Innlent

Aðstoðuðu ferðamann í Landmannalaugum

Margrét Björk Jónsdóttir skrifar
Mynd frá vettvangi. Björgunarsveitarmenn náðu bílnum á þurrt en þurftu að skilja hann eftir.
Mynd frá vettvangi. Björgunarsveitarmenn náðu bílnum á þurrt en þurftu að skilja hann eftir. Landsbjörg

Flugbjörgunarsveitin á Hellu aðstoðaði erlendan ferðamann í morgun sem staddur var í Landmannalaugum og hafði fest bíl sinn í á.

Beiðni um aðstoð barst um klukkna tíu í morgun, að því sem fram kemur í tilkynningu frá Landsbjörg. Björgunarsveitir voru mættar á staðinn um klukkan 12:30.

Ferðamaðurinn hafði gist í Landmannalaugum síðustu nótt, en aðeins snjóaði þar í nótt og hafði vaxið í ám. Þegar hann hugðist fara til baka festist bíll hans í árkvísl. Maðurinn var einn á ferð.

Ferðamaðurinn gisti í Landmannalaugum síðustu nótt. Þegar hann hugðist fara til baka festist bíll hans í árkvísl. Getty/Ratnakorn Piyasirisorost

Í tilkynningunni kemur fram að björgunarsveitarmenn hafi náð bílnum á þurrt en þurftu að skilja hann eftir. Ferðamanninum var ekið til byggða.

Björgunarsveitir Rangárþing ytra

Mest lesið


Fleiri fréttir

Sjá meira


×

Mest lesið