Elvar og félagar í 16-liða úrslit eftir sigur í oddaleik

Rytas og PAOK áttust við í umspili um laust sæti í 16-liða úrslitum þar sem vinna þurfti tvo leiki til að hafa betur í einvíginu. Staðan í einvíginu var 1-1 fyrir leik kvöldsins og því var allt undir þegar liðin áttust við í kvöld.

Elvar og félagar höfðu yfirhöndina frá fyrstu mínútu leiksins, en áttu erfitt með að hrista gestina af sér framan af leik. Þeir stungu þó af í þriðja leikhluta og unnu að lokum öruggan 19 stiga sigur, 82-63.

Elvar átti flottan leik fyrir litháíska liðið í kvöld og skoraði 12 stig, tók þrjú f´raköst og gaf sex stoðsendingar.