Sam­fé­lagið á Reyðar­firði lamað vegna mjög al­var­legrar raf­magns­bilunar

Þetta kemur fram í tilkynningu á vef RARIK. Þar segir að unnið sé að flutningi varaafls víða af landinu. Engin hitaveita er á Reyðarfirði heldur treysta íbúar á rafmagn til húshitunar.

Ýmis starfsemi liggur niðri á Reyðarfirði vegna rafmagnsleysisins. Þannig er lokað á Olís á Reyðarfirði og sömuleiðis í Lyfju. Þá er Vínbúðin lokuð og bæjarskrifstofurnar.

Þjónusta á heilsugæslunni er í lágmarki þar til rafmagn kemur á aftur. 

Álverið á Reyðarfirði er á annarri línu og því gengur starfsemi þar eðlilega fyrir sig.

Gul veðurviðvörun er í gangi á Austfjörðum í allan dag og fram á nótt.

Uppfært klukkan 13:38.

Fulltrúar Fjarðabyggðar hafa nú fundað með Rarik vegna rafmagnsleysisins. Fundað verður aftur klukkan 16:00. Þetta kemur fram í tilkynningu. 

Ljóst er að alvarleg bilun varð í spenni á stuðlum og vinnur starfsfólk Rarik að greiningu. Búist er við því að rafmagnsleysið muni í það minnsra standa í nokkrar klukkustundir til viðbótar. Varaspennir er á leið frá Akureyri en færðin ræður því hversu fljótt tekst að koma honum á staðinn. 

Fólk sem þarf  á aðstoð að halda er hvatt til að hafa samband við skrifstofu Fjarðabyggðar í síma 470 9000.