sókninni en þar féll Selfyssingurinn á prófinu. - Menn sem komu inn af bekknum í leiknum - Viktor Gísli Hallgrímsson, mark - 3 (14/1 varin skot- 41:33 mín.) Átti erfitt uppdráttar lengst af en ef tölfræðin er skoðuð þá var Viktor með markvörslu upp á 37 prósent sem er alls ekki slæmt. Leikmaður sem Ísland á inni með fleiri leikjum og meiri reynslu verður hann dýrmætur íslenska landsliðinu í framtíðinni. Kristján Örn Kristjánsson, hægri skytta - 5 (5 mörk - 17:30 mín.) Átti frábæra innkomu í íslenska liðið, skoraði fimm mörk, var áræðinn og með sjálfstraust. Það er ekki honum að kenna að fá ekki traustið og í rauninni með lífsins ólíkindum að hann hafi ekki fengið fleiri mínútur á þessu heimsmeistaramóti. Arnar Freyr Arnarsson, vörn - 4 (2 mörk - 12:39 mín.) Var virkilega sterkur í þessum leik. Skoraði tvö góð mörk og átti góða kafla í varnarleiknum. Þarna er á ferðinni tveggja metra maður sem á að nýtast betur ef spilað verður inn á hans styrkleika sem eru sannarlega fyrir hendi. Sigvaldi Guðjónsson, hægra horn - 2 (2 mörk - 27:27 mín.) Sigvaldi átti ekki góðan dag. Fór illa með dauðafæri og virtist þjakaður af spennu. Hefur fengið samkeppni um stöðuna í íslenska landsliðinu, spurning hvort að það hafi haft áhrif á hans frammistöðu.Viggó Kristjánsson, hægri skytta - 2 (0 mörk - 22:08 mín.) Tók við keflinu af Ómari Inga en fann engan takt í sinn leik. Hefur verið langt frá sínu besta á þessu heimsmeistaramóti, hefur átt ágæta spretti varnarlega en sóknarleikurinn hefur hins vegar verið afleitur. Tæknifeilarnir voru því miður of margir, leik eftir leik. Elvar Ásgeirsson, vinstri skytta - spilaði ekkiHákon Daði Styrmisson, vinstra horn - spilaði ekki Guðmundur Guðmundsson, þjálfari - 3 Fann fínar lausnir á leik Svía í fyrri hálfleik þar sem Ísland spilaði frábærlega í fimmtán mínútur. Auðvitað verður þjálfarinn ekki sakaður um það þegar leikmenn klúðra dauðafærum eins og raunin var í síðari hálfleik. Með ólíkindum að hann hafi falið Kristján Örn Kristjánsson á bekknum nánast allt mótið. Með frábært lið í höndunum og með ólíkindum að þetta lið komist ekki í átta liða úrslit ef af verður. Umspil um Ólympíusæti var markmiðið, það tókst ekki að ná því sem eru mikil vonbrigði. Útskýring á einkunnum: 6 - Heimsklassa frammistaða5 - Frábær frammistaða4 - Góð frammistaða3 - Sæmileg frammistaða - skilaði sínu2 - Ekki nógu góð frammistaða1 - Slakur leikur HM 2023 í handbolta Landslið karla í handbolta Mest lesið Gengst við því að hafa gert mistök Handbolti Sjáðu markið sem hefði bjargað Íslandi á HM Handbolti Alfreð missti föður sinn sama dag og hann mætti Dönum á HM Handbolti Hvernig kemst Ísland áfram? Handbolti Einbeittur brotavilji Víkinga Íslenski boltinn Í beinni: Wolves - Arsenal | Skytturnar mega ekki við því að misstíga sig Enski boltinn Rúnari Alex sagt að finna sér nýtt félag Fótbolti Gakpo með tvö og Liverpool í toppmálum Enski boltinn Bjarni var kominn á lista hjá Icelandair: „Rotaðir frá fyrstu mínútu“ Handbolti Vildi Viktor aftur inn í fyrri hálfleik: „Gekk andskotinn ekkert upp“ Handbolti Fleiri fréttir Danir áfram með fullt hús stiga Aldís Ásta fór á kostum Allir vonsviknir af velli í Varazdin Fljúgandi start og Fram jók á raunir Eyjakvenna Vildi Viktor aftur inn í fyrri hálfleik: „Gekk andskotinn ekkert upp“ Gengst við því að hafa gert mistök Alfreð missti föður sinn sama dag og hann mætti Dönum á HM HM í dag: Erfitt kvöld með erkifífli Bjarni var kominn á lista hjá Icelandair: „Rotaðir frá fyrstu mínútu“ Sjáðu markið sem hefði bjargað Íslandi á HM Ásgeir Örn: „Eigum okkur eiginlega engar málsbætur með þetta“ Myndasyrpa frá svekkelsinu í Zagreb Skýrsla Vals: Svartur Dagur í Zagreb Hvernig kemst Ísland áfram? Samfélagsmiðlar eftir tapið: „Ömurleg auglýsing fyrir McDonald‘s“ Einkunnir Strákanna okkar á móti Króatíu: Hér varð hrun „Fyrri hálfleikurinn var alveg frábær“ Logi Geirs: „Það er ótrúlegt að liðið sé komið í þessa stöðu“ „Verðum bara að vera bjartsýnir og hafa trú“ Tölfræðin á móti Króatíu: Níu prósent markvarsla í fyrri hálfleik „Ég held að þeim hafi bara liðið vel allan tímann“ „Gerðum nákvæmlega það sem við ætluðum ekki að gera“ Umfjöllun: Króatía - Ísland 32-26 | Hjálp Slóvenar! Við klúðruðum þessu Stjarnan réði ekki við hraðann á Selfossi Afskrifuð stjarna Króata óvænt með Okkar menn fengu ekki slóvenskan greiða Einar Þorsteinn kemur inn í hópinn Sögulegur árangur Portúgals á HM Býr sig undir að mæta morðingjum í kvöld Sjáðu afmælisbarn og fleiri hressa Íslendinga hita upp í Zagreb Sjá meira
Íslenska handboltalandsliðið tapaði með fimm marka mun á móti Svíum, 30-35, í leik upp á líf eða dauða í milliriðli á heimsmeistaramótinu í handbolta í Svíþjóð og Póllandi. Eftir þessi úrslit þá á íslenska liðið litla sem enga möguleika á því að tryggja sér sæti í átta liða úrslitum á mótinu og kvöldið því mikil vonbrigði. Íslenska liðið fór illa með dauðafærin í leiknum og mátti ekki við því að missa Aron Pálmarsson fyrir leik og Ómar Inga Magnússon snemma leiks. Gísli Þorgeir Kristjánsson reyndi sitt og það vantaði ekki baráttuna í leik íslenska liðsins en á móti kom að það vantaði talsvert upp á gæðin í góðum færum í seinni hálfleiknum. Líkt og áður þá gefur íþróttadeild Vísis og Stöðvar tvö leikmönnum og þjálfaranum einkunnir fyrir frammistöðu sína. Gísli Þorgeir var besti leikmaður íslenska liðsins í kvöld að mati okkar en hann var stórkostlegur í fyrri hálfleiknum. Bjarki Már Elísson og Kristján Örn Kristjánsson léku líka vel og fengu báðir fimmu fyrir frammistöðu sína. Leikmenn og þjálfarar fá einkunn á bilinu 1-6 með umsögn, en neðst í fréttinni má sjá hvað hver einkunn þýðir. Einkunnir Íslands gegn Svíþjóð: - Byrjunarlið Íslands í leiknum - Björgvin Páll Gústavsson, mark - 2 (0 varin skot- 15:15 mín.) Fann engan takt í leiknum. Auðvitað voru færin erfið en hann á samt að geta gert betur. Byrjaði frábærlega í fyrsta leiknum gegn Portúgal en náði ekki að fylgja því eftir. Í aðdraganda mótsins áttum við engan betri kost en Björgvin Pál. Bjarki Már Elísson, vinstra horn - 5 (8 mörk - 56:17 mín.) Átti frábæran leik. Var sterkur og einbeittur, ekki síst varnarlega. Skoraði átta mörk úr tíu skotum og í raun ekki hægt að fara fram á meira. Verið langbesti leikmaður Íslands á mótinu. Janus Daði Smárason, vinstri skytta - 2 (2 mörk - 32:10 mín.) Byrjaði leikinn afar illa. Skotval ekki gott og tæknimistök því miður of mörg. Á þessu stigi, í keppni við þá bestu, er það ekki boðlegt. Leikmaður sem hins vegar oftar en ekki hefur leyst okkur úr snörunni þegar illa hefur gengið. Því var miður ekki að heilsa í Gautaborg. Gísli Þorgeir Kristjánsson, leikstjórnandi - 5 (5 mörk - 33:29 mín.) Fyrri hálfleikurinn var það besta sem hann hefur sýnt á þessu heimsmeistaramóti. Þá var Gísli einfaldlega í heimsklassa. Fjögur mörk og sex stoðsendingar sem var í raun stórbrotin frammistaða. Gullvagninn úr Hafnarfirði reyndi hvað hann gat í síðari hálfleik en hann var með íslenska liðið á herðunum. Ómar Ingi Magnússon, hægri skytta - 3 (2 mörk - 17:18 mín.) Byrjaði leikinn mjög vel og virtist frískur og áræðinn. Því miður fyrir þennan magnaða leikmann varð hann frá að hverfa, ekki bara dýrt fyrir Ómar heldur kostaði það sitt fyrir íslenska liðið. Óðinn Þór Ríkharðsson, hægra horn - 3 (1 mark - 33:29 mín.) Var í fínum gír í fyrri hálfleik, áræðinn og klókur. Í raun óskiljanlegt að hann hafi ekki byrjað síðari hálfleikinn. Sjálfstraustið hjá Óðni það sem af er móti er í hæstu hæðum og hann verðskuldar meiri spiltíma. Elliði Snær Viðarsson, lína - 2 (3 mörk - 51:44 mín.) Átti afleitan dag. Klúðraði dauðafærum og var númeri of lítill varnarlega gegn sterkum Svíum. Í raun synd því Elliði hefur fram að þessu sýnt á þessu móti að hann er traustsins verður en því miður fauk það út í veður og vind gegn Svíþjóð. Ýmir Örn Gíslason, lína - 3 (6 stopp - 26:18 mín.) Barðist eins og grenjandi ljón og fyrri hálfleikurinn var það besta sem við höfum séð til Ýmis á mótinu. Geislaði af honum inn á vellinum þegar hann rak menn áfram. Baráttan var til fyrirmyndar en klókir Svíar báru íslensku varnarmennina ofurliði þegar leið á leikinn. Elvar Örn Jónsson, vinstri skytta - 2 (7 stopp - 32:53 mín.) Var að stíga upp eftir veikindi. Lagði sig fram, ekki síst í vörninni en fann engan takt í sínum leik. Fékk tækifæri í sókninni en þar féll Selfyssingurinn á prófinu. - Menn sem komu inn af bekknum í leiknum - Viktor Gísli Hallgrímsson, mark - 3 (14/1 varin skot- 41:33 mín.) Átti erfitt uppdráttar lengst af en ef tölfræðin er skoðuð þá var Viktor með markvörslu upp á 37 prósent sem er alls ekki slæmt. Leikmaður sem Ísland á inni með fleiri leikjum og meiri reynslu verður hann dýrmætur íslenska landsliðinu í framtíðinni. Kristján Örn Kristjánsson, hægri skytta - 5 (5 mörk - 17:30 mín.) Átti frábæra innkomu í íslenska liðið, skoraði fimm mörk, var áræðinn og með sjálfstraust. Það er ekki honum að kenna að fá ekki traustið og í rauninni með lífsins ólíkindum að hann hafi ekki fengið fleiri mínútur á þessu heimsmeistaramóti. Arnar Freyr Arnarsson, vörn - 4 (2 mörk - 12:39 mín.) Var virkilega sterkur í þessum leik. Skoraði tvö góð mörk og átti góða kafla í varnarleiknum. Þarna er á ferðinni tveggja metra maður sem á að nýtast betur ef spilað verður inn á hans styrkleika sem eru sannarlega fyrir hendi. Sigvaldi Guðjónsson, hægra horn - 2 (2 mörk - 27:27 mín.) Sigvaldi átti ekki góðan dag. Fór illa með dauðafæri og virtist þjakaður af spennu. Hefur fengið samkeppni um stöðuna í íslenska landsliðinu, spurning hvort að það hafi haft áhrif á hans frammistöðu.Viggó Kristjánsson, hægri skytta - 2 (0 mörk - 22:08 mín.) Tók við keflinu af Ómari Inga en fann engan takt í sinn leik. Hefur verið langt frá sínu besta á þessu heimsmeistaramóti, hefur átt ágæta spretti varnarlega en sóknarleikurinn hefur hins vegar verið afleitur. Tæknifeilarnir voru því miður of margir, leik eftir leik. Elvar Ásgeirsson, vinstri skytta - spilaði ekkiHákon Daði Styrmisson, vinstra horn - spilaði ekki Guðmundur Guðmundsson, þjálfari - 3 Fann fínar lausnir á leik Svía í fyrri hálfleik þar sem Ísland spilaði frábærlega í fimmtán mínútur. Auðvitað verður þjálfarinn ekki sakaður um það þegar leikmenn klúðra dauðafærum eins og raunin var í síðari hálfleik. Með ólíkindum að hann hafi falið Kristján Örn Kristjánsson á bekknum nánast allt mótið. Með frábært lið í höndunum og með ólíkindum að þetta lið komist ekki í átta liða úrslit ef af verður. Umspil um Ólympíusæti var markmiðið, það tókst ekki að ná því sem eru mikil vonbrigði. Útskýring á einkunnum: 6 - Heimsklassa frammistaða5 - Frábær frammistaða4 - Góð frammistaða3 - Sæmileg frammistaða - skilaði sínu2 - Ekki nógu góð frammistaða1 - Slakur leikur
HM 2023 í handbolta Landslið karla í handbolta Mest lesið Gengst við því að hafa gert mistök Handbolti Sjáðu markið sem hefði bjargað Íslandi á HM Handbolti Alfreð missti föður sinn sama dag og hann mætti Dönum á HM Handbolti Hvernig kemst Ísland áfram? Handbolti Einbeittur brotavilji Víkinga Íslenski boltinn Í beinni: Wolves - Arsenal | Skytturnar mega ekki við því að misstíga sig Enski boltinn Rúnari Alex sagt að finna sér nýtt félag Fótbolti Gakpo með tvö og Liverpool í toppmálum Enski boltinn Bjarni var kominn á lista hjá Icelandair: „Rotaðir frá fyrstu mínútu“ Handbolti Vildi Viktor aftur inn í fyrri hálfleik: „Gekk andskotinn ekkert upp“ Handbolti Fleiri fréttir Danir áfram með fullt hús stiga Aldís Ásta fór á kostum Allir vonsviknir af velli í Varazdin Fljúgandi start og Fram jók á raunir Eyjakvenna Vildi Viktor aftur inn í fyrri hálfleik: „Gekk andskotinn ekkert upp“ Gengst við því að hafa gert mistök Alfreð missti föður sinn sama dag og hann mætti Dönum á HM HM í dag: Erfitt kvöld með erkifífli Bjarni var kominn á lista hjá Icelandair: „Rotaðir frá fyrstu mínútu“ Sjáðu markið sem hefði bjargað Íslandi á HM Ásgeir Örn: „Eigum okkur eiginlega engar málsbætur með þetta“ Myndasyrpa frá svekkelsinu í Zagreb Skýrsla Vals: Svartur Dagur í Zagreb Hvernig kemst Ísland áfram? Samfélagsmiðlar eftir tapið: „Ömurleg auglýsing fyrir McDonald‘s“ Einkunnir Strákanna okkar á móti Króatíu: Hér varð hrun „Fyrri hálfleikurinn var alveg frábær“ Logi Geirs: „Það er ótrúlegt að liðið sé komið í þessa stöðu“ „Verðum bara að vera bjartsýnir og hafa trú“ Tölfræðin á móti Króatíu: Níu prósent markvarsla í fyrri hálfleik „Ég held að þeim hafi bara liðið vel allan tímann“ „Gerðum nákvæmlega það sem við ætluðum ekki að gera“ Umfjöllun: Króatía - Ísland 32-26 | Hjálp Slóvenar! Við klúðruðum þessu Stjarnan réði ekki við hraðann á Selfossi Afskrifuð stjarna Króata óvænt með Okkar menn fengu ekki slóvenskan greiða Einar Þorsteinn kemur inn í hópinn Sögulegur árangur Portúgals á HM Býr sig undir að mæta morðingjum í kvöld Sjáðu afmælisbarn og fleiri hressa Íslendinga hita upp í Zagreb Sjá meira