Myndasyrpa: Bumbu­kallar, börn og fót­bolta­kempur í bana­stuði

Það var fjölmennt á stuðningsmannasvæðinu í höllinni í Kristianstad sem var nánast einvörðungu skipuð Íslendingum. Svæðið opnaði klukkan þrjú í dag, rúmum fjórum klukkustundum fyrir leik og hefur verið þétt setið síðan.

Þeir Hákon Arnar Haraldsson, Orri Steinn Óskarsson og Ísak Bergmann Jóhannesson, leikmenn FC Kaupmannahafnar í fótbolta, gerðu sér ferð norður yfir kanalinn frá dönsku höfuðborginni. 

Vilhelm Gunnarsson, ljósmyndari Vísis, var með myndavélina á lofti á svæðinu. Það helsta úr stemningunni má sjá að neðan.

Leikur Íslands og Portúgals hefst klukkan 19:30. Leikurinn verður í beinni textalýsingu á Vísi og vegleg umfjöllun verður um hann, aðdragandann og eftirmálann.