Bankman-Fried samþykkir að vera framseldur Kjartan Kjartansson skrifar 20. desember 2022 10:47 Sam Bankman-Fried í viðtali við ABC-sjónvarpsstöðina. Hann hefur veitt nokkurn fjölda viðtala eftir fall FTX. Það þykir afar óvanalegt fyrir mann sóttur er til saka. AP/ABC News/Good Morning America Lögmaður Sams Bankman-Frieds, stofnanda FTX, segir hann tilbúinn að svara til saka í Bandaríkunum vegna falls rafmyntakauphallarinnar. Undirbúningur að framsali hans til Bandaríkjanna hefjist nú. Bankman-Fried er í varðhaldi í Nassá á Bahamaeyjum þar sem hann var handtekinn í byrjun síðustu viku. Hann sagðist upphaflega ætla að streitast gegn framsali til Bandaríkjanna þar sem hann er ákærður fyrir fjársvik, peningaþvætti og brot á lögum um framlög til stjórnmálaflokka. New York Times segir að hann hafi nú fallist á að vera framseldur til heimalandsins eftir ruglingslegan dag í dómsal í gær. Jerone Roberts, einn bahameyskra lögmanna Bankman-Frieds, segir skjólstæðing sinn hafa fallist á framsalið að fúsum og frjálsum vilja, þvert á eindregnar ráðleggingar lögmanna sinna. Lögmennirnir séu þegar byrjaðir að undirbúa framsalsgögnin. „Herra Bankman-Fried vill bæta viðskiptavinum þetta og það er ástæðan fyrir ákvörðun hans,“ segir Roberts við bandaríska dagblaðið. Trillað fram og til baka Ákvörðunina kynnti Roberts eftir að Bankman-Fried hafði verið trillað fram og til baka á milli dómsals og fangaklefa síns í gær. Upphaflega átti að taka mál hans fyrir til þess að hann gæti lýst því yfir að hann legðist ekki gegn framsali en Roberts krafðist síðar að fá að ræða nánar við skjólstæðing sinn og upplýsa hann betur um stöðu sína. Bankman-Fried er sakaður um að hafa notað milljarða dollara af innistæðum viðskiptavina FTX til þess að fjármagna Alameda Research, rafmyntavogunarsjóð sinn, kaupa lúxusfasteignir, fjárfesta í öðrum fyrirtækjum og láta fé af hendi rakna til stjórnmálaframboða. Saksóknarar halda því fram að hann hafi beitt viðskiptavini, fjárfesta og lánadrottna blekkingu allt frá stofnun FTX. FTX var tekið til gjaldþrotameðferðar í síðasta mánuði í kjölfar bráðrar lausafjárþurrðar. Viðskiptavinir kauphallarinnar gerðu áhlaup og drógu út innistæður upp á milljarða dollara eftir að fregnir af óheilbrigðu sambandi FTX og Alameda Research byrjuðu að kvisast út. Binance, stærsta rafmyntakauphöll heims, ætlaði á tímabili að skera FTX úr snörunni en ekkert varð úr því. Kastljós eftirlitsstofnana virðist nú einnig beinast að Binanace.Vísir/Getty Saksóknarar skoða stærsta keppinautinn Fall FTX hefur skekið undirstöður rafmyntaiðnaðarins og fleiri fyrirtæki hafa farið á hausinn síðan. Saksóknarar í Bandaríkjunum eru ennfremur sagðir með mögulegt mál í höndunum gegn Binance, stærstu rafmyntakauphöll heims. Fyrirtækið stöðvaði tímabundið úttektir á rafmyntum á dögnum en það segir að viðskiptavinir hafi tekið út sex milljarða dollara á þremur sólarhringum. Reuters-fréttastofan sagði frá því í vikunni að fjármál Binance væru algerlega ógegnsæ. Sem einkafyrirtæki þarf það ekki að birta upplýsingar um fjárreiður sínar opinberlega. Það hafi raunar ekki veitt utanaðkomandi innsýn í reksturinn frá því að það fékk síðast nýja fjárfesta til liðs við sig árið 2018. Þá neitar fyrirtækið að upplýsa hvar höfuðstöðvar þess eru og stjórnendur hafa markvisst reynt að koma því undan vökulum augum eftirlitsstofnana. Bandaríkin Bahamaeyjar Gjaldþrot FTX Rafmyntir Tengdar fréttir Rannsaka kosningaframlög FTX-forkólfa Bandarískir alríkissaksóknarar eru nú sagðir beina sjónum sínum að framlögum stjórnenda rafmyntafyrirtækisins FTX í kosningasjóði stjórnmálamanna. Þeir voru einir stærstu fjárhagslegu bakhjarlar flokkanna tveggja fyrir þingkosningarnar í síðasta mánuði. 19. desember 2022 12:36 „Gamaldags fjárdráttur“ hjá FTX Skiptastjóri fallna rafmyntafyrirtækisins FTX segir að það sem átti sér stað innan þess hafi ekki verið neitt flóknara en „gamaldags fjárdráttur“. Sam Bankman-Fried, stofnandi FTX, er ákærður fyrir fjársvik og peningaþvætti. 14. desember 2022 23:05 Fallni rafmyntakóngurinn segist engin svik hafa framið Sam Bankman-Fried, fyrrverandi forstjóri fallna rafmyntafyrirtækisins FTX, fullyrti að hann hefði ekki reynt að féfletta neinn þegar hann kom fram opinberlega í fyrsta skipti eftir gjaldþrotið í gær. Hann segist hvorki óttast saka- né skaðabótamál. 1. desember 2022 11:02 Mest lesið Skildu fullar körfur eftir vegna bilunar Viðskipti innlent Hagkaup hefur áfengissölu í dag Viðskipti innlent Elstu starfandi fiskbúð höfuðborgarsvæðisins skellt í lás Viðskipti innlent Vefsíðan hrundi innan tuttugu mínútna Viðskipti innlent Draumar rætast: „Konur þurfa ekki alltaf að vera á skrilljón“ Atvinnulíf Fær bætur vegna brúnu blettanna í mottunni Neytendur Veðjuðu næst mest allra Evrópuþjóða Viðskipti innlent Verðbólga fari undir fimm prósent í lok árs Viðskipti innlent Ráðinn fjárfestatengill Icelandair Viðskipti innlent Arion banki hækkar vexti hressilega Neytendur Fleiri fréttir Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira
Bankman-Fried er í varðhaldi í Nassá á Bahamaeyjum þar sem hann var handtekinn í byrjun síðustu viku. Hann sagðist upphaflega ætla að streitast gegn framsali til Bandaríkjanna þar sem hann er ákærður fyrir fjársvik, peningaþvætti og brot á lögum um framlög til stjórnmálaflokka. New York Times segir að hann hafi nú fallist á að vera framseldur til heimalandsins eftir ruglingslegan dag í dómsal í gær. Jerone Roberts, einn bahameyskra lögmanna Bankman-Frieds, segir skjólstæðing sinn hafa fallist á framsalið að fúsum og frjálsum vilja, þvert á eindregnar ráðleggingar lögmanna sinna. Lögmennirnir séu þegar byrjaðir að undirbúa framsalsgögnin. „Herra Bankman-Fried vill bæta viðskiptavinum þetta og það er ástæðan fyrir ákvörðun hans,“ segir Roberts við bandaríska dagblaðið. Trillað fram og til baka Ákvörðunina kynnti Roberts eftir að Bankman-Fried hafði verið trillað fram og til baka á milli dómsals og fangaklefa síns í gær. Upphaflega átti að taka mál hans fyrir til þess að hann gæti lýst því yfir að hann legðist ekki gegn framsali en Roberts krafðist síðar að fá að ræða nánar við skjólstæðing sinn og upplýsa hann betur um stöðu sína. Bankman-Fried er sakaður um að hafa notað milljarða dollara af innistæðum viðskiptavina FTX til þess að fjármagna Alameda Research, rafmyntavogunarsjóð sinn, kaupa lúxusfasteignir, fjárfesta í öðrum fyrirtækjum og láta fé af hendi rakna til stjórnmálaframboða. Saksóknarar halda því fram að hann hafi beitt viðskiptavini, fjárfesta og lánadrottna blekkingu allt frá stofnun FTX. FTX var tekið til gjaldþrotameðferðar í síðasta mánuði í kjölfar bráðrar lausafjárþurrðar. Viðskiptavinir kauphallarinnar gerðu áhlaup og drógu út innistæður upp á milljarða dollara eftir að fregnir af óheilbrigðu sambandi FTX og Alameda Research byrjuðu að kvisast út. Binance, stærsta rafmyntakauphöll heims, ætlaði á tímabili að skera FTX úr snörunni en ekkert varð úr því. Kastljós eftirlitsstofnana virðist nú einnig beinast að Binanace.Vísir/Getty Saksóknarar skoða stærsta keppinautinn Fall FTX hefur skekið undirstöður rafmyntaiðnaðarins og fleiri fyrirtæki hafa farið á hausinn síðan. Saksóknarar í Bandaríkjunum eru ennfremur sagðir með mögulegt mál í höndunum gegn Binance, stærstu rafmyntakauphöll heims. Fyrirtækið stöðvaði tímabundið úttektir á rafmyntum á dögnum en það segir að viðskiptavinir hafi tekið út sex milljarða dollara á þremur sólarhringum. Reuters-fréttastofan sagði frá því í vikunni að fjármál Binance væru algerlega ógegnsæ. Sem einkafyrirtæki þarf það ekki að birta upplýsingar um fjárreiður sínar opinberlega. Það hafi raunar ekki veitt utanaðkomandi innsýn í reksturinn frá því að það fékk síðast nýja fjárfesta til liðs við sig árið 2018. Þá neitar fyrirtækið að upplýsa hvar höfuðstöðvar þess eru og stjórnendur hafa markvisst reynt að koma því undan vökulum augum eftirlitsstofnana.
Bandaríkin Bahamaeyjar Gjaldþrot FTX Rafmyntir Tengdar fréttir Rannsaka kosningaframlög FTX-forkólfa Bandarískir alríkissaksóknarar eru nú sagðir beina sjónum sínum að framlögum stjórnenda rafmyntafyrirtækisins FTX í kosningasjóði stjórnmálamanna. Þeir voru einir stærstu fjárhagslegu bakhjarlar flokkanna tveggja fyrir þingkosningarnar í síðasta mánuði. 19. desember 2022 12:36 „Gamaldags fjárdráttur“ hjá FTX Skiptastjóri fallna rafmyntafyrirtækisins FTX segir að það sem átti sér stað innan þess hafi ekki verið neitt flóknara en „gamaldags fjárdráttur“. Sam Bankman-Fried, stofnandi FTX, er ákærður fyrir fjársvik og peningaþvætti. 14. desember 2022 23:05 Fallni rafmyntakóngurinn segist engin svik hafa framið Sam Bankman-Fried, fyrrverandi forstjóri fallna rafmyntafyrirtækisins FTX, fullyrti að hann hefði ekki reynt að féfletta neinn þegar hann kom fram opinberlega í fyrsta skipti eftir gjaldþrotið í gær. Hann segist hvorki óttast saka- né skaðabótamál. 1. desember 2022 11:02 Mest lesið Skildu fullar körfur eftir vegna bilunar Viðskipti innlent Hagkaup hefur áfengissölu í dag Viðskipti innlent Elstu starfandi fiskbúð höfuðborgarsvæðisins skellt í lás Viðskipti innlent Vefsíðan hrundi innan tuttugu mínútna Viðskipti innlent Draumar rætast: „Konur þurfa ekki alltaf að vera á skrilljón“ Atvinnulíf Fær bætur vegna brúnu blettanna í mottunni Neytendur Veðjuðu næst mest allra Evrópuþjóða Viðskipti innlent Verðbólga fari undir fimm prósent í lok árs Viðskipti innlent Ráðinn fjárfestatengill Icelandair Viðskipti innlent Arion banki hækkar vexti hressilega Neytendur Fleiri fréttir Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira
Rannsaka kosningaframlög FTX-forkólfa Bandarískir alríkissaksóknarar eru nú sagðir beina sjónum sínum að framlögum stjórnenda rafmyntafyrirtækisins FTX í kosningasjóði stjórnmálamanna. Þeir voru einir stærstu fjárhagslegu bakhjarlar flokkanna tveggja fyrir þingkosningarnar í síðasta mánuði. 19. desember 2022 12:36
„Gamaldags fjárdráttur“ hjá FTX Skiptastjóri fallna rafmyntafyrirtækisins FTX segir að það sem átti sér stað innan þess hafi ekki verið neitt flóknara en „gamaldags fjárdráttur“. Sam Bankman-Fried, stofnandi FTX, er ákærður fyrir fjársvik og peningaþvætti. 14. desember 2022 23:05
Fallni rafmyntakóngurinn segist engin svik hafa framið Sam Bankman-Fried, fyrrverandi forstjóri fallna rafmyntafyrirtækisins FTX, fullyrti að hann hefði ekki reynt að féfletta neinn þegar hann kom fram opinberlega í fyrsta skipti eftir gjaldþrotið í gær. Hann segist hvorki óttast saka- né skaðabótamál. 1. desember 2022 11:02